Unai Iturriagak “Zaborra” idatzi du Berria egunkarian

2012-05-17  //  Sailkatugabeak  //  Iruzkinik ez

Unai Iturriaga bertsolari eta idazleak “Zaborra” izeneko artikulua plazaratu du Berria egunkariaren Larrepetit atalean. Honela ekiten dio: “Auzotik ari gara begira aspaldion, epizentroa Gipuzkoan baitago beste behin. Bertso saio batean bai, eta hurrengoan ere bai, Maialen Lujanbiori dagokio, hernaniarra izaki, Gaia. Gai onak eta txarrak guztioi egokitzen zaizkigu, baina zaborraren gaia berea du txapeldunak. Errefusarako aukerarik ez eta eskerrak trebea den, treberik bada, ideien birziklatzean ere. Zero zabor beti.”
(gehiago…)

Tolosaldean hasi dira Atez Ateko bilketa ezartzeko lanak eta mugimendu politikoak

2012-05-17  //  Sailkatugabeak  //  Iruzkinik ez

Gipuzkoako Ibarran maiatzaren 29an hartuko du udalak hondakinen kudeaketari buruzko erabakia. Noticias de Gipuzkoak zabaldu duenez, Atez Atekoa ezartzeko bilerak hasi dira udal ordezkarien, herriko elkarte eta mugimendu sozialen eta herritarren artean. Tolosan, Diario Vascoren arabera, PSEko zinegotziak atera egin dira udalak hondakinen kudeaketa aztertzeko antolatutako batzordetik.
(gehiago…)

Zero Waste Europek egindako biltzarrak eman duena (bideo eta material bilduma)

2012-05-16  //  Sailkatugabeak  //  Iruzkinik ez

Zero Waste Europek Donostian maiatzaren 11tik 13ra egin duen biltzarraren inguruan gertatuak biltzen dituzten bideo eta materialak biltzen dira albiste honetan. Horietako asko sortu berria den Ondo Egitera Goaz guneak eskaintzen ditu.
(gehiago…)

Madrilen maiatzaren 16tik 18ra biltzarra: ‘Osasun publikoaren arriskuak eta ingurumena’

2012-05-16  //  Osasuna  //  Iruzkinik ez

Health Defense Organization

Health Defense Organization elkarteak eta Espainian bere adarra den Fundación Vivo Sano-HDOk antolatuta, maiatzaren 16tik 18ra Osasun publikoaren arriskuak eta ingurumena izeneko biltzarra burutuko da, mendi ingeniaritzako Eskola Politeknikoan. Espainiako babesleen artean daude CCOO sindikatuaren ISTAS Instituto Sindical de Trabajo, medio Ambiente y Salud erakundea eta CIMA Científicos por el Medio Ambiente elkartea. (gehiago…)

‘El Pais’ egunkariak markatu du Atez Atekoaren aurkako ofentsiba zabalago baten hasiera

2012-05-15  //  Hedabideen jarrera  //  Iruzkinik ez

Ez du sarritan egiten El Pais egunkariak maiatzaren 14ko edizioan egin duena. Lehen orrira eraman du Gipuzkoako hondakinen eztabaida Rebelión contra el plan de basuras de Bildu titulua ipinita eta azpian Los residuos deben depositarse en cubos personalizados para ser inspeccionados. (gehiago…)

Zero Waste Europek babestu ditu Gipuzkoan Atez Atekoa egiten duten herriak (albiste bilduma)

2012-05-14  //  Atez atekoa, Gaikako bilketa  //  Iruzkin bat

Maiatzaren 11tik 13ra Donostian Zero Waste Europe koordinakundeak burutu duen biltzarrean Gipuzkoara etorritako ordezkariek beren babesa azaldu diete Atez Ateko bilketa egiten ari diren herriei eta laster bide berari ekingo diotenei. Hasita Zero Waste mugimenduaren ordezkari ezagunena den Paul Conneten hitzetatik (“Atez atekoa elegantea, kreatiboa eta eredugarria da”, deklaratu zion Hernaniko Kronikari), hemen biltzen ditugu biltzarraren inguruko albiste eta deklarazio nabarmenak eskuratzeko titular eta loturak. (gehiago…)

Joan Marc Simon: “Ez bazaude zero zaborren alde, zenbat hondakinen alde zaude?”

