Donostiako Alde Zaharrean abian da bilketa sistema berria

Atalak: Atez atekoa, Bost kontenedore, Udalak

Abenduaren 8tik Donostiako Alde Zaharrean bizi diren herritarrek eta profesionalek bilketa sistema berria daukate beren hondakinentzako. Urte luzez karrika eta atarietan pilatzen ziren zabor zorroak desagertu dira eta denei udalak eskaintzen die hondakin guztiak gaika entregatzeko aukera. Donostian ez baitago derrigorrezko birziklatzerik, nahiz eta 2016rako gaikako bilketan %60ra iristeko helburua eduki.

Bi bilketa ezberdin egiten ditu udalak Alde Zaharrean. Alde batetik bertan bizi diren familiek, gai bakoitzarentzako edukiontzi bereziak dauzkate auzoko zenbait kokalekutan. Bestetik merkatarien bilketa dago; hauentzako berrikuntza nagusia da udalak ataritik kentzen diela (Atez Ate) gai bakoitza, organikoa egunero hala nahi izanez gero. Sistemaren xehetasun oro Udalak erakusten ditu Joko Garbia blogean: “Abian da Parte Zaharreko Hondakin Bilketa Sistema Berria“.

Albistearen oihartzunak:
“Abian da Parte Zaharreko Hondakin Bilketa Sistema Berria” (Donostiako Udala)
“La recogida de materia orgánica en la Parte Vieja echa a andar” (Noticias de Gipuzkoa)
“Arranca el nuevo sistema que pone fin a las bolsas de basura en los portales de la Parte Vieja” (Diario Vasco)