Leongo Ponferradan porlan-fabriketan hondakinak intzineratzearen kalteak aztertuko dute

2009-10-09  //  Errausketa, Porlan fabriketan  //  Iruzkinik ez

Rebelion guneak plazaratu duenez, Plataforma Anti-incineración de Montcada taldeak bidalita, Leongo Ponferradan urriaren 10ean ospatuko da bilkura interesgarri hau: “1. encuentro estatal contra la incineración de residuos en cementeras“. Jakina da porlan-fabrikek gero eta interes handiagoa dutela zaborrak intzineratzeko. Gipuzkoako kasuan, eta juxtu Zubietatik oso hurbil, Rezola zementugileak horixe Añorgan egitea proposatu du, orain dela oso gutxi Berria egunkariak publikatu zuen moduan (ikusi albistea behean). Orain, Leongo Ponferradan bilduko dira Bierzo Aire limpio, Plataforma antiincineración de Toledo eta Plataforma antiincineración de Montcada taldeak, horrela borobiltzeko hilabeteotan elkarren artean egin duten elkarrizketa. Seguru aterako direla han ere informazio interesgarriak guretzako.Hemen doa albistea gaztelaniaz osorik: (gehiago…)

Gipuzkoan orain Partzuergoak eta Diputazioak izan nahi dute konpostgintzan txapeldun

2009-10-02  //  Atez atekoa, Gaikako bilketa, Konpostaketa  //  Iruzkinik ez

Usurbilek Atez Ateko bilketa sistema jarri zuenetik, Zubietan intzineradora eraiki nahi duten indarrek ikusi dute nonbait haien argumentazioetan konpostaketarena zela alderdi ahuletakoa, eta gai horretan murgildu dira bete betan, Diputazioan gaiaren arduraduna den Ormazabal jaunarengandik hasita. Onena da azkenean hondakin organikoak konpostatzea modan jarri dutela. Txarrena, konpostatzearen inguruan herritarrari zaildu nahi zaiola gauzak ondo ulertzea. (gehiago…)

Errausketaren aurkako plataformek 30.000 sinadura aurkeztu dituzte hondakinen lege berria eskatuz

2009-07-01  //  Errausketa  //  Iruzkinik ez

Atzo, ekainaren azken egunean, Eusko Legebiltzarrak hondakinen lege berria eztabaidatu dezan ekimen herritarra bematzen duten 30.000 sinadurak aurkeztu zituzten erraustearen aurkako plataformek. Hiru atal ditu atzo aurkeztutako legeak: lehenean erakunde publikoen jarduera zehaztu dute; bigarrenean Hondakinen Euskal Agentziaren izaera finkatu dute; eta hirugarrenak isunak zehazten ditu. Lege bihurtzea nahi den asmo honen helburua zera da, hondakinen errausketa ezinezko bihurtzea eta hondakinen bilketa selektibo intentsiboa sustatzea. Albistea Berriatik hartu dugu. (gehiago…)

Gipuzkoako Partzuergoak bere estatutuak aldatu ditu intzineradora blindatu nahian

2009-06-03  //  Atez atekoa, Errausketa, Gaikako bilketa, Gipuzkoa  //  Iruzkinik ez

Gipuzkoako Hondakinen Partzuergoak bere estatutuak aldatu ditu, hemendik aurrera elkargo horretatik ateratzen bada herriren bat orain arte errauskailua eraikitzeko egin diren inbertsioen zatia ordaindu behar izan dezan. Errauste plantaren kontrako mugimenduek, San Markos Mankomunitateak eta zenbait partiduk -bidenabar Ezker Batuak eta Aralarrek- salatu dute neurri horrekin batetik Atez Ateko Bilketa sistema ito nahi dela eta bestetik poltsikotik gatibu eduki nahi dituztela udal kritikoak. Ikusi albistea eta erreakzioak egunkarietan.
(gehiago…)

Atez ateko hondakin bilketa iadanik martxan da Usurbilen

2009-03-18  //  Atez atekoa, Gaikako bilketa  //  Iruzkinik ez

2009ko martxoaren 16a historian markatuta geratuko da: gaurdanik martxan da atez ateko hondakin bilketa Usurbilen. Etxeetako zaborrak %80 arte birtziklatzea ahalbideratzen duen sistema hau orain inguruko herrietara zabaltzea da herritar askoren asmoa. Zortzi hilabete iraun du atez atekoa udalean planifikatu, herritarrei aurkeztu, jendartean eztabaidatu eta azkenean martxan jartzeko prozesuak. Komunikabide askok ez diote jaramon handirik egin hilabete horietan, baina orain oihartzun zabala lortu du. Albistea Berrian, Diario Vascon eta Noticias de Gipuzkoan emanda bezala bildu dugu. (gehiago…)

