Azpeitia Zero Zaborren bideoa: “Hobetu daiteke, zergatik ez?”

2012-05-05  //  Atez atekoa  //  Iruzkinik ez

Herrian hondakinen gaikako bilketa orokortua ezartzeko dagoen asmoaren inguruan Azpeitia Zero Zabor taldeak “Hobetu daiteke, zergatik ez?”  bideo laburra kaleratu du.

(gehiago…)

Elgoibarren 233 familiak uzten dute hondakin organikoa edukiontzi berezian

2012-05-03  //  Birziklajea, Bost kontenedore, Gaikako bilketa  //  Iruzkinik ez

Maiatzetik herriko Santa Ana eta Santa Klara kaleetan horretarako edukiontzi bereziak (“5. Edukiontzia” deituak) ipiniko dituztela eta, Elgoibarko udalak eman du orain arte lortuaren balantzea. Udalak aitortu du familien parte hartzea espero baino eskasagoa dela. Edukiontzi marroia ipini den guneetan familien %20k parte hartzea nahi bazen, gaur ez dira %16ra iristen. Elgoibarko udalak aurrerantzean kanpaina berriak egingo ditu eta aldi berean zaborra nahasian biltzeko lurpeko edukiontzi berriak zabaltzea dauka pentsatuta.

(gehiago…)

Zubieta SOS eta Gipuzkoa Sin Incineradora blogak, helburua lortuta, isildu egingo dira

2012-05-01  //  Dokumentuak, Gizarte eragileak, Iritziak / Adierazpenak, Zubieta  //  Iruzkinik ez

Zubieta SOS eta Gipuzkoa Sin Incineradora guneak

Maiatzean etengo dute beren ibilbidea Zubieta SOS eta Gipuzkoa Sin Incineradora blogek. Zubieta SOS 2007ko urtarrilean abiarazi zuen Orbeldiko Lagunak izeneko boluntario koadrilak, orduan geldiezina zirudien Zubietako errauste plantaren proiektuaren inguruko gatazkaren berriak bildu eta zabaltzeko. Beranduago, 2010eko uztailean, talde berak Gipuzkoa Sin Incineradora plazaratu zuen, gaztelaniaz eskaintzeko albiste eta iritzirik inportanteenak, alde horretan ase gabeko behar bat zegoelakoan. Orbeldiko Lagunek adierazi dutenez, gaur Gipuzkoan hondakinen inguruko gatazkak bizi duen egoeran ez dago ordukoaren kolorerik: batetik udalek, mankomunitateek, partzuergoak eta Diputazioak hondakinak errausketarik gabe kudeatzeko sistemari bidea ireki diotelako, eta bestetik herri mugimendu anitz eta indartsua dago, informazio asko eta ona sortzen duena. Horregatik, Usurbil eta Hernaniko boluntario talde horrek adierazi du bi blog horien lana maiatzean amaitutzat emango dutela eta sortu duten informazio multzoa herri mugimendu horien esku utziko.

Donostiako Ondarretan Gipuzkoako Zero Zabor taldeen agerpena

2012-05-01  //  Gaikako bilketa, Gipuzkoa, Zubieta  //  Iruzkinik ez

"Hondarretatik aukerak eraikitzen"

Donostiako Ondarretan agerpen publikoa egin dute Gipuzkoa Zero Zabor koordinadorak biltzen dituen 34 taldeek. Hondartzako ekitaldian irakurri zuten agirian Zubietan Errauste Planta eraikitzeko bidea eteteko azken ahalegina eskatu zioten Gipuzkoako gizarte osoari eta maiatzaren 11tik 13ra Donostian Zero Waste Europek egingo duten biltzarra aurkeztu zuten. (gehiago…)

Europako Parlamentuak nahi du desagertu daitezen zabortegiak eta errausketa

2012-04-27  //  Errausketa, Zabortegia  //  Iruzkinik ez

Europatik datorren erabakia da

Europako Parlamentuko Ingurumen batzordeak herenegun onartu du txosten bat non proposatzen baita desagertaraztea hondakinentzako zabortegiak eta errauste plantak, hondakinentzako sistema ekologikoagoak bultzatuz.

Efe agentziak zabaldu duenez, batzordeko 48 kideren aldeko boza jaso zuen erabakiak, hiruren kontrakoa eta bosten abstenzioa. Proposamenak eskatzen dio Europako Batzordeari 2014rako prestatu dezala zabortegiak eliminatzeko plana eta 2020rako ez dadila ere aurrerantzean birziklatu edo konpost bihurtu daitekeen hondakinik. (gehiago…)

Zubietako errauste planta erakitzeko eskatu dio Legebiltzarrak Gipuzkoako diputazioari

2012-04-26  //  Errausketa, Gipuzkoa, Zubieta  //  Iruzkinik ez

Zabalgarbiko (Bizkaia) errauste-planta.

