Pasaiak urrian %76 birziklatu du Atez Atekoarekin

Atalak: Atez atekoa, Udalak

[Pello Zubiria Kamino] Pasaiko udalak San Marko mankomunitatearen iturrietan oinarrituta herritarrei jakinarazi die urrian gaikako bilketan %76ko tasa gainditzea lortu dutela. Urriaren 2an ezarri zen sistema berria San Pedro eta Trintxerpen, aurretik Antxon eta Donibanen jarri ostean. Aurreko sistemarekin, esan dute udal agintariek, hilabeterik onenean ez zuten %35a gainditu (2013ko maiatzean). Udalak herriko familia guztiei etxeetara bidali dizkie datu zehatzagoen informazioak, tartean zer egiten den berezirik bildutako frakzio bakoitzarekin.

Bitartean, zenbait herritarrek gaikako bilketari sabotajea egiten segitzen dute, gaika bereizi gabeko zabor nahasiak kaleetan botata utziaz. Atez Atekoaren kontrako plataformaren ordezkariek publikoki sustatu dituzte ekintza hauek, ETBko elkarrizketa honetan ikus-entzun daitekeenez. Udalak herritarroi gogorarazten die protesta egitea zilegi den arren, ezin dutela hori egin zaborrak nahasirik kalean utzita herri osoa kaltetuz. Azken asteotan Diario Vasco eta Noticias de Gipuzkoa egunkariek sabotaje horiez eman duten informazioaren tonua ikusirik, nabarmentzekoa da Pasaian zentratu dutela errausketaren aldeko indarrek sistema alternatiboaren kontrako erasoa.

Ikusi gaiak azken egunetan eman dituen titular eta kronikak eta alderatu:
Hitza “Pasaiak gainditu du helburutzat ezarritako birziklatze tasa”
Diario Vasco “Vigilancia policial sobre la basura en Trintxerpe”, “Pasaia Garbia insta a Bildu a seguir el ejemplo de Mutriku” “El Ayuntamiento retiró ayer buena parte de las bolsas de basura de la calle“, “La denuncia de Reporteros DV“, “Recuerdan que la limpieza viaria costó 9 millones“, “Denuncian que no recoger la basura genera «posibles focos de infección»”, “El Gobierno felicita a los vecinos por lograr una tasa de reciclaje del 76,5%”
Noticias de Gipuzkoa “Vecinos de Pasaia echan un pulso al ‘puerta a puerta’“, “Trintxerpe y San Pedro se fijan en Mutriku”