Orioko hondakin gudua: alkatea 5. edukiontziaren alde, opozisioa Atez Ateko Bilketaren

2010-06-27 // Atez atekoa, Bost kontenedore, Gaikako bilketa // Iruzkinik ez

“Orio Atez Atekora hurbiltzen ari dela dirudi” idatzi genuen Zubieta-SOSen. Egunotan Diario Vascon Orioko alkate Jon Redondo mintzatu da bostgarren kontenedorearen alde, Atez Ateko Bilketaren kontra… eta hurrengo hauteskundeetan botoa biltzeaz elkarrizketa batean: “El sistema de recogida puerta a puerta es un retraso“. Berrian “Jon Redondo, Orioko alkate jauna!” gutunaz erantzun dio Leire Zinkunegi Turismo eta Ingurumen Batzordeko buruak. Bataila gogorra edukiko dute Oriotarrek.

Jordi Colomerren hitzaldia: Atez ateko sistema hondakinak kudeatzeko erarik merkeena da

2010-06-22 // Atez atekoa, Gaikako bilketa // Iruzkinik ez

Jordi Colomer Sanmarko Mankomunitatearen aholkularia Gipuzkoako Merkataritza Ganberan izan zen ekainaren 18an atez ateko hondakin bilketak dituen abantaila ekonomikoen berri ematen. Bilketa eta kudeaketa gastuak eta joera ekonomikoa kontuan hartu zituen, baita sortzen diren lanpostuak eta sailkapena ondo egiteko har daitezkeen neurri fiskalak ere. Horrez gain, errausketari buruz aritu zen. Albistea Garak “Atez ateko sistema hondakinak kudeatzeko erarik merkeena da” eta Berriak “Atez atekoak errefusa gutxitzen eta gaikako bilketa handitzen du, Jordi Colomer teknikariaren hitzetan; emaitza horiekin udalek diru sarrera gehiago eta gastu gutxiago dituztela esan du. Zabor gehiago sortzen duenari, garestiago” eman dute. San Marko Mankomunitateak diaporaman ipini ditu hitzaldiko irudiak (“Ventajas económicas de la Recogida Selectiva Puerta a Puerta“) eta hitzaldiaren mamia: Jordi Colomer: “Hondakin-tasaren hazkunde esponentziala eteteko, premiazkoa da Gipuzkoa osoan atez atekoa ezartzea” euskaraz eta gaztelaniaz Jordi Colomer: “Para frenar esta subida exponencial en la tasa de residuos es urgente aplicar el puerta a puerta en toda Gipuzkoa“. Bi dokumentuak hemen ere ipini ditugu. (gehiago…)

Jende ugari Donostian “Osasunaren alde (Moratoria) No a la incineración” manifestaldian

2010-06-21 // Errausketa, Gipuzkoa, Zubieta // Iruzkinik ez

Jende asko bildu zen atzo, ekainaren 20an, Donostiako Boulevardean Zubietako errauste planta proiektuaren aurkako protestan. Bertan ziren askoren usten, aurreko manifestaldian baino askoz gehiago; Diario Vascoren zifretan 3.000. Garak albisteari ipini dio titulutzat “Exigen una moratoria de seis años para construir la incineradora de Zubieta” eta Diario Vascok “3.000 personas piden una moratoria para la incineradora. Una marcha recorrió ayer las calles céntricas de Donostia para solicitar que el proyecto se retrase seis años“. Noticias de Gipuzkoak eman dio lerrorik urrien: “Una manifestación recorre el centro de Donostia pidiendo una moratoria para la incineradora“. Zubietatar talde batek “ZUBIETA SOS” zioen pankarta zabaldu zuen… eta estimatu diegu keinua.

