Gipuzkoan EAJk, PSEk eta PPk errauskailua defenditzen segituko dute

Atalak: Errausketa, Galdera-erantzunak, Plangintza, Politikariak

Berria egunkariak Gipuzkoan nagusi diren lau alderdi politikoei -EHBildu, EAJ, PSE eta PPri- galdetu die ondoko urteetarako hondakinen inguruan egingo dituzten proposamenez. Gaur oposizioan diren hiru alderdiek diote hurrengo legealdian Gipuzkoako hondakinak erraustea defendituko dutela. EAJren ordezkari Xabier Ezeizabarrenak  (“Europako zuzentaraua betetzeko, balorizazio energetikorako planta bat derrigorrezkoa da”) uste du agian txikiagoa egin beharko dela Zubietako errauskailua. PPren izenean Txema Murgiondok dio: “Zubietako plantak egungo beharrei erantzun beharko die”. Eta, aldiz, Denis Itxasok aipatu du bestelako aukera bat: “Ez genuke zertan Zabalgarbiren aukera baztertu”. Oposizioko hiru alderdien aurrean EHBilduko Iñaki Errazkinek berretsi du: “Gipuzkoa zabortegi kutsagarririk eta erraustegirik gabeko lurraldea izango da”.

Berriako zuzendariorde Iñaki Petxarromanek pausatutako galderak eta lau politikarien erantzunak hemen leitu daitezke: “Zubieta eta Zabalgarbi artean, kearekin edo kerik gabe“