Ira15 0

Zubietako plantaren 2. faseko lanen erabaki eta baimenak: alegaziotarako 30 egun

Atalak: Biometanizazioa, Dokumentuak, Errausketa, Eskoriak

Lehen planoan biometanizatze planta eta eskoriak tratatzekoa eta aurrean Zubietako erraustegia. (Irudia: GHK)

40.000 tona hondakin organikori biogasa ateratzeko eta erraustegiak emango dituen 52.000 tona eskoria tratatzeko planta bana, horiek eraiki nahi ditu ondoko bi urteetan GHKk 37 milioi euroko inbertsio berrian. 30 eguneko epea zabalduta dago bai horiek eraikitzeko GHKk hartutako erabakiei eta bai Eusko Jaurlaritzak emandako ingurumen baimenei alegazioak aurkezteko.

Zubietako errauste plantaren (ofizialki Gipuzkoako Ingurumen Zentrua) 2. fasea abiada batean sartu du EAJk eta PSOEk kontrolatzen duten GHK partzuergoak. Orain alegazio epean daudenez, Gipuzkoako herritar zein erakunde eta elkarteek 30 eguneko epea daukate (irailaren 7tik kontatuta) berenak aurkezteko.

Eusko Jaurlaritzaren ingurumen baimen bateratuaren eta alegazioak aurkezteko moduen xehetasunak ondoko webguneetan aurki daitezke: Eusko Jaurlaritza, Euskal Herriko Agintaritzaren Aldizkaria eta Gipuzkoako Aldizkari Ofizialean.

GHKk uda honetan 2. faseaz hartu dituen erabakiei alegazioak aurkezteko xehetasunak, berriz, Gipuzkoako Aldizkari Ofizialean.