Errausketaren kontrako Koordinadorak protesta La Caixa eta Banesto aurrean

Atalak: Aldundiak, Ekonomia, Gizarte eragileak

Koordinadorako kideak protestan La Caixa bankuaren atarian. (Argazkia: Errausketarik Ez)

Errausketaren Aurkako Herri Plataformen Koordinadorak ostiralean, otsailean,kez jositako protesta burutu zuten Donostian La Caixa eta Banesto bankuek dauzkaten egoitzen aurrean. Era horretan salatu zuten Gipuzkoako Hondakinen Partzuergoaren aurreko zuzendaritzak, lurraldeko udal hauteskundeen ostean Diputazioan agintea ekarri eta gero, Zubietan eraiki behar zuten errauste planta finantzatzeko bi banku horiekin sinatutako tratua, kalean “swupen kasua” deitzen dena.  Protestaldian irakurrita agiria bidali dute zenbait hedabidetara, tartean honako pasarteak dakartzana:

• Foru Aldundiaren eta Gipuzkoako hondakinen kontsortzioko aurreko kudeatzaileek (PNV- PSE eta PPren laguntzarekin) 2011n hainbat mailegu sinatu zituzten: Europako banka publikoarekin (Europako Inbertsio Bankua) 195 milioi €-koa, eta banku pribatuekin (LA CAIXA eta BANESTO) 68 milioikoa inbertsio eta azpiegituren mantenamendurako eta 5 milioi BEZa ordaintzeko, azken hauek baldintza umiliagarritan. Guztia Zubietako errauste planta eraikitzeko behar ziren 473 milioiak lortzeko helburuarekin egin zuten eta dena “ondo lotuta” uzteko asmoz, horrela gipuzkoarrek botoen bidez ezin izan zezaten haiek errauskailuari buruz hartutako erabakiak aldatu.
• Horretarako hauteskundeetarako 5 egun falta zirela, swap izeneko espekulazio-produktua (Espainiako Bankuak horrela kalifikatua) kontratatu zuten, jakinik aurretik horrelakoen erabileragatik epaitegiek banka zigortua zutela. Produktu honek maileguaren gain eragin garrantzitsua du; mailegu honi uko eginez gero, gipuzkoarrek errausketaren aurkako aukerak bozkatuta adibidez, bankuek kalte-ordain handia kobratzeko eskubidea izango lukete
• Kontratu hauek indarrean duden bitartean, Gipuzkoako erakundeek hilero ordaindu behar dituzte interesak, nahiz eta maileguko dirua ez erabili. Mailegu hau erraustegiaren eraikuntzako ordainketak egiteko bakarrik erabili daiteke. Beraz, mailegua ez da erabili, behar ez delako, baina bakuek behartzen gaituzte interesak ordaintzera.
• Honekin bukatzeko bi modu daude soilik:
• Bata, bankuek kontratuak berrikustea, ezabatzea, epaitegietara joan behar izan gabe, Erresuma Batuan egin zuten bezala. Honetarako herritarren presioa behar beharrezkoa izango da.
• Bestea, epaitegiek LA CAIXA eta BANESTO kontratuak eta sortutako zorra ezabatzera eta kobratutako dirua itzultzera behartzea. Honetarako Gipuzkoako erakundeek dagokion auzi-eskea egina dute eta epaiketa otsailean egitekoa da.