Zestoan Osinbeltzi buruzko parte hartze prozesuak aurrera darrai

Atalak: Galdeketa, Osinbeltz

[Pello Zubiria Kamino] Zestoarron Aukera deitu parte hartze prozesua, udazkeneko herri galdeketan bururatuko dena, bere bidea egiten ari da. Prozesuari hasiera martxoaren 12an eman diote Zestoako udalean eta aurkezpenean esandakoak bideoz ikus-entzungai ipini dituzte osorik.

Martxoaren 14an bisita gidatua egin zuten Osinbeltzeko harrobi handira. Argazkiez gain, bideo batean bildu dituzte bisita bera eta teknikariek emandako azalpen xeheak:

Hiru egun beranduago, martxoaren 17an, Osinbeltzeko harrobiaren isolamenduaz hitz egitekoak ziren GHKko arduradunekin batera zenbait teknikari eta aditu, Urola-Kostako Hitzak iragarri zuenez. Azalpenak ematera etortzekotan ziren Aitor Zulueta geologo eta isolamenduetan aditua, Gerd Burkhardt ICP-ko ingeniari eta zuzendaria eta Silvia Venema ICP-ko ingeniaria. Han esandakoa Hitzak berak albiste honetan bildu du: “Osinbeltz isolatzeko lanak ohikoak eta erabat seguruak direla esan dute“.

Gainerakoan, Zestoarron Aukerak egitarau honetan aurreratu ditu ondoko aste eta hilabeteetan egingo diren bileren egun eta orduak.