GHKk Zubietako planta berria aurkeztu du

Atalak: Aldundiak, Partzuergoa, Plangintza

[Pello Zubiria Kamino] GHK partzuergoak Gipuzkoako Foru Aldundiaren Donostiako egoitzan agertu du hedabideen aurrean nolakoa izango den Zubietan errauskailuaren ordez eraikiko dten TMB (Tratamendu Mekaniko eta Biologikorako) planta berria. Iñaki Errazkin Ingurumeneko eta Lurralde Antolaketako diputatuarekin eta GHKko lehendakari Ainhoa Intxaurrandietarekin batera, proiektuaren xehetasunak azaldu ditu planta berria diseinatu duen Alemaniako Haase Enviromental Consulting (HEC) aholkularitzako Rolf Sieksmeyerrek.

Agintariek segurtatu dute 2015.a bukatzerako lanean hasteko moduan egonen dela planta berri, 160.000 tona errefus tratatu eta inertizatzeko prestatua. Nahasirik iritsitako errefusez gain, gaika ondo bildurik bertara eramandako ontzi arinak eta organikoa birziklatzeko atalak ere edukiko ditu. TMBa era malguan aldatzen joateko diseinatuta dago, Gipuzkoan gaikako bilketa handitu eta errefusa gutxitu ahala behar berriei erantzuteko. 60 milioi euro kostatuko da (agintariek azpimarratu dutenez,  errauskailu proiektuak baino 163 milioi gutxiago, 223 milioiko aurrekontua baitzuen errauskailuak), eta Zubietako TMBan bertan 54 lanpostu sortuko ditu. Lanak 2014an esleituko dira eta 2015. urte bukaeran hasiko da lanean.

Albistearen xehetasun gehiago jakiteko:
“Hondakinak iraunkortasunez kudeatzeko gunea” (Gipuzkoako Foru Aldundia)
“Zubietako planta aurkeztu dute, “birziklatzearen gizartean” txertatua” (Berria)
“Hondakinak kudeatzeko zentroak errauste planta baino 163 milioi gutxiagoko aurrekontua izango du” (Hitza)
“Zubietako Tratamendu Biologikorako planta 2015ean hasiko da lanean” (Gara)
“La planta TMB de Zubieta estará para finales de 2015“,

“La planta de Zubieta avanza sin la luz verde de Lakua” (Noticias de Gipuzkoa)
“La planta de residuos de Zubieta estará terminada a finales de 2015“, “El PSE-EE advierte de que la planta de residuos de Zubieta «nos condena a mantener vertederos para unas 100.000 toneladas anuales»” (Diario Vasco)
“El centro de residuos de Gipuzkoa estará terminado a finales de 2015” (El Pais)
“Hondakinak iraunkortasunez kudeatzeko gunea” (GHK)