“Zeinek erre nahi ditu hondakinak?” aurkeztuko du Mikel Peruarenak Hernanin urriaren 21ean

Atalak: Errausketa

Gipuzkoan eta oro har Euskal Herri osoan hondakinen kudeaketaren gaia puri-purian dagoen honetan, Mikel Peruarena kazetari eta idazle hernaniarrak “Zeinek erre nahi ditu hondakinak?” izeneko blogean (gaztelaniazko bertsioa Gipuzkoa Sin Incineradora blogean) informazio oso baliatsuak bildu ditu. Izan ere,  badirudi inork ez dituela hondakinak erre nahi, baina hiri hondakinak erretzen bost urte daramatzate Bizkaian, Gipuzkoan 2013an hasi nahi dute, eta Nafarroan beste errauste planta bat iragarri dute. Inork ez ditu hondakinak erraustu nahi… Edo akaso bai? Nork erre nahi ditu hondakinak? Nork irabazten du hondakinak erraustuz? Zer irabazten du?

Hernanin aurkezpena: “Zeinek erre nahi ditu hondakinak?”
Hizlari: Mikel Peruarena, kazetaria.
Biteri Kultur Etxean.
Urriaren 21ean, osteguna, 19:30an