Lortu dugu. Herritarrak hondakinen arazoaz, informatzen, eztabaidatzen eta parte hartzen ari dira.

Atalak: Sailkatugabeak

Urteak dira eredu zabor sortzailearekin kezkatuta, irtenbide bezala errausketa bezalako tratamendu kutsakorra eskeintzen zitzaigula ikusita, hondakinen kudeaketaren inguruko parte hartze prozesu eta eztabaida sakona eskatzen genuela.

Horrelako arazo larri baten aurrean herritarrak arazoaren eta konponbideen jakitun izan behar du. Herritarra informatu behar da, datuak eman eta herritarren ekarpenak jaso.

Urteetan eztabaida bulegoetan eman da, ateak itxita. Orain, eztabaida kalera ateratzea lortu dugu, herritarrengana. Zenbait hedabideek desinformazio eta intoxikazio informatiboari ekin diote baaina horrek herritarren gaiarekiko interesa pizten lagundu du.

Hitzaldietan aretoak betetzen ari dira. Herritar asko aurriritzi okerrekin etortzen diren arren, informazioa kontrastatzean eta datuak ezagutzean gertatzen ari den guztiaz konturatzen ari dira.

Gure egitekoa, guztiona, jendartean sortu den jakinmin hori informazioz elikatzea da, ahalik eta jenderik gehienak konponbidea ezagutu dezan eta ahalik eta azkarren eta erarik eraginkorrenean martxan jar dezagun. Hori izango da, trikimailu judiziak eta politikoekin gure herrialdea norabide okerrean berriz jar dezaten ekiditeko neurririk eraginkorrena.

Zaldibin eta Villabonan ere jende mordoa GZZren hitzaldietan. Beheko argazkietan Villabonako Guria zinema beteta.