Gipuzkoako ordezkaritza Italian ibili da hango Atez Ateko Bilketa ezagutzen: kroniken bilduma

2010-06-20 // Atez atekoa, Gaikako bilketa // Iruzkinik ez

Gipuzkoatik ordezkaritza zabala joan da Italiako iparraldera bost eguneko bisita egitera, han Atez Ateko Bilketa sistemak nola funtzionatzen duen ezagutzera. San Marko mankomunitateko ordezkariak, Donostia, Errenteria, Hernani, Oiartzun, Pasaia, Urnieta, Usurbil eta beste herri batzuetako zinegotziak, AAB martxan dagoen herrietako Jarraipen Batzordeetako kideak eta herri komunikabide batzuk joan dira. Hernaniko Kronikak egingo dio jarraipena bidaiari, hona lehen artikulua: “Italian, Gipuzkoako ordezkaritza. Albairateko konpostaje planta, 30 tonelada organiko, egunean“; ekainaren 19an 8 orriko gehigarria eskaini dio titulu hauekin: “Italia iparraldera `espedizioa´: Atez ateko historikoak ezagutzera“, “Dogliani eta Chieri, bi herri, borroka bat“, “Roberto Cavallo: Atez Atekoa martxan jartzeko oztopo haundienak interes politiko eta ekonomikoak dira, ez herritarrak»“, “E.r.i.c.a. Kooperatiba. Herritarren inplikazioa oso inportantea da`” eta “San Damiano d’Asti. 3 hilabetetan organikoa konpost bihurtzen duen planta“. Garak bi artikulu eman dizkio gaiari: “Atez ateko sistema garatzeko asmoz, Italian ibili dira Gipuzkoako udal ordezkariak” eta “Italian atez atekoa 18 milioik egiten badute, Gipuzkoa osoan aise ezar daitekeela argi dago“. Usurbilgo Noaua astekariak hiru erreportaje (PDF): “Italiarrak aitzindari Atez Ateko bilketan“, “Italiatik ekarritako hainbat ondorio” eta “Gaikako bilketa Italian, legez derrigorrezkoa da“. Lasarteko Txintxarrik (PDF): “Atez Ateko jaioterrira bisita“. Diario Vascok Usurbilgo orrian “Herriko ordezkaritza bat Italian izan da bertako atez ateko sistema ezagutzen“. Hernanin Zero Zabor blog sozialean kide batek egin du bisitaren kontakizuna: “Italian hondakinez ikasten“. Berria egunkariak igandeko gehigarrian 5 orri eskaini dizkio baina ze daude Interneten ikusgai.

Ekainaren 20an manifestazioa Donostian: “Atez Ate, Errausketarik ez”

2010-06-09 // Atez atekoa, Errausketa, Gaikako bilketa // Iruzkinik ez

Ekainaren 20an, igandez, eguerdiko 12etan hasita manifestazioa egingo da Donostian Zubietan Errauste Planta eraikitzearen kontra eta Atez Ateko Bilketa zabaltzearen alde. Errausketaren Aurkako Herri Plataformen Koordinakundeak deialdia izendatu du “Osasunaren alde, Errausketarik ez!… y basta de juegos“. Usurbilgo Itunak atera duen afitxak dio “Osasunaren alde (Moratoria) Erraustegirik ez“. Albistea Berriak eman du “Zero Zabor xedea zabaltzeko aliantza sortzeko dei egin die Usurbilgo Itunak gipuzkoarrei” titulatu du, Garak ” «Erraustegi toxikoaren» kontrako manifestaldia Donostian, hilaren 20an” eta Diario Vascok “Manifestación el día 20 contra la incineradora“.

Greenpeaceko ordezkari Julio Bareak Hernaniko Atez Atekoari sostengua adierazi dio

2010-06-08 // Atez atekoa, Gaikako bilketa // Iruzkinik ez

Greenpeace erakundean Espainia mailan hondakin eta kutsaduren arduraduna den Julio Barea Hernanin izana da, bertan martxan den Atez Ateko Bilketa ezagutu eta herritarrei bezala udalari sostengua adierazteko. Hernaniko Kronikak eman du albistea (Julio Barea: «Hernani lehenengo bagoian jarri da zaborrak kudeatzen, Kataluniaren parean») eta Barearen deklarazioa ikus daiteke YouTuben ipinitako bideo honetan: “Greenpeace con el Puerta a Puerta de Hernani“. Aurretik Barea Usurbilen izana zen, duela pare Juantxo Lopez de Uralderekin batera.

ELA sindikatuaren eskuliburuxka Atez Ateko Bilketaz, erruaketaz eta Zero Zabor kontzeptuaz

2010-06-05 // Atez atekoa, Errausketa, Gaikako bilketa // Iruzkinik ez

ELA sindikatuak eskuliburu txiki oso polita plazaratu du hondakinen kudeaketa burutsuaren inguruan. “Zabor bilketa Atez Ate”, “Erraustegirik ez!” eta “Zero Zabor” ideiak nabarmendu dituzte azalean. Folletoa Hernanin Zero Zabor gunean ikus daiteke.

Sei enpresa talde Intzineradora eraiki nahian, tartean Mondragon kooperatiba taldea

2010-06-04 // Errausketa // Iruzkinik ez

Diario Vascok publikatu du: “Seis alianzas de empresas quieren construir la incineradora de Zubieta“. Apuntatu 400 milioiko inbertsioak berenganatzeko konkurtsoan interesatu direnen izenak: 1) FCC eta Veolia, Voll Ron eta gipuzkoako errepideak kudeatzen dituen Serbitzu-rekin; 2) Tiru eta Képpel Seghers, berrikitan Diputazioak bisitatu duen Parisko intzineradoraren kudeatzaileak; 3) Moyua, Urbaser eta ACS, lehendik Espainian zortzi intzineradoraren manejatzaileak; 4) MCC -Mondragoiko kooperatibak- Amenabar, Sener -Zabalgarbiren kontratista- eta Grupo de Reciclado de Materiales y Residuos-ekin (Cenim); 5) Ferrovial-en filiala den Cespa eta Novergy; 6) Galdeano gipuzkoarra Vinci eta Befesarekin (Abengoaren filiala). Dagoenekoz badakigu nork pozoindu nahi gaituen.

Oiartzun, atez atekoari esker, birziklapen emaitza bikainak lortzen ari da

2010-06-03 // Atez atekoa, Birziklajea, Gaikako bilketa // Iruzkinik ez

Oiartzungo Atez Ateko bulegoak lehen balorazioak eskaini dizkio Gara egunkariari, eta honek gainera herritar batzuen iritziak ere bildu ditu “Oiartzun, atez atekoari esker, birziklapen emaitza bikainak lortzen ari da” erreportajean. Diario Vascok jakinarazi duenez “Udalak atez atekoaren jarraipen komisioa sortuko du” eta herriko ikasleak berriz urte betean Agenda 21 programaren barruan gaia landu ondoren ikasleak Atez Atekoaren alde omen daude: “Oiartzungo Ikasleek atez ateko bilketaren aldeko apustua egin dute“.

Tafallan intzineradora eraiki nahi dute Nafarroako Gobernuak eta Iruñerriko Mankomunitateak

2010-06-03 // Errausketa, Nafarroa // Iruzkinik ez

Nafarroako Gobernuko Ingurumen Departamentuak onartu du Hondakinen Kudeaketarako Planaren proposamena eta departamentuak Iruñean duen egoitzan alegazioak aurkezteko epea ireki dute. Planak 2015. urterako errauste planta bat jartzearen aldeko apustua egiten du. Berriak titulatu du “Nafarroan errauste planta egin nahi dute Gobernuak eta Iruñerriko Mankomunitateak“, Garak “El Gobierno de Nafarroa planea colocar una incineradora en la zona de Tafalla” eta Diario de Noticiasek “El Gobierno plantea la incineradora para toda Navarra en la zona de Tafalla antes de 2015“.

Orioko hondakin gudua: alkatea 5. edukiontziaren alde, opozisioa Atez Ateko Bilketaren

Jordi Colomerren hitzaldia: Atez ateko sistema hondakinak kudeatzeko erarik merkeena da

Jende ugari Donostian “Osasunaren alde (Moratoria) No a la incineración” manifestaldian

Gipuzkoako ordezkaritza Italian ibili da hango Atez Ateko Bilketa ezagutzen: kroniken bilduma

Ekainaren 20an manifestazioa Donostian: “Atez Ate, Errausketarik ez”

Greenpeaceko ordezkari Julio Bareak Hernaniko Atez Atekoari sostengua adierazi dio

ELA sindikatuaren eskuliburuxka Atez Ateko Bilketaz, erruaketaz eta Zero Zabor kontzeptuaz

Sei enpresa talde Intzineradora eraiki nahian, tartean Mondragon kooperatiba taldea

Oiartzun, atez atekoari esker, birziklapen emaitza bikainak lortzen ari da

Tafallan intzineradora eraiki nahi dute Nafarroako Gobernuak eta Iruñerriko Mankomunitateak

Azken bidalketak

Iruzkin berriak

Artxiboak

Kategoriak

Meta