Zubietako intzineradorak eragingo dituen errautsak kanpora bidaliko dituzte pilatzera

2008-12-14  //  Errausketa, Gipuzkoa, Zubieta  //  Iruzkinik ez

Gipuzkoako Diputazioak argitu duenez, Zubietan eraiki nahi den errauste plantan kixkali ondoren geratuko diren gaietatik, alde batetik zepak bertan pilatuko dituzte ondoren asfaltotarako bezala porlanarekin nahastuta obretan usatzeko, eta errautsak herrialdetik kanpora bidaliko omen dituzte, horretarako prestatuta dauden enpresetara. Urtean 263.000 tona hondakin kixkali nahi dituzte erraustegian, eta horiek 53.000 tona zepa eta 10.000 errauts sortuko dira, “Diario Vasco“k publikatu duenez. (gehiago…)

Zaborrarekin negozio egiteari ez, dio Eguzki ekologista taldeak

2008-12-12  //  Zabortegia  //  Iruzkinik ez

Eguzki talde ekologistak salatu duenez, Foru Aldundiak, Gipuzkoako zabor tasen ordainketa udal autonomiaren gainetik kontrolatu nahian, Kontsortzioa ezarri nahi du. Horretarako, A-8 autobidean Bidegi-rekin egin zuen antzeko estrategia jarri du indarrean. Estrategia horren helburu nagusia errauste planta ordaintzeko dirua biltzea da, errauste planta garesti baino garestiagoa baita. (gehiago…)

Usurbilgo herriak aurkeztu du plana: atez ateko hondakin bilketa otsailean hasiko da

2008-12-05  //  Atez atekoa, Gaikako bilketa  //  Iruzkinik ez

Lau astez Usurbilgo Udalak herritarrekin hainbat bilera egin ondoren, heldu den otsailaren bukaeratik aurrera zaborren atez ateko bilketa jarriko dute martxan udalerrian. «Prozesu aberatsa» izan dela adierazi du Xabier Mikel Errekondo Usurbilgo alkateak, bilera horietan herritarren kezkak eta ekarpenak mahaiganeratu baitira. Hondakinen gaikako bilketa ez ezik, norberak etxean konpostatzea ere bultzatu nahi du Usurbilgo Udalak, Berria eta Gara egunkariek jakinarazi dutenezZaborren atez ateko bilketa otsailaren bukaeran jarriko dute martxan Usurbilen (gehiago…)

Gipuzkoako Aldundiak Europari eskatu dio hondakin organikoak derrigor biltzea lege egin dezan

2008-11-24  //  Atez atekoa, Bost kontenedore, Gaikako bilketa, Lau kontenedore  //  Iruzkinik ez

Gipuzkoako Foru Aldundiko Carlos Ormazabal diputatuak mahainguru batean Europar Batasunari eskatu dio etxeetako hondakin organikoak derrigor era berezian biltzea derrigortu dezala legez, “Noticias de Gipuzkoa“k jarkinarazi duenez. Bestalde, “Diario Vasco“n irakur daiteke Foru Aldundiak bere egoitzaren aurreko plazan konposta sustatzeko erakusketa handi bat ipini duela. Aldi berean, errauste planta Zubietan eraikitzeko planekin segitzen du, noski.

(gehiago…)

Andoainen atez ate biltzen dira haltzariak eta tamaina handiko beste hondakinak

2008-11-11  //  Atez atekoa, Gaikako bilketa  //  Iruzkinik ez

Andoaingo udalak Emaus elkartearekin bazkidetzan kanpaina abiatu du herritarrek gehiago erabili dezaten azken bost urteotan martxan dagoen zerbitzua: etxeetako haltzari eta bestelako hondakin handiak atez ate biltzekoa. Andoaindarrek horrela ez dituzte soberakinok karrikan utzi behar, biltzera etxera joaten zaizkie-eta Emausekoak. Zerbitzu hori gehiago erabili dadin, herriko etxeak mantalaurrekoak banatuko ditu’, (gehiago…)

Usurbilgo herritarrak ari dira atez ateko hondakin bilketarako prestaketan

2008-11-10  //  Atez atekoa, Gaikako bilketa  //  Iruzkinik ez

Usurbilgo udala prestaketa lanak egiten ari da heldu den urtarriletik aurrera etxeetako hondakinen bilketa atez ate egiteko. Herritarren aurrean aurkeztu da plana, eta jendearen ekarpenekin aberastu. Xabier Mikel Errekondo alkateak, berriz, sistema berria inguruko herrietara ere zabaltzeko eskatu du. (gehiago…)

Familia bakoitzak 2009an gehiago ordainduko du zabor bilketa zerbitzua

2008-11-10  //  Ondakinak zenbakitan, Zabortegia  //  Iruzkinik ez

Gipuzkoako herri askotan zabor bilketaren zergek igoera handiak izango dituzte. Handiena, Hernanin: %50. Tolosan lau urtetan %80. Zabortegien itxierak eta azpiegitura berriak antolatu beharrak ekarri ditu igoera hauek. Herri batzuetan besteen aldean urteotan gutxi kobratu izanak ere bai

(gehiago…)

Lapurdiko hondakinentzako Bil eta Garbik ez du zabortegi berririk irekiko

2008-11-08  //  Zabortegia  //  Iruzkinik ez

Zuberoako Sarrikotako proiektua herriko bozketan atzera erori ondoren, Lapurdiko herri gehientsuenen hondakinak kudeatzen dituen Bil eta Garbik erabaki du ez duela zabortegi berririk eraikiko. Esfortzu handiagoa egingo omen du birtziklatzen eta hondakin produkzioa gutxitzen. Baina 2011tik aurrera hondakinekin zer egingo den oraindik ez dauka argi.
(gehiago…)

Olio bilketa hobetzeko sistema berria asmatu dute Arrasateko ikasleek

2008-11-04  //  Berrerabilpena  //  Iruzkinik ez

Arrasateko Mondragon unibertsitateko ikasleek herritarren olioen soberakinak biltzeko sistema berria asmatu dute, eta herriko karriketan martxan jarri denetik udalak lehengo kopurua halako bost olio biltzen omen du, “Diario Vasco”n plazaratu denez. (gehiago…)

Donostiak 3,7 milioi euro gastatuko ditu errauste planta eraikitzeko behar diren lurrak desjabetzeko

2008-10-30  //  Errausketa, Gipuzkoa, Zubieta  //  Iruzkinik ez

Protestak protesta, Gipuzkoako agintariek aurrera darraite Zubietan errauste planta eraikitzeko asmoekin. Aste honetan Donostiako udalak erabaki du 3,7 milioi euro gastatzea beharrezko 100 hektarea lursail desjabetzeko. “Noticias de Gipuzkoa“n irakur daiteke. Aldi berean San Markoseko Mankomunitateko presidente Ricardo Ortegak berretsi zuen gaur martxan jarri daitezkeen alternatibekin errausketaren beharrik ez dela.

Donostia pagará 3,7 millones por expropiar veinte fincas en Zubieta para la incineradora
El Ayuntamiento aprobará mañana la venta forzosa de 100 hectáreas de terreno
La Diputación afirma que está cumpliendo “a rajatabla” los plazos y que el centro de residuos estará en marcha en 2012

(gehiago…)