Getaria, Orio, Zarautz eta Zumaiako alkateek berretsi dute Zero Zabor asmoarekiko konpromisoa

2012-05-11  //  Atez atekoa, Gaikako bilketa  //  Iruzkinik ez

Maiatzaren 4an Zarautzko alkate Juan Luis Illarramendi, Zumaiako Iñaki Agirrezabalaga, Orioko Beñat Solabarrieta, Getariako Nika Lertxundi eta Amaia Guruzeta Udal Elkarteko lehendakaria eta hondakinak biltzeko sistemari buruzko adierazpen bateratua egin zuten. Adierazpenean jasotakoaren arebera, aldaketa bat beharrezkotzat jotzen dute. “Bereizita jasotzen ez den guztia, herri batzuetan %75, Urtetako zabortegian uzten dugulako, horrek sortzen dituen ondorio ekologiko, ekonomiko eta osasunezkoekin”. (gehiago…)

Gipuzkoako PSEk jelkideei dei egin die Hondakinen Partzuergoan agintea Bilduri kentzeko

2012-05-11  //  Iritziak / Adierazpenak, Politikariak  //  Iruzkinik ez

Gipuzkoako sozialistek, Denis Itxasoren ahotik, dei egin diote EAJri udaletan eta mankomunitateetan beharrezko mugimenduak egin eta Bilduri Gipuzkoako Hondakinak partzuergoan (GHK) daukan agintea kentzeko. Gainera aurpegiratu diete jelkideei aho txikiarekin baizik ez diotela aurre ez diotela egiten. (gehiago…)

Usurbilen taldeka auzolanean konposta egiten duten familiak 65 dira dagoenekoz

2012-05-11  //  Auzolaneko konpostaketa, Konpostaketa  //  Iruzkinik ez

Usurbilen 2011ko azaroan ekin zioten konposta auzolanean sortzeari. 65 familiak eurak sortutako hondakinak eurak kudeatzeko aukera dute gaur egun. Nork bere etxebizitzan konposta egin ezin duten bizilagunei irtenbidea eskaini die Usurbilgo Udalak. (gehiago…)

Gipuzkoako Hondakinen Aholku Batzordeak lehen bilkura egin du

2012-05-10  //  Gaikako bilketa  //  Iruzkinik ez

Atzo, maiatzak 9, estrainekoz bildu da Donostian Hondakinen Aholku Batzordea, Diputazioari alor horretako gomendioak eskainiko dizkiona. Lehendakari Juan Karlos Alduntzin da, lehendakari orde departamendu bereko zuzendari Ainhoa Iraola.

Batzar Nagusietan talde politikoek dituzten bozeramaileak daude batzordean: Iñaki Azkarate (Bildu), Xabier Ezeizabarrena (EAJ), Denis Itxaso (PSE), José María Murguiondo (PP) eta Rebeka Ubera (Aralar). Mankomunitateek bozeramaila bana daukate: José Antonio Santano (Txingudi), Ainhoa Intxaurrandieta (San Marko), Ainhoa Ugalde (Tolosaldea), Azeari Andonegi (Sasieta), Leire Egaña (Debagoiena), Arcadio Benítez (Debabarrena), Leire Etxaniz (Urola Erdia) eta Amaia Gurutzeta (Urola Kosta). Gizarte eragileen artean, oraingoz ezagutu diren izenak dira: Patxi Sasigain (Adegi), Ainhara Plazaola (ELA), Galder Sierra (LAB), Jesús Uriarte (Dendartean), Kino Martínez (Ostalaritza Elkartea), Luix Intxausti (Hernani), Mertxe Aizpurua (Usurbil) eta Joxe Mari Irazusta (Gipuzkoa Zero Zabor).

(gehiago…)

Gipuzkoako Hondakinen Partzuergoak kargutik kendu du kudeatzaile teknikoa

2012-05-10  //  Birziklajea  //  Iruzkinik ez

Gipuzkoako Hondakinen Partzuergoak (GHK) erabaki du bere kargutik kentzea kudeatzaile teknikoa, Armengol Grau. Partzuergoan dauden ordezkari sozialistek salatu dute bai Grau eta berrikitan bere kargua utzi zuen aholkulari juridiko Carlos Beraciertok erakundeari adierazi diotela oso kinka larrian dagoela. Armengol Grau bera izan zen Europako Inbertsioen Bankuarekin GHKk bere hauteskundeen ondoren zuzendaritza aldatu bezperan negoziatu zuen hitzarmen ekonomikoa negoziatu zuena. (gehiago…)

