Gipuzkoako Hondakinak Kudeatzeko Plan Orokorra (PIGRUG famatua): Diputazioaren dokumentuak

2007-12-31  //  Dokumentuak, Plangintza  //  Iruzkinik ez

Gipuzkoako agintariek hondakinen inguruko erabakiak hartzeko dauzkaten bi dokumentu nagusi errez aurkitzeko loturak ipini ditugu hemen. Biak Gipuzkoako Foru Aldundiaren gunean daude, PDF formatuan: euskaraz GHKPO (Gipuzkoako Hondakinak Kudeatzeko 2002-2016 Plan Orokorra) eta gaztelaniaz PIGRUG (Plan Integral de Residuos Urbanos 2012-2016).

Gipuzkoan errausketak badauka alternatiba (koordinadoraren dokumentuak)

2007-12-30  //  Errausketa, Gipuzkoa  //  Iruzkinik ez

Gipuzkoako Errausketaren Aurkako Plataformen Koordinadorak sarean ipini ditu (PDF formatuan) Gipuzkoako Hondakinentzako prestatu dituen plan orokorrak. Euskaraz eta gaztelaniaz daude. Hona hemen loturak, informazio hori behar duenak errez aurki ditzan: (gehiago…)

Nafarroako hondakin gehienak Tuteran tratatzen dira konpostatu eta biometanoa ekoizteko

2007-12-19  //  Biometanizazioa, Konpostaketa  //  Iruzkinik ez

Iruñerriko mankomunitateak Arazurin eraikia zuen biometanizazio plantari auzitegiek bidea moztu ondoren, gero eta zabor gehiago bidaltzen da bertatik Tuterako gunera, han tratamendu osoa egiteko, konpostatzea eta biometanizazioa barne. Oraingoz Nafarroan ez da errauste plantarik, nahiz eta etorkizunerako ez dioten posibilitate horri atea erabat ixten agintariek. Gaia egunotan Diario de Navarra-n (Tudela tratará desde el próximo año la basura de 93 localidades) eta Diario Vasco-n (La comarca de Pamplona busca «alternativas» a la planta de biometanización, cuya construcción fue paralizada por el Supremo) jorratu dute. (gehiago…)

Txingudi Gipuzkoako Hondakinen Partzuergoan sartu eta San Markosen polemikak darrai

2007-12-18  //  Zabortegia  //  Iruzkinik ez

Hondakin biltegi propiorik ez daukan Txingudiko mankomunitatea Gipuzkoako Partzuergoan sartu da, iragarrita zegoen moduan. Orain hau ere San Markoseko zabortegira eramaten ari da bere hondakinak. Bide batez, San Markosekoak itxita behar zuela eta polemikak gori dirau, bai kudeatzaile politikoen artean eta baita ere, nonbait, hondakin biltegi horren ondoan bizi diren herritarren artean ere. Txingudi Gipuzkoako Partzuergoan sartzearen albistea eman dute Berriak (Txingudi Hondakinen Partzuergoan sartu da), Noticias de Gipuzkoak (Txingudi se suma al Consorcio de Residuos mientras San Marcos sigue sin pronunciarse ) eta Diario Vascok (PNV y EA acusan al presidente de San Marcos de retrasar el cierre del vertedero ). Polemikaren inguruko albiste gehiago berriz Diario Vascon (Malos aires eta El PNV pide al alcalde de Donostia que convoque una reunión para cerrar San Marcos ). (gehiago…)

Frantziako Saint-Philbert herrian herritarrak konposta egiten dute auzolanean

2007-12-16  //  Auzolaneko konpostaketa, Konpostaketa  //  Iruzkinik ez

Argia astekariak Net Hurbil atalean kontatu du nola Frantziako Vendée  eskualdean dagoen Saint-Philbert herrian biztanleek herriko hondakinak kudeatzen laguntzen duten auzolanean konposta eginez. 2.700 biztanleko herri honetan 2000 urtean zabortegi handi bat ezarri nahi zieten, bertakoek bozketa eginez ezetz erabaki zuten eta 2002tik aurrera konpostatuz birtziklatzen dute beren hondakinen zati handi bat. Aurretik nork bere etxean konpostagailua zeukaten herritarrei lan hori hobetzen lagundu diete auzolanetik, eta herri osoarentzako konpostgunea sortu dute, udalaren laguntzarekin. Herria etxe multzo txikitan banatuta daukate eta multzo bakoitzean animatzaile batek egiten du operazio osoan kontakto lana. Langile aditu bat dauka konpostguneak denbora erdiko jornadan, eta herritarrek astean hiru egun dauzkate ordu jakinetan sukaldeko hondakin konpostagarriak bertara eramateko.
Ordainetan, urte bukaeran familia bakoitzari ematen zaio sortzen diren 70 tona konposten parte proportzionala. Orain esperientzia inguruko herri eta eskualdeei erakusteko “Compost Citoyen” elkartea sortu dute. Artikuluak bukaeran elkarte horren eta antzeko beste esperientzien loturak dakartza. (gehiago…)

“Errausketarik Ez” errausketaren aurkako Gipuzkoako plataformen webgune berria

2007-11-29  //  Errausketa, Gipuzkoa, Zubieta  //  Iruzkinik ez

“Errrausketarik ez ” du izena Errausketaren Aurkako Gipuzkoako Plataformen webgune berriak. Hala diote beren sarrera orrian:

“Eraikitze lanetan gaude oraingoz, baina zuen laguntza eta pazientziarekin, gonbidapena luzatzen dizuegu gure eskaera eta asmoen nondik norakoak ulertzeko bertan murgiltzera, eta orrian egon litezkeen
arazoekin pazientzia izatera. Batez ere, eta interesa duenarentzat, deskargak atalean dauden alternatibak (plan gidatzailea) aztertzera animatzen zaituztegu”.