Usurbilgo udalak behin betiko onarpena eman dio hondakinen atez ateko bilketari

2009-02-19  //  Atez atekoa, Gaikako bilketa  //  Iruzkinik ez

Usurbilgo udalaren udal batzak osoko bilkuran onartu du herriko hondakinak kudeatzeko atez ateko sistema martxan jartzea. Diario Vascoko kronikak esplikatzen du plenoa nola joan zen eta alderdi bakoitzak zer eta zergatik bozkatu zuen. Bilkura honetan eztabaidatu zen, era berean, zer egin sistema berriaren abiatzea gelditu eta herriari kontsulta egiteko eskatzen zuten 600 herritarren idatziarekin, “atez atekoaren kontrako plataforma” deitu denarekin (informazioa Noticias de Gipuzkoak bildu zuen). Alkateak herriari galdetuko zaiola agindu du baina atez ateko sistema gelditu gabe. Ezker Abertzaleko udal gobernu taldeaz gain, atez atekoaren alde daude Aralarko bi zinegotziak (batek sistema berria herri kontsulta burutu arte behin betiko ez onartzea proposatu zuen) eta EAJ eta PSEko zinegotziak ere argi mintzatu ziren sistema berriaren alde. EA da atez atekoaren kontra sutsuki ari den bakarra Usurbilen.

(gehiago…)

Errausketaren Aurkako Plataforma lanean ari da apiril amaierarako 30.000 sinadura biltzeko

2009-02-19  //  Errausketa, Gipuzkoa, Zubieta  //  Iruzkinik ez

Gipuzkoako Errausketaren Aurkako Plataforma lanean gogor ari da apirilaren 30erako 30.000 sinadura lortzeko, Eusko Legebiltzarrak hondakinen lege berri bat eztabaidatu eta onartu dezan, zaborren gaikako bilketa arautuz eta horien errausketa galaraziz. “Berria“ egunkariari erantzun dio Plataformaren bozeramaile Edorta AgirrekUnai Agirre. (gehiago…)

Hernanin ere udalak atez ateko bilketa antolatu nahi du 2009an

2008-12-15  //  Atez atekoa, Gaikako bilketa  //  Iruzkinik ez

Hernaniko udala kudeatzen duen gobernu taldea -ezker abertzalekoa- 2009an herrian atez ateko hondakin bilketa plana martxan jartzekotan da. Herrian hondakinen kudeaketa eta mugikortasuna aztertzeko antolatu den Topagune Berdearen barruan aurreratu zuten asmoa, Hernaniko Kronikak jakinarazi duenez. (gehiago…)

Erraustegiko lurren egoera ezagutzeko martxa egin dute Zubietan

2008-12-14  //  Errausketa, Gipuzkoa, Zubieta  //  Iruzkinik ez

Abenduaren 13an Zubietan eraiki nahi duten erraustegiarentzako aurrikusitako lurrak zein diren eta nola dauden ezagutzera martxa egin zen. Ehun lagunetik gora joan ziren bertaraino euripean. Zubietaraino bildu ziren hiru adarretako bat Añorgatik pasatu zen, eta hemen ezagutu zuten Cementos Rezola fabrikak zaborren errausketan egin nahi duen apostua, gaur egun pneumatikoak eta haragia kixkaltzeko egiten dituen lanez gain. Albisteak agertu dira Garan eta Diario Vascon eman dute. (gehiago…)

Nafarroako hondakinekin zer egin, hitzaldia gaur NUPan

2008-12-14  //  Berrerabilpena, Birziklajea, Errausketa, Gaikako bilketa, Zabortegia  //  Iruzkinik ez

Hondakinekin zer egin ez dakiela dago Nafarroako Gobernua, eta, auzi horretan sakontzeko, Iruñerria Gorria, Berdea eta Morea taldeak jardunaldiak antolatu ditu gaurko, Nafarroako Unibertsitate Publikoan. Informazioa Berria egunkariak eman du (gehiago…)