2012-05-12  //  Birziklajea, Gaikako bilketa  //  Iruzkinik ez

Joan Marc Simon hitzaldi bat ematen

Joan Marc Simon elkarrizketatu dute Berria egunkarian. Adierazi nahi dugu Gipuzkoak izugarrizko aukera duela jauzi erraldoi bat emateko baliabideen kudeaketan, eta mundu mailan lehen lerroan jar daitekeela. Europako Zero Zabor mugimenduaren koordinazioan ere urratsak egin nahi ditugu, Zero Zabor udalerrien sare bat sortuz eta Europa mailako proiektuak zehaztuz. (gehiago…)

Paul Connet: “Atez atekoa ez da zikina; hondakinak nahastea, hori da zikinkeria”

2012-05-12  //  Gaikako bilketa, Gizarte eragileak, Iritziak / Adierazpenak, Konpostaketa  //  Iruzkinik ez

Paul Connett, 2010eko argazki batean

New Yorkeko Saint Lawrence Unibertsitatean (AEB) Kimika eta Toxikologia irakasle izan da Paul Connett 23 urtez, eta duela sei urte hartu zuen erretiroa. Zero Zabor mugimenduaren sortzaileetako bat izan zen 1990eko hamarkadan, eta Nazioarteko Zero Zabor Aliantza ere sustatu du. Mundu osoan ematen ditu hitzaldiak, hondakinen kudeaketari buruz; haren lankide batek esana da “hondakinak interesgarri” bihurtzen dituela, halako pasioz hitz egiten du gaiari buruz.

Berria: Paul Connet (Zero Zabor mugimenduaren sortzailea): “Atez atekoa ez da zikina; hondakinak nahastea, hori da zikinkeria”

Zero Waste Europe biltzarra Donostian: larunbat eta igandeko egitaraua

2012-05-12  //  Gaikako bilketa  //  Iruzkinik ez

Atzodanik, ostirala 11, Zero Waste Europe koordinakundeak bere biltzarra dauka Donostian. Hernani eta Usurbil bisitatu zituzten atzo, hondakinen gaikako Atez Ateko bilketa herri horietan nola burutzen duten ezagutzeko. Arratsaldean Enzo Favoino konpostean aditu italiarra mintzatu zitzaien berrikitan osatu den Hondakinen Aholku Batzordeko kideei. Ilunabarrean, Joan Marc Simón katalandarra Arrasaten mintzatu zen eta Donostiako udalean Paul Connet iparramerikarrak. Hona asteburuko gainerako egitarau osoa: (gehiago…)

Gaurtik igandera Zero Waste Europeren biltzarra Donostian

2012-05-11  //  Gaikako bilketa  //  Iruzkin bat

ZWE kartela

Europako Zero Waste Europe taldeak Donostian egingo duen biltzarra gaur hasiko da. Goizean Usurbil eta Hernani bisitatuko dituzte, hondakinen gaikako Atez Ateko bilkearen funtzionamendua eta emaitzak gertutik ezagutzeko. Arratsaldean hasiko dira hitzaldi eta biltzarrak. 17:00etan Enzo Favoinok Hondakinen Aholku Batzordeko kideei eskainiko dienaren ondoren, Donostiako udaletxean, batzar aretoan 19:00etan “Zero Zabor bidean – paradigma berria” gaia hartuta mintzatuko da errekurtso naturalen eta hondakinen kudeaketan Dr Paul Connett, New Yorkeko Saint Lawrence University-ko Irakasle emeritua ingurumen kimikan eta toxikologian eta American Health Studies Project enpresaren lehendakaria. Ordu berean Arrasaten, Arimazubi Ikastolako Areto Nagusian 19:00etan, “Zero Zabor esperientzia Europan”. Hizlaria: Joan Marc Simon, Zero Waste Europe koordinatzailea.

(gehiago…)