Ongi Etorri, “Errausketarik Ez”, lau herritarren artean egiten dugun “Zubieta SOS” honetatik. Gurean probetxuzko ezer ikusten baduzue, hartu eta usatu. Dena beharko da.

Euskaldunok sortzen ditugun hondakinak, zenbakitan

2007-11-28  //  Ondakinak zenbakitan  //  Iruzkinik ez

GAIA erakundeak zaborraren eta errausketaren kontrako nazioarteko eguna deitu duela eta, Euskal Herriko biztanleok sortzen dugun hondakin mendiaren eta horri agintariek ematen dioten tratamenduaren kronika mamitsuak eskaini dituzte Berria eta Gara egunkariek. Berriak dio: “Herritar bakoitzak 1,4 kilo hondakin sortzen ditu egunean ” eta Garak “Radiografía de los residuos orgánicos en Euskal Herria “. (gehiago…)

Diputazioak Hondakinen Plan berritua aurkeztu du eta errauste planta eraikitzen 2009an hasiko da

2007-11-22  //  Errausketa, Gipuzkoa  //  Iruzkinik ez

Carlos Ormazabalek -Gipuzkoako Foru Aldundiko Garpen Jasangarriko diputatu eta Gipuzkoako Hondakinen Partzuergoko presidentea, bera- aurkeztu du Hondakinen Plan Orokorraren eguneraketa, eta iragarri du 2009an ekin nahi dietela Zubietan eraiki nahi duten errauste plantaren obrei. Hala jakinarazi du ” Diario Vasco” egunkariak lerroburuan “El nuevo Plan de Residuos prevé que las obras de la incineradora comiencen en 2009” dioen albistean.

Plan orokorrean sartu diren berrikuntza batzuk ere aurreratu ditu, hala nola gai organikoak erraustu baino lehen tratatzeko “biolehortze” instalazioak.

Bere aldetik Ezker Batuak taldeko Mikel Izagirrek adierazi du beraiek lanean segiko dutela errauste plantarik eraiki ez dadin.

(gehiago…)

21 familiatan hondakinak gutxitzeko egindako esperimentuaren emaitzak eskaini ditu Diputazioak

2007-11-21  //  Bost kontenedore, Gaikako bilketa  //  Iruzkinik ez

Gipuzkoako Diputazioak ezagutzera liburu batean eman ditu 21 familiatan zaborra gutxitzeko egindako ahaleginaren emaitzak. Bataz beste, ikastaro berezi baten ondoren eta disziplina puska batekin, familia
horiek %14 zabor gutxiago ekoiztea lortu dute. Bide batez, agintariek diote laster Gipuzkoa osoan boskarren edukinontziak ipiniko direla, gai organikoak biltzeko.

Oraingoz Diputazioaren bertsioa daukagu kontu honetaz, eta itxaron beharko da ea beste gizarte eragileren batek egiten duen datu horien bestelako irakurketarik. Hasteko, nabarmendu behar da 21 familiok lehendik kontzientziatutako jendea direla, eguneroko hondakinak birtziklatzeko bereizten dituztenak, eta emaitza horietan kokatu behar dela. Birtziklapenean eta hondakinen gutxitzean
emaitzarik handiena oraindik ahalegin gutxi egiten duten familien ohitura aldaketetan legokeela bistakoa da. Horretaz pistarik ematen ote du aipatu ikerketa txiki horrek? Albistea Berria , Diario Vasco eta Noticias de Gipuzkoa k eman dute.

(gehiago…)

San Markosen inguruan disputan segitzen dute

2007-11-15  //  Zabortegia  //  Iruzkinik ez

San Markoseko zabortegia kudeatzen duen Mankomunitatearen buruzagitza EAE-ANV eta EBk hartu zutenetik, eztaibak segitzen du erraustegiaren aldeko eta kontrakoen artean, gai hori eta oraingo zabortegia ixteko epeak nahastuz. Hemen bildu ditugu azaroko egunotan Berria n, Noticias de Gipuzkoa n eta Diario Vasco n horretaz plazaratu diren albisteak.

Bestalde, kontu honetaz deklarazioak egin dituzte, batetik Diputazioak: PSEri egotzi dio San Markoseko Mankomunitateak hondakinen errausteari bizkar eman izana, Noticias de Gipuzkoa n eta Diario Vasco n irakur daitekeenez. Bestetik, Orereta-Errenteriako alkateak berriro esijitu du San Markoseko zabortegia berehala ixtea, Noticias de Gipuzkoa k hala plazaratu du.

(gehiago…)