San Marko versus Atez Ateko herriak: justiziari buruzkoa da eztabaida

Atalak: Ekonomia, Mankomunitateak, Politikariak

[Pello Zubiria Kamino] “San Markos vuelve a licitar el contrato de recogida selectiva del papel-cartón, envases y bio-residuos” titulatu zuen maiatzaren 27an Diario Vascok Javier Peñalvaren kronika, ondoren nabarmentzeko: “Dará servicio al 82,9% de la población de la mancomunidad” eta “Denis Itxaso califica de irresponsables a los representantes de EH-Bildu por “querer paralizar la contratación de un servicio esencial para los ciudadanos“. Egunkari berak bi egun beranduago ipini izenburu hau: “Los municipios del puerta a puerta no quieren seguir pagando la recogida selectiva“. Ez zuen askoz gehiago matizatu Noticias de Gipuzkoak: “Bildu quiere frenar el contrato de recogida selectiva de San Markos“. Bilduren etsai itsua ez den irakurlea harrituko zen kontuarekin. Bilduk gobernatzen dituen udalei zerbait aurpegiratu baldin bazaie Atez Atekoaren arerioen artetik izan da sistema garestiegi bat antolatu omen dutela…

Argia, egia esan, Diario Vascoren bi titularrretan gezurtiena (“Los municipios del puerta a puerta no quieren seguir pagando la recogida selectiva“) daraman kronikan bertan dago: Efe agentziak bertan biltzen zuen Atez Atekoan ari diren Usurbil, Oiartzun, Hernani, Astigarraga, Lezo eta Pasaiaren azalpenak. Alegia, gaikako bilketan emaitzarik onenak lortu dituzten herriok behartu nahi dituztela San Markoko agintariek emaitzarik txarrena daukatenen kosteak eskotean pagatzera. Atez Atekoan bilketa herri horiek beren kontu egiten badute, borondatezko edukiontziekin lan egin nahi dutenek gauza bera egin dezatela beren bilketarekin. “Eta hau ez da justua!” diote herriotako alkateek beren agirian. Zergatik?

“Denis Itxaso -diote alkateek- injustizia handia egiten ari da: Donostia, Lasarte, Errenteria eta Urnietako edukiontzien bidezko sistema bilketa denon artean ordaintzera behartzen gaitu. Hau da, gure bilketa sistema osoa ordaintzeaz gain, gainerako udalerri horien edukiontziak ordaintzera behartzen gaitu. (…) Urte batzuk igaro ditugu besteen edukiontziak ordaintzen eta ez gaude prest horrela jarraitzeko”. Eta San Markok nahi duela aurrerantzean sistema berarekin jarraitzea: “Arazoa da lizitazio berri horrek soilik mankomunitateko lau herriei emango diola zerbitzua, baina faktura sei herri txikiei ere pasako zaiela”.

“Hau ez da justua” diote alkateok. Justiziaren gaiak hartuko du pixkanaka nagusitasuna hondakinen eztabaidan. Joan den uztailean Tolosaldeko mankomunitateak barne funtzionamendua aldatu zuen, hain zuzen hondakinen kudeaketaren kosteak herritarren eta udalen artean modu justuago batean banatzeko. Orain organikoaren bilketarekin San Markon lehertu da, Donostia, Errenteria eta Lasarte-Orian inbertsio handiak egin behar dituztelako bostgarren batez osatzn lehengo edukiontzien sistema zaharra… Atez Atekoan ari direnek baino emaitza askoz txarragoak edukitzen jarraitzeko. Gero eta gehiago alor guztietara zabalduko da.

Albistearen xehetasunak hemen:
San Marko “San Markos mankomunitateko biztanleriaren % 82,9ari emango dio zerbitzua edukiontzi bidezko gaikako bilketak”
Oiartzungo Udala “[Usurbil, Oiartzun, Hernani, Astigarraga, Lezo eta Pasaiako udalek oharra] Denis Itxaso da bilketa selektiboa oztopatzen duen bakarra”
Noticias de Gipuzkoa “Bildu quiere frenar el contrato de recogida selectiva de San Markos”
Diario Vasco “San Markos vuelve a licitar el contrato de recogida selectiva del papel-cartón, envases y bio-residuos, “, “Los municipios del puerta a puerta no quieren seguir pagando la recogida selectiva”
@diariofatxo Twitterren “Manipulación. Ahora resulta que PaP no es recogida selectiva: lo que no quieren es pagar contenedores que no utilizan“