Gipuzkoako Aldundia: “Zero zabor politikarekin jarraituko dugu”

Atalak: Zabortegia

Igorrera Gipuzkoako 25.000 tona zabor eraman izan dira urtean / El Correo

Juan Karlos Alduntzin Gipuzkoako Ingurumen diputatuak adierazi du ez dela “sorpresa izan” Gipuzkoako hondakinak ez hartzeko Bizkaiko Aldundiaren erabakia. Diputatuaren esanetan Gipuzkoako Aldundiak zero zabor politikari eutsiko dio eta Bizkaiaren erabakia “ez da oztopo izango”.

Bizkaiko Igorreko zabortegira Debabarreneko mankomunitateko 25.000 tona zabor eraman dira urtean, Gipuzkoako hondakinen %7a.

Atzo jakinarazi zuen Jose Luis Bilbao Bizkaiko ahaldun nagusiak Gipuzkoarekin duten ituna ez dutela berrituko. Bere ustez bi erakundeen artean zegoen ituna Gipuzkoak hautsi du Zubietako hondakinen kudeaketarako zentroa “gelditu” duelako. Alduntzinen ustez “EAJk erraustegia eraikitzea lehenesten du birziklatzeko helburuaren aurretik”.

Ekainaren 12an amaitzen da Bizkaia eta Gipuzkoaren arteko egungo ituna. Gipuzkoako Aldundiak esan du, baina, ez dela arazorik izango, Gipuzkoako zabortegiek aurreikusitakoa baino 30.000 tona gutxiago jasotzen baitute momentu honetan: “Eta Mallabiako eta Ermuko 5.300 tona hondakinak ere jasotzen segiko dugu” adierazi du Alduntzinek.

BESTE ITURRIAK:

Deia: La Diputación de Gipuzkoa dice que la negativa de Bizkaia no supone “mayor inconveniente”

Berria: Bizkaiak ez dio hondakinen ituna berrituko Gipuzkoari

El Correo: Gipuzkoa no ve “mayor inconveniente” en la negativa de Bizkaia a renovar el convenio de basuras

EiTB: Bizkaiak ez du luzatuko Gipuzkoak Igorrera zaborra eramateko akordioa

ElPaís: Bilbao se planta ante Garitano y veta recibir más basuras de Gipuzkoa