‘Zero Waste Europe’k Hernaniko herria eredugarri izendatu du

Atalak: Atez atekoa, Prebentzioa, Sailkatugabeak, Udalak

[Pello Zubiria Kamino] Europako Zero Zabor mugimenduak biltzen dituen Zero Waste Europek aipamen berezia egin dio Hernaniko herriak hiru urteotan lortutakoari, “ZW Best practices: Hernani” artikuluan irakur daitekeenez. Donostiako Kontxako estropadetan egindako argazki batez ederturik, honela hasten da ZWEren idatzia: “Hernani da Gipuzkoan bere burua Zero Zabor izendatu duten lehen herrietakoa. Ondorioz, hondakinen birziklapena ia lau halakotu egin da 2009tik, eta hondakinen sorrera nabarmenki murriztu”.

“Zero Wasterako bidean”, GAIA koordinakudearen dossierra, mundu osoko 10 ereduz osatua, tartean Hernaniko Atea Atekoa

ZWEk nabarmendu du Hernanik hondakinen kudeaketan egindako lana, errausketaren kontrako GAIA koordinakundeak mundu osoan aztertutako hamar ereduen artetik. Zero Zabor mugimenduaren lider nagusia den Paul Connett laster Europan kaleratzear den liburuan ere aipamen berezia egingo zaio 2012an bisitatu zuen herri honi.

Argentinatik Cecilia Allenek egin dossierrak “Door-to-Door Collection as a Strategy to Reduce Waste Disposal” (Atez Ateko bilketa hondakinak murrizteko estrategia moduan) darama izenburu. Hernaniz gain, honakoak dira GAIAk eta Zero Waste mugimenduak munduan hautatuko hamar kasu berezienak:

Alaminos, Filipinak, Herriko buruzagiek ezarri dituzte zero zabor estrategiak, tartean baratzeetako autokonposta eta herri mailako auzokonposta, gaikako bilketa programak eta eskala txikiko sailkatze plantak.

Buenos Aires, Argentina – “Cartoneros” deituek, karrikako birziklatzaileek, lortu dute hiriko udalak legez eta diruz laguntzea.

Flandria, Belgika – Flandriak dauzka Europako gaikako bilketa tasarik altuenak Europan, eskualdekako estrategiak ondo koordinaturik herrietako programa eraginkorrekin.

La Pintana, Txile – Komunitate honek erakutsi du sortzen duen hondakinaren osagai nagusiak -fruituak, barazkiak eta baratzeetako kimaketak-  birziklatzeak baimentzen diela dirua aurreztea, konpost ona sortzea eta murriztea negutegi eragina duten gasak.

Filipinetako Alaminos (“ehun uharteen hiria”) udaleko agintariak Zero Zabor aldarrikatzen, eskuinean dagoela Hernani (sic!) Braganza alkatea.

Mumbai, India – Hiri handi eta oso deszentralizatu honetan, herritarrek kudeatutako hondakin ereduak murriztu ditu zabortegien eta garraio garestien beharrak, lanpostu berriak sortuz hondakin biltzaileentzako.

Pune, India – Puneko zabor biltzaileek sortu dute kooperatiba bat abiarazten ari dena zero zabor programa zabal eta zorrotza.

San Francisco, Kalifornia – San Franciscok gainditu du %77ko gaikako bilketa hondakinak murrizteko lege zorrotzak ezarrita, programa berritzaileak abiarazita eta birziklatze eta konpostatze kultura landurik.

Taiwan – Errausketaren kontrako herritarren borroka gogorrak ez bakarrik geldiarazi zuen dozenaka errauskailuren eraikuntza eragoztea, gainera bultzatu zuen gobernua hondakinak prebenitu eta birziklatzeko programak ezartzera.