Urtetako zabortegia dagoenekoz itxi dute eta festaz ospatu Zarautzen

Atalak: Aldundiak, Partzuergoa, Politikariak, Udalak, Zabortegia

Urtetako zabortegiaren itxiera festa iragarri du Zero Zabor i.b.e.ak

[Pello Zubiria Kamino] Gaur Gipuzkoako Foru Aldundiak itxitzat eman du Zarauzko Urteta auzoan Urolaldeko eta Donostialdeko hondakin nahasiak biltzen zituen zabortegia, eta bete du Martin Garitanoren ahotik emandako hitza. GFAk zabaldu duen “Zabortegirik gabeko lurralde bihurtzeko garrantzi handiko pausoa eman du gaur Gipuzkoak” prentsa oharrean dioenez, Martin Garitano diputatu nagusiak, Iñaki Errazkin Ingurumeneko eta Lurralde Antolaketako diputatuak, Ainhoa Intxaurrandieta GHKko lehendakariak, Amaia Guruzeta Urola Kostako mankomunitateko lehendakariak eta Juan Luis Illarramendi Zarauzko alkateak itxi dute gaur Zarauzko zabortegiko atea.

Zabortegia 1988tik zegoen martxan eta orain itxita, datozen asteetan ekingo diete hondakin multzoa zigilatu eta ingurua paisai aldetik berreskuratzeko lanei. Gipuzkoako hondakinen plan berriak abian jartzeko aurkitu dituen oztopoengatik, Aldundiak atzeratu egin ditu Sasietakoa eta Lapatxekoa ixteko datak. Urtetakoaren itxiera gaur iluntzeko 19:00etatik aurrera ospatuko dute Zarauzko kaleetan, Zero Zabor elkarteak jakinarazi duenez.

Eusko Alderdi Jeltzaleak prentsa ohar gogor batekin eman dio ongi etorria albisteari: “Bilduk Urtetan zulo ekonomikoa eta ingurugiro egoera larria utziko ditu“. Horri oihartzun egin dio Diario Vascok eta hondakinen inguruko edozein albisterik lehen orri nagusia argazki eta guztiz hornitzen badakien egunkariak gaurko azalean lekutxo batera eraman du titularra: “Cierre del vertedero de Zarautz. El PNV denuncia que será una “bomba económica”. Barruan: “El PNV acusa a Bildu de dejar una «bomba económica y medioambiental» en la clausura de Urteta”. Noticias de Gipuzkoak dio: “El PNV acusa a Bildu de dejar una “bomba económica y ambiental” con el cierre de Urteta“. Gipuzkoak hiru zabortegietako bat betirako itxi izana berez albistea ez dela ebatzirik.

[P.D.] Zero Zabor elkarteak eskaini ditu Zarauzko ospakizunaren berri eta irudiak: “Gipuzkoan zabortegiak ixten eta jendea, nola ez, ospatzen. Urteta itxita!!!”

Albistearen oihartzun gehiago:
“Urtetako zabortegia itxi dute” (bideoa) (Erlo Telebista)
“Urtetako zabortegia itxi dute” (Beria)
“El vertedero de Urteta en Zarautz queda clausurado“, “Cierra el vertedero de Zarautz: el cierre de Urteta, a debate” (EITB)
“Urteta ya no recibe más basuras” (Diario Vasco)
“La Diputación cierra el vertedero de Urteta sin hacer ninguna infraestructura de su plan” (Noticias de Gipuzkoa)
“Agindu epean itxi da Zarauzko zabortegia” (GHK)