San Markoseko zuzendaritza berriak erraustegirik gabeko hondakin gestioaren alde egin du (Hernaniko Kronika)

2007-09-07  //  Errausketa, Gipuzkoa, Zubieta  //  Iruzkinik ez

Atzo prentsaurrekoa eman zuten Ricardo Ortega San Markoseko zuzendari berriak eta Imanol Azpiroz zuzendaritzako kideak, mankomunitatearen helburu berriak azaltzeko.
2007/09/07 – Ostirala

San Markos Mankomunitateak erraustegirik gabeko hondakin gestioaren alde egingo du, atzo bertan prentsaurrekoan azaldu zutenez. Ricardo Ortega San Markoseko zuzendari berria (Lasarte-Oriako EBko zinegotzia) eta Imanol Azpiroz zuzendaritza kidea (Usurbilgo EAE-ANVko zinegotzia) azaldu ziren prentsaurrean, San Markoseko zuzendaritza berriak proposatzen duen hondakinen gestioaren oinarriak azaltzeko. Aurreko legealditik aldaketa haundia izan du San Markosek proposatzen duen gestioak, EB-Aralar eta EAE-ANV erraustegiaren aurka azaldu baitira: ´azpiegitura haundi eta zentralizatuak proposatu beharrean, gestio ahalik eta gertuenekoa proposatzen dugu, Gipuzkoan konpostatze planta
sare bat eraikita. Basura kopuru haundiek beti sortzen baitituzte arazoak, baita konpostajean ere` azaldu zuten.

Lau zutabe nagusi Hauek dira basura edo hondakinen gestioan proposatzen dituzten zutabe
nagusiak: – Hondakinak gutxitzea. Horretarako kontzientziatze kanpainaz gain neurri jakinak hartuta. – Ahal den guztia berrerabiltzea. – Birziklatzea. Gainerako materialak birziklatzeaz gain, Materia
organikoa ahalik eta kopuru haundienean konpostatzea da gestio berriaren oinarrietako bat, eta horretarako atez ateko bilketaren alde azaldu dira ´konpostajearen kalitateak oso ona izan behar baitu gero
konpost hori erabili ahal izateko. Ezin dugu beste zenbait tokietan egin den akatsa errepikatu eta bilketa sistema txarraren ondorioz konpost kaxkarra lortu`. – Geratzen den hondakin soberakina bertederoetara eraman, inertizatuta. Azpimarratu zuten, bertederoak beharko direla, baina orain arte baino askozaz basura gutxiago botatzeko, eta inertizatuta, oraingo bertederoetako usainen eta
kontaminazioaren arazoak asko gutxituta. Horrez gain, argi utzi zuten inzinerazio sistemak hondakin toxikoak sortzen dituela ´eta oraindik ez digute esan nora botatzekoak zituzten`.

Soka luzea Hondakinen gestioak zer bide hartuko duen ez dago batere garbi. Atzo ere antzeman zen hori, San Markoseko arduradunek emandako prentsaurrean kazetariek egindako galderetan. San Markoseko mankomunitateaz gain, Deba-Goienakoa ere erraustegiaren aurka azalduko da eta biek Gipuzkoako herritarren %53 biltzen dute. Kontsorzioan ordea (mankomunitateek eta Diputazioak osatutakoa), boto banaketak zer emaitza eman lezaken ez dago garbi (Diputazioak du %33, San Markosek %32 eta gainerako mankomunitateek %35) eta emaitza bat edo beste izan, Diputazioak eta
mankomunitate bakoitzak zer erabaki hartuko duen ere ez. Konpetentzia borroka gogorra sortu liteke.

San Markos ixtea San Markoseko bertederoa dagokion datatan itxiko ote den galdetuta baietz erantzun zuten bi kideek eta beraz aurten ixteko konpromezuari eutsi egin zioten. Gestio sistema berria indarrean jarri aurretik zaborrak Gipuzkoako beste mankomunitateetara bidaltzen jarraitu beharko du San Markosek, orduan ikusiko da hor ere zer iritzi aurkitzen duten.

