Errefusarentzako harrobiak, Denis Itxaso eta Fernando Segura

Atalak: Plangintza

[Pello Zubiria Kamino] Gipuzkoako hondakinen gaiak bizi duen eztabaidaren osagaiak errepikatuz doaz urte luzez, baina Diario Vasco egunkariak, bereziki Fernando Segura kazetariaren eskutik egindako lanari esker, lortzen du beti ogi zaharra mahairatzea goizean labatutako albiste berotzat. Periodikoak martxoaren 5ean titulu handiz nabarmendutako “La Diputación se atasca en materia de residuos” tituluarekin -gutxi falta zitzaion instintuari jarraiki ‘se atasaca en la mierda‘ jartzeko- norbait asko eskandalizatu baldin bada, izan behar du memoriatik borratua zaiolako 2011ko urriaren 1ean kronista beraren sinadurarekin plazaratu zuela honakoa: “Gipuzkoa se enreda en la basura“.

Gauza bera baina ez berdina gertatzen zaio Denis Itxaso PSE-EEko Gipuzkoako ingurumen arduradun eta San Marko mankomunitateko presidenteari. “Itxaso dice que Bildu plantea ubicar el vertedero de «inertes» en canteras” haizatu du titulu handiz Diario Vascok, sozialistaren deskubrimendu harrigarria bailitzan. Harrobion gaiaz batere interesatu denak ondo daki 2012ko maiatzean orduan Ingurumen diputatu zen Juan Karlos Alduntzinek aurkeztutako planean aipatzen zela soluzio hau azken errefusarentzako. Garak titulu handiz plazaratu zuen 2012-06-05ean: “La Diputación plantea recuperar las canteras en desuso para emplearlas como depósitos“. Garai hartan ARGIAko bere blogean azalpen tekniko ugari eskaini zituen Urko Apaolazak bere “Bilduren ‘zabortegiak’” irakurri beharrekoan… euskaraz hori bai. Baina Diario Vascok ere hainbat titular eskaini zituen harrobiok aipatuz, “El PNV pedirá que las canteras no sean depósitos de residuos” esaterako. Orain enteratu ote da Itxaso?

Nekez: berak eta Odon Elorzak aipatu zuten errausketarik gabeko kudeaketa batean -bai, ez hain aspaldi errausketaren kontra egonak omen dira sozialistak Gipuzkoan…- azken errefusa ondo metatzea izan daitekeela soluziorik onena. Irakurlearen zorionerako, Diario Vascok berak eskaintzen du hemerotekan 2006ko martxoaren 10eko (zortzi urte baino ez) pieza eder hau, Fernando Segurak sinatua: “No hemos aceptado la incineradora, pero acatamos lo que diga la mayoría” dio tituluan, azpian “Elorza mantiene su apuesta por el reciclaje y el compostaje de la basura «Lamentablemente, PNV, EA y PP apuestan por la incineración»”  eta aurreraxeago “Elorza presentó su propuesta en las instalaciones del vertedero de San Marcos. El núcleo de su alternativa se basa en potenciar al máximo el recuperación de los residuos, hasta alcanzar el 50% del total. Otra fracción significativa se trataría en una «ambiciosa» planta de compostaje y en otra de biometanización, ambas situadas en Belartza. Finalmente, el resto que quedara sin poder tratar se inertizaría (quedaría sin olor) y se enterraría en alguna cantera  clausurada“.

2006an Elorzak eta Itxasok ez zuten argitu nongo zein harrobi zeukaten azken errefusentzako pentsatua. 2014an horixe ote da Bilduko agintariei falta zaien detaile bakarra sozialistekin plan berria adosteko?