Espainian ere zaborrez gainezka daude

2008-06-27  //  Birziklajea, Zabortegia  //  Iruzkinik ez

“El Pais” egunkariak plazaratu duenez, Espainia zaborrez gainezka dago. Dagoenekoz beteta dauden 120 zabortegietatik 15ek zabalik jarraitzen dute, adibidez. Erkidego autonomikoei begiratuta, Valentzia, Kanariar Uharteak eta Galizia dira estuen dabiltzanak, eta Europako aginduak betetzeko zailtasun handienak dituztenak. Birtziklaketa %10an dabil bataz beste Espainian, Europako kopururik itsusienetakoa. (gehiago…)

San Markoseko mankomunitateak 2008ko aurrekontuak erabaki ditu

2008-06-24  //  Zabortegia  //  Iruzkinik ez

Donostialdeko hondakinak biltzen dituen San Markoseko mankomunitateak aurtengo aurrekontua erabaki du. Iazkotik %51eko igoera izango du (ia 24 milioi euro denetara) eta bi ardatzen inguruan garatuko da: batetik atez ateko bilketa Usurbilen udazkenean hasiko dena eta bestetik San Markoseko zabortegiaren betirako itxiera. Albistea eman dute “Gara“k eta “Noticias de Gipuzkoa“k.
(gehiago…)

Ekologistak Martxan erakundeak salatu du zaborrak Gipuzkoatik Bizkaira eramatea

2008-06-23  //  Zabortegia  //  Iruzkinik ez

Gipuzkoako hondakinak Bizkaira eramateko operazioak errausketaren aldeko apostua sustatzen duela salatu du Ekologistak Martxak erakundeak. Alonsotegi, Rekalde eta Zorrozan errausketaren kontrako kanpaina egin berri duen erakunde honen iritzian, zaborren lekualdatzearekin agintariek bermatu nahi dute Gipuzkoan errauste planta eraikitzea eta Bizkaian Zabalgarbik duena bikoiztea. “Gara“k eman du albistea. (gehiago…)

Txingudiko erraustegi proiektuan gastatu ziren milioien erantzule nor da?

2008-06-20  //  Atez atekoa, Errausketa, Gaikako bilketa, Gipuzkoa, Zubieta  //  Iruzkinik ez

Fernando Arozenak maiatzaren 29ko “Noticias de Gipuzkoa“n kontuak eskatu ditu Txingudin errauste planta egiten egoskortu eta horretan diru publikotik 3 milioi euro gastatzea erabaki izanaz. Ez ote du inork erantzunkizunik hartu behar bere gain? Ez du inork dimitituko?
Ekainaren 20ko “Diario Vasco“n berriz  Txingudi Bizirik elkarteak salaketa bera egiteaz gain eskualdean hondakinen kudeaketarako plan berri eta jasangarria antolatzea eskatu du, Donostian atez ateko bilketaren alde egindako manifestaldiaren barruan. (gehiago…)

Eroskik zorro berrerabilgarriak sustatuko ditu

2008-06-19  //  Berrerabilpena  //  Iruzkinik ez

Eroski komertzio kateak bere bezeroen artean sustatuko ditu plastikozkoen ordez zorro berrerabilgarriak. WWF-Adena erakundearekin elkarlanean, hiru motatako eta erabilpen maila ezberdineko zorroak eskainiko dizkie oso prezio merkean. Gainera, hondatutakoan zorroon ordez berriak dohainik emango dizkiela agindu du, Diario Vascok zabaldu duenez. (gehiago…)

Sarrikotapeko (Zuberoa) udal berriak ezezkoa eman dio herrian eraiki nahi zen zabortegi handiari

2008-06-19  //  Gizarte eragileak, Iritziak / Adierazpenak, Zabortegia  //  Iruzkinik ez

Herriko etxeetako hauteskundeetan alkate berria aukeratu zuten Zuberoako Sarrikotapean eta Laurent Etxeberri “Bil eta Garbiren xedeari ez!” lemapean aurkeztu zenez, lehenbiziko erabakia izan du aurreko auzapezak onartutako zabortegi handia atzera botatzea. Bil eta Garbiko lehendakari Alain Iriartek aipatu zuenez ez zuela Sarrikotapean herritarren gogoaren kontra eraikiko holako biltegirik, lurperatu nahi diren urteroko 100.000 tona zaborrentzako beste lekuren bat bilatu beharko dute. Edo sistema berrietan ikertu. Berriak eman du albistea. (gehiago…)

Manifestazioa Ekainaren 14an: “Alternatibak martxan jarri! Errausketarik ez!”

2008-06-11  //  Errausketa, Gipuzkoa, Zubieta  //  Iruzkinik ez

Errausketaren Aurkako Herri Plataformen Koordinakundeak Ekainaren 14rako manifestaldia deitu du, arratsaldeko 18:00etan, Donostiako Boulevardetik abiatuta. Honakoa izanen da aldarrikapena: “Alternatibak martxan jarri! Errausketarik ez!”. (gehiago…)

Sasietako Mankomunitatean etxeko olioarentzako edukinontzi laranja kolorekoa

2008-06-05  //  Berrerabilpena  //  Iruzkinik ez

Sasietako Mankomunitateak udazkenetik aurrera hobetu egingo du bere herrietan etxeetako olioen bilketa. Orain arte bezala ez da eraman beharko egun eta ordu jakinetan biltzera etorritako furgonetetara: hemendik aurrera laranja koloreko edukinontzian utzi ahalko dira. Bestalde, festa, bilkura eta ekitaldi berezietarako baxera berezi bat banatuko du, berrerabilgarria. Lehenbiziko proba igande honetan izanen da, Berrobin egingo den Eskola Txikien festan. Albistea Diario Vascok eman du. (gehiago…)

Azpeitian ekainean hasiko dira hondakin organikoak biltzen 26 kontainer berezitan

2008-05-31  //  Bost kontenedore, Gaikako bilketa  //  Iruzkinik ez

Azpeitian 400 familia baino gehiagok eman dute hondakin organiko gordinak kontainer berezietan uzten hasteko. Lapatxeko zabortegian konpostatzeko sistema prest jarri du Urola Erdiko mankomunitateak eta bertara eramango dituzte Azpeitiko kaleetan edukinontzi marroi berrietan bilduko diren hondakin konpostagarriak. “Noticias de Gipuzkoa“k eman du albistea.
(gehiago…)

Atez ate bilduko dute zaborra Usurbilen udazkenetik, Gipuzkoan lehenengoz

2008-05-30  //  Atez atekoa, Gaikako bilketa  //  Iruzkinik ez

Usurbil izango da Gipuzkoako lehen herria martxan jarriko duena hondakinak bildu eta tratatzeko sistema alternatiboa: atez ateko bilketa. “Berria” egunkariak eman ditu xehetasunak.  Bost herri gehiagok ere eskatu dute sistema hori beren udalean ezartzea:  Aduna, Asteasu, Astigarraga,  Lasarte eta Oiartzunek.  Albistea eskaini dute “Berria“k eta “Gara“k.

(gehiago…)