Gasteizen “GREENdu zure zaborra” hitzaldi bilera

Atalak: Sailkatugabeak

Greendu zure zaborra Gasteizen

[Pello Zubiria Kamino] Gasteizen bihar, asteazkena 3, hiru hitzaldiko sorta antolatu dute: “GREENdu zure zaborra” (“Hagamos GREEN nuestra basura“) lelopean. “Greendu” kontzeptu deigarriak jolas egin nahi du Gasteizek bereganatu zuen Green capital (iraunkortasunaren hiriburu) izenarekin. Helburuak eta Gasteizko egoeraren oinarrizko informazioak eman ditu Zero Zabor i.b.e.k “Gasteiz 0 waste, GREENdu zure zaborra” iritzi artikuluan.

Hizlari eta gaiak izango dira (gaztelaniaz):
– Dani Zuazagoitia (EHU/UPV) “Filosofía 0 Residuos y economía circular”
– Nati Lopez de Munain (Burgeluko alkatea) “Gestión de residuos orgánicos en el municipio de Elburgo”
– Jaime Ortiz de Urbina (Barrundiako teknikaria) “Compostaje en Barrundia”

Burgeluko alkateak aurkeztuko du Araban auzo-konpostaketan aitzindari den bere herriaren adibidea. Lehenago beste bilkura batean erakutsitako PPTa: “Proyecto de compostaje, Ayuntamiento de Elburgo, 2005-2012“. Barrundian egiten ari direna Barrundiako udal aldizkaria honen 4. orrialdean irakur daiteke.