Andoaingo udalak Zubietan erraustea babestu du PSE eta EAJren botoz
Zubietako errauste plantaren isuriek gehien eraginko dien udalerrien mapa. Andoain bete-betean harrapatzen du.
[Pello Zubiria Kamino] Azaroaren 26an egindako osoko batzarrean, EAJ eta PSEko zinegotzien botoari esker Andoaingo Udalak bere babesa eman dio Gipuzkoako Foru Aldundiak Zubietan eraiki nahi duen errauste plantari. Gara egunkariak -soilik paperezko edizioan- zabaldu du albistea bere xehetasunekin.
Udalbatzaren bilkuran Errausketaren kontrako plataformen Koordinadorak mozio bat aurkeztua zuen udala Zubietako errauskailuaren kontra garbi azaldu zedin. Koordinadorak, errausketaren kontrako argudio orokorragoen ondoan, nabarmentzen zuen errauskailua egitekotan Andoaindik hiru kilometro eskasera eraikiko litzatekeela, herria utziz giza osasunarentzako kalte handienak eragiten dituen 5 kilometroko eremu barruan. Mozio honek jaso zituen EH Bildu eta Irabazi plataformako zinegotzien botoak.
Horren alternatibatzat aurkeztu zuen PSEk bere mozioa, errausketaren aldekoa, eta EAJren botoekin nagusitu zen.
Albiste hori argitaratzean Garak akats bat egin zuen. Hiru alderdi izan ziren Errausketaren Kontrako Plataformen Koordinakudearen alde eta PSE-naren aurka bozkatu zutenak EH Bildu (6); Ganemos (1) eta Irabazi (1). Alderantziz Koordinakundeak aurkeztutakoaren aurka eta ondorioz Zubietako errausgailuaren alde PSE (5) eta PNV (4). Bide batez, bozka banaketa berdina eman zen Eguzkik aurkeztutako FRackingaren inguruko mozio bnaten aurrean eta ondorioz Andoain etzen “Frackingik gabeko udalerri”izendatu. Informazio gehiago: http://eguzki.org/2015/12/02/andoaingo-udala-pse-eta-eaj-osasun-publikoa-eta-ingurumenaren-aurka/