Azpeitiko udalak hautatu du sistema: gaikako bilketa derrigortu komunitarioa

Atalak: Derrigorrezkoa edukiontzi txipdunetan

Azpeitiko udal gobernu taldea ezagutarazi du zein sistema ezarriko den herrian: kaleak multzoka lagatako edukiontzi komunitario kontrolatuen bidez egingo da eta derrigorrezkoa izango da. Oraingoz ezagutzen diren xehetasunak Uztarriaren “Hondakinen bilketarako eredu berria proposatu du Udal Gobernuak” kronikatik eta Diario Vascoren “El Gobierno propone un sistema de recogida con contenedores comunitarios“tik zabaldutakoak dira. Edukiontziak multzokatuko dira 100-150 pertsonari zerbitzua egingo dioten sailetan, horietatik zabalik jarraituko dute paperarenak eta ontzi arinenak eta, aldiz, sistema telematikoz kontrolatuko dira organikoarena eta errefusarena, orain arte zabor nahasiendako kaleetan dauden kontainer handiak desagertuta.

Kataluniako ENT Environment enpresak antolatutako sistema honek, lehen begiratu batean, oso antzekoa dirudi laster Tolosan martxan izanen den sistemarekiko. Gainerakoan, Azpeitiko udal agintariek ez dute argitu sistema berria noiz jarriko duten abian.