Ataungo aukera: Legazpiko formula

Atalak: Sistema mixtoa, Udalak

Hitzak plazaratu duenez, “Hondakinen inguruan akordioa lortu dute Ataunen“. Albiste horren arabera, Ataungo udaleko gobernu taldeak (Bildu) eta oposizioan den Herrigintza taldeak adostu dute oro har Legazpiko udalak ezarriko duen sistema. Hitzak laburbildu du hautua: “Errefusaren kaleko edukiontzi berdea kendu egingo dute, eta atez ate biltzen hasiko dira hondakin mota hori, birzikla ezin daitekeena. Gainerako hondakinak kaleko edukiontzietan jasoko ditu Sasietak, gaika, gaur egun bezala. «Era honetara, ataundarrok zaborra gaika sailkatuko dugu, geure etxeetan. Neurri honekin birziklatze tasa ez balitz %70 edo 80ra iritsiko, beste hondakin-zati bat gehituko genioke atez ateko bilkerari», azaldu omen du udalak. Legazpik ezarri duen formula mixtoarekiko ezberdintasun bakarra da organikoa hasieran Ataunen ez dela atez ate bilduko (Legazpiko udalak aukera bikoitza eskaini die herritar guztiei, edo edukiontzi marroi kolektiboan utzi edo atez ate bildu), baina Legazpin ere kendu egingo da errefusaren kontainer handia eta erefusa atez ate bilduko da. Legazpin Atez Atekoaren kontrako plataformak herritarrei eskatzen die ez eramateko etxera errefusaren ontzia.