8.000 zarauztarrek sinatu dute atez-atekoaren aurka

2012-05-10  //  Atez atekoa, Birziklajea, Bost kontenedore, Gaikako bilketa, Gizarte eragileak, Iritziak / Adierazpenak  //  2 iruzkin

'Birziklapena bai, atez atekoa ez' plataformako kideak, aurkako sinadurak kontatzen (Arg: Leire Ventas, Zarauzko Hitza)

Birziklapena Bai. Atez-ateko bilketa Ez plataformak 8.040 zarauztarren sinadurak bildu ditu. Manifestuaren sinatzaileek Udalari eskatu diote “hondakinen bilketa selektiboa eta birziklapena kontenedoreen bidez” sustatzen jarraitzeko, eta gaineratu dute ez datozela bat Zarautzen atez-ateko sistema ezartzearekin: “Udalak atez-atekoa inposatzea erabakitzen badu, aurrez herri galdeketa egin dezala eskatzen diogu, zarauztarrei sistemaren alde ala kontra dauden argi eta garbi galdetuz”. (gehiago…)

EAJk Diputazioari eskatu dio hondakinen plana aurkezteko Batzar Nagusietan

2012-05-09  //  Atez atekoa, Gaikako bilketa, Iritziak / Adierazpenak, Politikariak  //  Iruzkinik ez

Eider Mendoza, Maria Eugenia Arrizabalaga eta Karlos Ormazabalek EAJ alderdiaren izenean Gipuzkoako Foru Aldundiari eskatu diote Batzar Nagusietan hondakinei buruzko batzar monografikoa egitea. Bilduk Atez Ateko bilketarekin zaborren diktadura ezarri nahi duela adierazteaz gain, eredu hori jasangarria ez dela eta inposaketan oinarrituta dagoela esan zuten. Ormazabalek defenditu zuen bera diputatu arduraduna zen garaian erabakitako plangintza. (gehiago…)

Gipuzkoako Hondakinen Aholku Batzordea gaur aurkeztuko dute Donostian

2012-05-09  //  Gaikako bilketa  //  Iruzkinik ez

Gipuzkoako Foru Aldundiaren egoitzan arratsaldeko 17:00etan egingo du lehenbiziko biltzarra Hondakinen Aholku Batzorde berriak. Duela sei hilabete iragarritako batzordeak buru Juan Karlos Alduntzin diputatua edukiko du, gainerako 45 kideak direlarik Batzar Nagusietan ordezkaritza duten alderdiak, sindikatuak eta mota ezberdinetako gizarte eragileak. Diputazioari hondakinen kudeaketaren alorrean gomendioak eskainiko dizkio batzordeak. (gehiago…)

Zero Waste Europeren biltzarra Donostian: egitaraua

2012-05-07  //  Gaikako bilketa  //  Iruzkinik ez

ZWE kartela

Europako Zero Waste Europe taldeak Donostian maiatzaren 11tik 13ra egingo duen biltzarraren egitaraua ingelesez ZWEren gunean eta euskaraz Gipuzkoa Zero Zabor blogean ikusgai dago jadanik (jende guztiei zabalik diren ekitaldiei dagokiena).

Maiatzak 11 ostirala. Hitzaldi irekiak.

Donostia: Udaletxeko batzar aretoan 19:00etan. Zero Zabor bidean – paradigma berria. Hizlaria: errekurtso naturalen eta hondakinen kudeaketan Dr Paul Connett, New Yorkeko Saint Lawrence University-ko Irakasle emeritua ingurumen kimikan eta toxikologian eta American Health Studies Project enpresaren lehendakaria. (gehiago…)

Hernaniko alkate Luis Intxauspek Atez Atekoaren bi urteko balantzea eskaini du Kronika egunkarian

2012-05-07  //  Atez atekoa, Gaikako bilketa, Iritziak / Adierazpenak, Politikariak  //  Iruzkinik ez

Luis Intxauspe, Hernaniko alkatea

Luis Intxauspe Hernaniko alkateak Hernaniko Kronika egunkariari azalpenak eskaini dizkio herri horretan Atez Atekoak bigarren urteurrena betetzen duela eta. 24 hilabeteotako emaitzen balorazioez eta herrian hondakinen kudeaketan eginen diren urrats berrien aurrerapenaz gain, aurrera begirako informazio interesgarriak eskaini ditu. Hala nola, Bartzelona hiritik aholku eske etorri zaizkiela hango auzo batean Atez Ateko sistema ezartzeko daukaten asmo baten inguruan, aurrerago hiriko beste auzoetara zabaltzeko ideian. (gehiago…)