Atez ateko zabor bilketa zabaldu beharreko eredua dela uste du Greenpeacek

2010-02-23  //  Atez atekoa, Gaikako bilketa  //  Iruzkinik ez

«Esperientzia berritzailea, interesgarria, garbia eta zabaldu beharrekoa da». Halaxe definitu du Juan Lopez Uralde Espainiako Greenpeaceko buruak Usurbilen (Gipuzkoa) egiten ari diren atez ateko zabor bilketa. Usurbilgo Udalak eta San Markoko Mankomunitateak gonbidatuta, Usurbilen izan zen atzo Lopez Uralde atez ateko eredua bertatik bertara ezagutzen.Atez ateko zabor bilketa zabaldu beharreko eredua dela uste du Greenpeacek (gehiago…)

Usurbilgo alkateak 6 urteko moratoria eskatu du Intzineradorarentzako eta A-A Gipuzkoa osora zabaltzea

2010-02-15  //  Atez atekoa, Errausketa, Gaikako bilketa, Gipuzkoa  //  Iruzkinik ez

Usurbilentzat eta Gipuzkoarentzat aukera bat eskatu du Usurbilgo alkate Xabier Mikel Errekondok, herrian burutu behar duten erreferendumaren kanpaina hasieran, herritarrei eta Gipuzkoako Diputazioari zuzendutako idatzi publikoan. Errekondoren artikulu mamitsua Berriak eta Garak publikatu dute.

(gehiago…)

Atez Ateko bilketa sistemaren aldeko bilgunea sortu dute Usurbilen

2010-02-13  //  Atez atekoa, Gaikako bilketa  //  Iruzkinik ez

Alkartasuna Baserritarren Kooperatiba, Usurbil Bizirik, Zubieta Lantzen, Atez Ateko Jarraipen Batzordea eta Errausketaren Aurkako Mugimenduak Atez Ate Dudipe bilgunea sortu dute “hondakinen kudeaketaren inguruan metatu dugun eskarmentuak eta ezarri nahi diguten errauste plantaren mehatxuak” emandako esperientzia baliatu eta “irteera bat bilatzeko saioan, bakoitzak bere esku dagoen ahalegina” jartzeko. Bilguneak blog berri bat dauka martxan jarria, informazioz beteta: Dudipe.

Usurbilen “Dudipe” gunea eta bloga, Atez Atekoaren alde

2010-02-10  //  Atez atekoa, Gaikako bilketa  //  Iruzkinik ez

Usurbilen “Atez Ate, dudipe” bilgunean elkartu dira otsail hondarreko erreferendumaren aurrean A-Aren aldeko botoa sustatzen ari diren talde nagusiak: Alkartasuna Baserritarren Kooperatiba, Usurbil Bizirik, Zubieta Bizirik, Atez Ateko Jarraipen Batzordeak eta Errauskearen Aurkako Mugimendua. Dudipe da blogaren izena eta informazioz beteta dator.

Atez Ate herri gehiagotara: Orioko udala Usurbilekin bildu da, Zumaiako EAko alkatea gero…

2010-02-10  //  Atez atekoa, Gaikako bilketa  //  Iruzkinik ez

Usurbilen gauzatu zenetik Atez Ateko sistema interesa pizten ari da inguruko herrietan. Orioko udalak udazkenean hartutako erabakiaren ondoren, orain bertako goi karguak bildu dira Usurbilgoekin A-Akoaren zertzeladak ezagutzeko. Egunotan Zumaiako alkate Iñaki Agirrezabala ere (EA) izana da bertan Jesus Mari Larrazabalekin batera. Urola-Kostako Hitzak eman du mugimendu horien berri.
(gehiago…)

Orioko udala ere errausketaren kontra eta Atez Atekoaren alde

2010-02-01  //  Atez atekoa, Errausketa, Gaikako bilketa, Gipuzkoa, Zubieta  //  Iruzkinik ez

Komunikabideetan isil-antzean pasatu bada ere, Gipuzkoako Orio herriko udala joan den udazkenean argi eta garbi mintzatu zen Zubietako intzineradora proiektuaren kontra eta pixkanaka zabaltzen ari den Atez Ateko bilketa sistemaren alde. Albistea Urola-Kostako Hitzan publikatu zen. Bestalde, mahainguru interesgarri bat antolatu zuten errausketaz Orion bertan, Karkara aldizkariaren gunean jakinarazi zutenez. (gehiago…)

Atez ateko hondakin bilketa Gipuzkoan, Katalunian, Italian (Argia astekaritik)

2010-01-29  //  Atez atekoa, Gaikako bilketa  //  Iruzkinik ez

Argia astekarian Urko Apaolaza hernaniarrak publikatu du “Atez ateko hondakin bilketa Gipuzkoan, Katalunian, Italian… Kolore askotako sistema” erreportajea. Tituluak iragartzen duenez, Atez Ateko sistema (Door-to-door, Porta à porta, Porte à porte, Racolta diferenziata Porta a porta, eta beste izen ezberdinez ezagutua) oso zabalduta dago mundu osoan, herri txikietan bezala hiri handietan. Gai honen beraren inguruan Hernanin Zero Zabor taldeak berrikitan informazioa eskaini zuen “Atez Atekoak balio du herri eta hiri handietarako?” artikulu laburrarekin, zeina publikatu baitzen Berria eta Diario Vasco egunkarietan. (gehiago…)

Lea ibarreko herriak Atez-Atekoa ezartzea ari dira aztertzen

2010-01-29  //  Atez atekoa, Gaikako bilketa  //  Iruzkinik ez

Bilboko Correok emana da albistea: Lea Ibarra izeneko mankomunitatea osatzen duten Amoroto, Aulesti, Gizaburuaga, Mendexa eta Munitibar haien hondakinak kudeatzeko Atez Ateko sistema ezartzea ari direla aztertzen. Usurbilgo esperientzia ikusten izan dira hango agintariak. (gehiago…)

Peio Lozano elkarrizketatu dute Hernaniko Kronikan

2010-01-26  //  Errausketa, Gipuzkoa, Gizarte eragileak, Iritziak / Adierazpenak, Zubieta  //  Iruzkinik ez

Gaur herrian “Eta erraustegia zer?” gaiaren inguruan hitzaldia eman behar duela eta, Hernaniko Kronika egunkariak elkarrizketa egin dio Peio Lozano lurralde plangintzan adituari. “Gi­puz­koan zabor asko ari gara bereizten, eta beraz, erraus­tegia justifikatzea ez daukate erraza” titulua darama artikuluak. Hitzaldia Hernanin Zero Zabor taldeak antolatu du. (gehiago…)

Hernanin hasi da Atez Ateko sistema abiatzeko fasea

2010-01-25  //  Atez atekoa, Gaikako bilketa  //  Iruzkinik ez

Joan den ostegunean, Biteri kul­tur etxeko fatxadan lona berria jarri zuten eta horren zer­gatiaren eta esanahiaren berri eman du Marian Beitia­larran­goitia alkateak prentsa ohar bi­dez. «Lona horrek fase aldaketa irudikatzen du, atez atekoa disei­natzetik gau­zatzera pasa garelako», azaldu du. Horrez gain, dio Hernanik bere hon­da­kinen %80tik gora bereizita jaso­tzea sekulako lorpena izango dela eta eredu aldaketa dakarrela. Albistea eman dute Herniko Kronikak eta Diario Vascok. (gehiago…)