“Errausketarik Ez!” hamahirugarrenez aldarrikatu dute Donostiako Kontxan

Atalak: Ekitaldia, Errausketa, Gizarte eragileak

Errausketa baino alternatiba hobea eta merkeagoa badagoela aldarrikatu zuten. (Argazkia: EAM)

“Errausketarik ez”, “Osasuna bai” eta “Alternaiba badago” aldarrikatu dute Donostiako banderaren bigarren estropada igandean Kontxako hondartzan.

Errausketaren Aurkako Mugimenduak, Koordinadorak eta Donostia Bizirik plataformak deituta bildu ziren Gipuzkoa osotik hurbildutako hainbat herritar. Koordinadorako arduradun beteranoek oroitarazi zutenez, hamahiru urte dira Gipuzkoan hondakinak errausteko asmoen kontra gizarte mugimenduak lanean eta borrokan ari direla. Gipuzkoako agintariek Zubietan planta eraikitzeko lanak abian jarri dituzten arren, amore ez emateko deia egin zuten, proiektua kaltegarria delako herritarrentzako eta alternatiba hobea badagoelako.

Mobilizazioekin bat egin zuten EHBildu, Alternatiba, Equo, Irabazi, Ezker Anitza, Podemos, CCOO, ESK, Duintasuna, LAB, ELA, Eguzki, Ekologistak Martxan eta Greenpeacek, besteren artean.

Usurbilgo Noaua hedabideak bideo honetan laburbildu du mobilizazioa: