Eskoriatzaren herenean Atez Atekoa abiatuko da azaroaren 4an

Atalak: Atez atekoa, Udalak

Goienak jakinarazi duenez, “Eskoriatzan hilaren 28an hasiko dira hiri hondakinak gaika batzeko ontziak banatzen” Atez Ateko sisteman hasteko eta hau azaroaren 4an ezarriko da herriaren heren batean, proba gisan, Intxaurtxuetan, San Pedron eta Gaztañaduin egingo dela, eta 601 etxebizitzei eragingo diela. Eskoriatzako Atez Atekoak honela funtzionatuko du: aipatu auzoetan zintzilikarioak eta hondakin organikoarendako edukiontzi komunitarioak jarriko dira; azken hauek zabaltzeko familia bakoitzari emango zaio giltza eta horietara egunero eta edozein ordutan atera ahal izango da organikoa. Papera, errefusa eta ontzi arinendako ontziak, zintzilikarioetan utziko dira. Hiru hilabetez probatu ondoren, sistemaren emaitzen balantzea eginen da.

Eskoriatza Garbiak dei egin baitu sistema boikotatzera (ikus “Debagoienako Garbia: herri galdeketa Bergaran, boikota Eskoriatzan” albistea), udalak xehetasun hau ere eskaini du: aipatu  hiru auzoetan dauden 52 ataritatik seik ez diotela erantzun nahi izan bidali zaien galdeketari.