Eusko Legebiltzarrak, EAJren, PSE-EEren eta PPren botoekin, Zubietako errauste planta eraikitzeko eskatu dio Gipuzkoako Foru Aldundiari, honek berretsi ostean “zero zabor politikarekin” jarraituko duela. Aralar, EA eta Ezker Anitza-IU aurka agertu dira, eta UPyD abstenitu egin da. Bizkaiko Bilduk, bestalde, kritikatu egin du Gipuzkoako hondakinak ez hartzeko Bizkaiko Aldundiak hartutako erabakia, eta “zentzurik gabeko borroka politikoa” egitea leporatu dio. Bere aldetik, zabortegiak desagerraraztearen aldeko txostena onartu zuen atzo Europako Parlamentuko (EP) Ingurumen batzordeak. (gehiago…)

Gipuzkoako Aldundia: “Zero zabor politikarekin jarraituko dugu”

2012-04-26  //  Zabortegia  //  Iruzkinik ez

Igorrera Gipuzkoako 25.000 tona zabor eraman izan dira urtean / El Correo

Juan Karlos Alduntzin Gipuzkoako Ingurumen diputatuak adierazi du ez dela “sorpresa izan” Gipuzkoako hondakinak ez hartzeko Bizkaiko Aldundiaren erabakia. Diputatuaren esanetan Gipuzkoako Aldundiak zero zabor politikari eutsiko dio eta Bizkaiaren erabakia “ez da oztopo izango”.

Bizkaiko Igorreko zabortegira Debabarreneko mankomunitateko 25.000 tona zabor eraman dira urtean, Gipuzkoako hondakinen %7a. (gehiago…)

Bizkaiak ez du Gipuzkoarekin hondakinen hitzarmena berrituko

2012-04-26  //  Zabortegia  //  Iruzkinik ez

José Luis Bilbao, adierazpenak egiten

Bizkaiko ahaldun nagusi Jose Luis Bilbaok adierazi du hondakinen hitzarmena ez duela luzatuko Gipuzkoarekin. Orain lau urte egindako akordioa ekainaren 12an amaitzen da. Onda Vasca irratian egin ditu adierazpenok Bilbaok.

Bertan adierazi du azken aldian Gipuzkoako Aldundiaren partetik “hitzontzikeria” handia egon dela eta gogoratu du 25.000 tonelada hondakin jasotzeko hitzarmena dutela elkarrekin, baina hori Gipuzkoako aurreko Aldundiak egin zuen gestio plana martxan jarri bitartean egindako “elkartasun ekintza” izan zela. Plan hau egungo Bizkaiaren egoeraren antzekoa zela dio, eta herrialde honetan egun “zaborra ez da arazoa”, gaineratu du.

(gehiago…)

…eta kitton elkarrizketa GZZko Ainhoa Arrozpideri: “Errausketak ez du arazoa konpontzen, larriagotu baizik”

2012-04-22  //  Atez atekoa, Berrerabilpena, Birziklajea, Errausketa, Gaikako bilketa, Gizarte eragileak, Iritziak / Adierazpenak  //  Iruzkinik ez

-Zertan datza Zero Zabor programak?
Zaborra sortzea eragozteko neurri sorta dira Zero Zabor programak. Eredu edo paradigma aldaketa bat behar dugu. Gaur egungo eredu linealean materialak era arduragabean erabiltzen ditugu. Natur baliabideetara behin eta berriz jotzen dugu material berriak lortzeko. Horiekin osatutako produktuak erabiltzeari utzi ondoren, material hori berreskuratu beharrean, dena nahastu eta alferrik galtzen dugu zaborrarekin daukagun arazoa sortuz. Egun ezagutzen ditugun zabortegi kutsakorretan pilatzen dugun zaborraren ondorioek arazo larriak sortzen dizkigute. Horren alternatiba gisa proposatzen diguten Errausketak ez du arazoa konpontzen larriagotu baizik. Erraustutakoaren heren bat bertan geratzen da zepa eta errauts toxiko moduan. Beste bi herenek tximiniatik atera eta ingurumena kutsatzen dute. Ezin dugu segi mundu mugatu batean mugarik edukiko ez balu bezala jokatzen. (gehiago…)

GZZren hitzaldiak han eta hemen

2012-04-22  //  Berrerabilpena, Birziklajea, Zabortegia  //  Iruzkinik ez

GZZk hitzaldiak ematen segitzen du. Azken asteotan Asteasu (30 lagun), Ordizia (100dik gora lagun), Zaldibi (80 lagun), Mutriku (100 lagun), Legazpi (60 lagun), Pasaian (30 lagun), Irura (20 lagun) eta Zarautzen (60 lagun) eman dugu “Zero Zabor: Posible al da Atez Atekorik gabe?” hitzaldia. (gehiago…)