Gipuzkoako Atez Atekoa ezagutzera San Francisco eta Frantziako Estatutik

Atalak: Atez atekoa, Europa

Zero Zabor i.b.e.ak ezagutarazi duenez, Jack Macy San Francisco hiriko Zero Zabor estrategiaren koordinatzailea Euskal Herrian izango da astelehen eta asteartean, zehazki Gipuzkoan zero zabor norabidean egiten ari diren urratsak ezagutzen eta San Franciscoko zero zabor estrategiaren ezaugarriak azaltzen. Hernani eta Orendain bixitatuko ditu eta udaletako, mankomunitateetako eta Foru Aldundiko teknikari eta arduradunekin egongo da. Astearte arratsaldean, be rriz,  Zero Zabor ingurumen babeserako elkarteak antolaturik, gaia lantzen duten eragileekin egongo da eta solasaldi ireki bat egongo da Donostiako Cristina enea ingurumen baliabideen etxean 18:15etan.

Bestalde, joan den astean Hernani eta Pasaian Atez Atekoa nola egiten den ezagutzen ibili dira Frantziako Estatuko Brive-la-Gaillarde hiriko udal arduradunak, hiri haren gune historikoan eta bigarren auzo batean 2015 hasieran Atez Ateko bilketa antolatzeko ideiak eta ereduak ezagutzen. Albistea Hernaniko Kronikak zabaldu du: “Hernaniko hondakin sistema ezagutzen gaur, Briveko udaletik“. Hiri honetako alkateorde Bernard Longpré izan da bisitan hango herri elkargoko bi teknikarirekin.

Jack Macyren bisitaz xehetasun gehiago:
“El responsable de la gestión de residuos de San Francisco visita Gipuzkoa” (Diario Vasco)
“Jack Macy San Frantziskoko hondakin arduraduna Gipuzkoako hainbat udal ordezkarirekin elkartu da gaur Foru Aldundian” (Gipuzkoako Foru Aldundia Twitterren)
“Jack Macy. San Frantziskoko Zero Zabor arduraduna «Ordaintzea pizgarri da zabor gutxiago sortzeko»” (Berria)