Gipuzkoako auzokonposta zifratan: 1.464 familia martxan, 1.131 zain…

Atalak: Auzolaneko konpostaketa

Auzokonposta egiten Hernanin (Arg: Gotzon Aranburu)

[Pello Zubiria Kamino] Gipuzkoak bizi duen hondakinen kudeaketa aldaketan, Atez Atekoaren kontrako zalaparta nagusiaren bazterrean kasik oharkabean, fenomeno sozial berri eta oso berezia ari da zabaltzen: auzokonposta.  Herritarrek auzolanean beren etxeetan sortu hondakin organikoak kudeatzea, alegia. Munduko leku askotan egiten dena izan arren, harrigarria da hemengo herritarren artean lortu duen arrakasta. Hemen batu ditugu Gipuzkoa osoko datuak, Usurbil Zero Zaborreko kideek egindako bilketa lanari esker.

Alde batera utzirik bakarka baratze edo jardinean konposta egiten duten familiak, 2013ko ekainean Gipuzkoan 1.464 familia ari dira etxeetan sortu txerri-jana auzolanean konpost bihurtzen. Horien ondoan, gutxienez 1.131 familia gehiago daude gauza bera egiteko izena emanda. Hemen ez ditugu kontabilizatu multzo handitan organikoa konpostatzen duten ikastetxe, elkarte eta bestelakoak, solik udalak eskainitako sail eta azpiegituretan auzokonposta egiten duten familiak baizik. Guk dakigula, 2011ko azaroan estreinatu zen gisa honetako lehen esperientzia, Usurbilen. Ondoko 19 hilabetetan Gipuzkoa osora zabaldu da ahalegina.

Hemen doaz Usurbil Zero Zaborrek bildutako xehetasunak. Esan gabe doa aurkitutako okerra eta gabeziak jakinaraztea biziki eskertzen diogula irakurleari aldez aurretik.

San Marko Mankomunitatea
– Usurbil: 150 famili parte-hartzen (+38 itxaron zerrendan)
– Hernani: 24 (+104)
– Donostia: 69

Debagoiena
– Eskoriatza: 28
– Bergara: 48 (+130)
– Oñati: 223  (+ 437)
– Aretxabaleta: 55
– Arrasate: 99 (+140 )

Tolosaldea
– Tolosa: 91
– Aduna: 60
– Zizurkil: 15
– Amezketa 65
– Amasa-Villabona: 30
– Ibarra: 32 (+ 115)
– Asteasu: 70

Urola Erdia
– Aizarnazabal: 55
– Zestoa: 72
– Azkoitia: 13
– Azpeitia: 0 (+100)
– Urrestila: 33

Urola Kosta
– Zarautz: (?)
– Zumaia: 106
– Getaria: 17 (+25)
– Orio: 8

Sasieta
– Ormaiztegi: 20
– Legazpi: 24
– Ordizia: 16
– Itsasondo: 24

Debabarrena
– Mutriku: 17 (+42)

Denetara martxan: 1.464 ( + abiatzeko zain: 1.131 gehiago).

Oharrak:
1.- (?) markatutako herrietan badakigu gune bat edo gehiago martxan daudela baina familien kopuru zehatza ez.
2.- Kontabilitatetik kanpo geratzen dira: a) Orendain, Orexa, Altzo, Eldua eta Elduain bezala herri osoak organikoa auto- edo auzokonpostez kudeatzen duten herri txikiak; b) organikoa multzo handitan batera kudeatzen duten eskola, elkarte eta bestelakoak.
3.- Auzo- eta autokonpostean txapeldun dagoen Sakana eskualde nafarra: mankomunitate horretan 4.000 biztanleren organikoak horrela kudeatzen dituzte.