Gipuzkoa Zero Zaborren alegazioak Eusko Jaurlaritzaren hondakin planari

Atalak: Dokumentuak, Gizarte eragileak, Plangintza

Gipuzkoa Zero Zaborrek (Zero Zabor ingurumenaren babeserako elkartea) alegazioak aurkeztu dizkio Eusko Jaurlaritza prestatzen ari den Hondakinak Prebenitu eta Kudeatzeko Planari. Elkarteak bere blogean adierazten duenez, “oinarrietan ageri diren printzipioen balorazio ona egiten du elkarteak, baina ondoren hartzen diren neurriak ez datoz bat haiekin”. Helburu orokorrak neurri zehatzetan hobeto islatzekotan atalok kontutan hartzea proposatzen du Zero Zabor i.b.e.k:

– Isurketari ez ezik, balorizazio energetikora doazen hondakinei kanonak eta bestelako neurri disuasorioak ezartzea.

– Ezartzen diren kanon horiek, hondakinen kudeaketan praktika egokiak sustatu eta finantziatzeko erabiltzea, hainbat lekutan egiten den bezala, Katalunia kasurako, gaika bildutako hondakin organikoaren kosteak gutxituz.

– Gizakien osasuna eta ingurumena kaltetzen duten tratamenduak galarazi edo baztertzeko neurri zehatzak ezartzea.

– Zero Zabor Ingurumen Babeserako Elkartea interesdun gisa kontsideratzea, hondakinen gaian Eusko Jaurlaritzak aurrera eramango dituen plan, programa eta gainontzekoetan.