Bizkaian hondakin organikoaren %0,58 baizik ez da konpostatzen, dio EHBilduk

Atalak: Bizkaia, Bost kontenedore

EHBildu koalizioak Bizkaiko Foru Aldundiari eskatu dio hondakin organikoen bilketa handitzeko esperientziak sustatzea eta herri handienetan bosgarren edukiontzia zabaldu dezala. Bere ekimenean EHBilduk datu esanguratsu hau azaldu du: Bizkaian sortutako hondakin organikoaren %1era ere ez da iristen konpostatzen dena, zehazki %0,58an dago.  Gainerako %99 TMBtik pasa ostean errauskailura doa edo zabortegietara. Koalizioak diputazioari proposatzen dio  Mallabia, Berriz eta Larrabetzun organikoarekin egiten ari direna bezalako ereduak sustatu ditzala eta Bizkaia osora hedatu dezala organikoa biltzeko edukiontzi marroia. Etxebizitzetan sortzen diren  hondakin guztien %40 inguru gai organikoz osatuta dago.

Bizkaiko Foru Aldundiak gaiaz ematera doan hurrengo urratsa argitu du prentsa ohar bidez: “Aldundiak konposta egiteko materia organiko gehiago biltzeko zati kozinatua ere bota ahal izatea proposatuko die udalerriei“.

“Beste zabor kudeaketa baten eske” (Berria)
“EH Bildu pide gestionar mejor los residuos orgánicos en Bizkaia” (Gara)
“Bizkaia: Foru Aldundiak jarrera zuzendu eta hondakin organiko guztiak onartuko ditu aurrerantzean” (Zero Zabor i.be.)