Elgetako udalak %70-80 birziklatzeko sistema propioa onartu du aho batez

Atalak: Udalak

Oxel Erostarberen (Aralarretik ateratako independienteak) udal gobernuak, Bilduk eta EAJk adostu dute  herriko hodakinen gaikako bilketa %70-80era jasotzea bermatuko duen sistema berria, tartean herri galdeketa aurreikusten duena.

Albistea eskaini dute Goienak (“Hondakinen gaian plangintza bateratua adostu dute Elgetan udal gobernuak, Bilduk eta EAJk” bideo eta guzti), Berriak (“Elgetako udalbatza ados, zabor bilketaz galdetzeko“), Garak (“Acuerdo en Elgeta con una tasa del 70-80% de reciclaje como objetivo“) eta Diario Vascok (“Apoyo unánime del pleno al sistema ‘propio’ de recogida de residuos urbanos“).

Goienak honela laburbildu ditu Elgetako udalbatzak hondakinen %70-80 sailkatzeko onartu dituen zortzi neurriak:

1) Zaborrarekin gaur egun egiten dena ezagutzeko eta herritarrek gaiaren inguruan iritzi garatu eta kritiko bat izateko ekimenak burutu.
2) Etxekonposta zein auzokonposta bultzatu.
3) Ekogunerekin batera ‘Elgetan ontziratu zaitez’ ekimena gauzatu.
4) Kaleetan, parkeetan… hondakinak bereizita botatzeko zaborrontzi berriak ipini.
5) Hondakinen bilketa edukiontzien bidez egingo da, baina desagertu egingo da edukiontzi berdea. Bost edukiontzi berdin mantenduko dira: paperarena, beirarena, olioarena, pilena eta arroparena. Berrikuntza izango dira txiparekin funtzionatuko duten edukiontziak: plastikoarena, organikoarena, errefuxarena eta fardelena. Eta Puntu Berde Mugikorra martxan ipiniko da, berriz ere.
6) Jarraipena egingo zaie hondakinak sailkatzen ez dituzten herritarrei, eta hobariak aplikatuko zaizkie konposta egiten dutenei.
7) Zerbitzu hobea eskainiko zaie enpresa eta komertzioei.
8) Berrerabilpena bultzatzeko ekimenak indartuko dira, esaterako, bigarren eskuko azokak.”

Izan ARGIAko bazkide: astekariko harpidedun edo argia.eusen laguntzaile