Txinako Guangzhoutik Gipuzkoara Zero Zabor eredua ezagutzera

Atalak: Aurkezpenak, Gizarte eragileak, Prebentzioa

Txinako Guangzhou (hemen Canton izenez ere ezaguna) hiritik etorririk, Yinim Fu ekintzaile gaztea Euskal Herrian izan da Zero Zabor ingurumen babeserako elkarteak konbidatuta, “Txinatik Gipuzkoara Zero Zabor praktikak ezagutzera” oharrean jakinarazi dutenez. 14 milioi biztanle dituen Guangzhoun agintariek errauskailua eraiki nahi dutela eta, horren kontra lanean ari den Ecocanton elkarteko kidea da Yinim Fu.

Zero Zabor i.b.e.koek lagunduta ezagutu ditu Gipuzkoako zenbait esperientzia adierazgarri, hasita Usurbilgo sistema (berrikitan tasa justua ezartzera iritsi dena), Tolosan edukiontzi kontrolatu bidez hasi berri dutena, Ordiziako Atez Atekoa, Orendainek herri txikientzako estreinatu zuena, eta abar. Laster istekotan diren zabortegi zaharretako bat ere erakutsi diote eta Zubietan bezala Zestoan eraikiko diren azpiegituretako lanak ere bai.

Errausketaren aurkako protesta Guangzoun 2009an. Eco Canton taldearen aboapuntu izan ziren protesta hauek.