Errausterik gabeko plana jarriko du indarrean San Markoseko mankomunitateak

2007-09-07  //  Errausketa, Gipuzkoa  //  Iruzkinik ez

San Markoseko Mankomunitateak zuzendaritza berria hautatu du eta EB eta EAE-ANVko kudeatzaileek aurreko legealdian hiri hondakinak kudeatzekoaukeratutako moduari buelta eman nahi diote Errauste plantarik gabeko plan alternatiboa lantzen hasiko dira laster.

Prentsaurreko batean Ricardo Ortega mankomunitateko lehendakariak ( EB ) eta Imanol
Azpiroz lehendakariordeak (EAE-ANV) egitasmoaren berri eman dute.

(gehiago…)

Indar korrelazioa aldatu da San Markos mankomunitatean: ANV eta EBk aginduko dute

2007-09-06  //  Errausketa, Gipuzkoa, Zubieta  //  Iruzkinik ez

Udal hauteskundetako emaitzen jarraipen gisa, San Markos mankomunitateko aginte guneak aldatu beharra zegoen, eta atzo mamitu zen kanbioa: hemendik aurrera erraustegiaren kontrako eta hondakinen tratamendu alternatibo baten aldeko buruzagiek aginduko dute. Aldaketaz
informazioa eskaini du “Berria” egunkariak “Erraustearen aurkakoa da San Markos” albistearekin (lehendakari berriaren deklarazioak ere bilduz) eta “Bidea argitzeko garaia” analisiarekin. ” Diario Vasco “k berriz “ANV y EB logran la mayoría absoluta de representantes en San Marcos” izendatu du albistea, eta elkarrizketa egin dio lehendakari berria den Ricardo Ortegari: “Si la Diputación es neutral, se tendrá que replantear la incineración”.

(gehiago…)

Zubietan eraiki nahi den erraustegiaren inguruko biztanleen iritzia

2007-09-05  //  Errausketa, Gipuzkoa, Zubieta  //  Iruzkinik ez

Zubietan eraiki nahi den errauste plantaren inguruko herritarrek (2.000 metroko radioaren barruan harrapatzen dituenek) “Kaltetuak” izeneko elkartea osatu dute. “Berria” egunkarian bere lehendakari Joseba Lizarraldek iritzi artikulua plazaratu du, erraustegiak ekarriko dizkien kalteak nabarmenduz: “Hainbat eratara ordainduko duguna” .

(gehiago…)

Juan Carlos Merino, Errenteriako alkatea (PSE-EE): «Zubietako errauste plantaren aurka eginez gero, zaborrak ezingo ditugu inora eraman»

2007-09-05  //  Errausketa, Gipuzkoa, Iritziak / Adierazpenak, Politikariak  //  Iruzkinik ez

San Markosko Mankomunitateko gaurko Batzar Nagusian «zentzuz eta arduraz» jokatzeko deia egin du Juan Carlos Merino Errenteriako alkateak (PSE-EE).

Zein izango da gaurko bileran PSE-EEren jarrera?

Zalantza ugari dago gaurko bileraren emaitzen inguruan. Errenteriako ordezkarien jarrera behintzat argi geratu da aurreko legealdian. Lehen eztabaida zen ea itxi behar zen eta noiz San Markosko zabortegia. Gaur, kasik itxita dago zabortegia. Parte bat zigilatu da; transferentzia planta eraiki da, Gipuzkoako beste hiru zabortegietara eramateko. Hilabeteren buruan San Markosek ez du zabor gehiago hartuko.

(gehiago…)

EBko ordezkariak hartuko du San Markosko Mankomunitateko lehendakari kargua gaur

2007-09-05  //  Errausketa, Gipuzkoa, Zubieta  //  Iruzkinik ez

Errauste plantaren aurkako indar politikoek hartuko dute gaur San Markosko Mankomunitateko zuzendaritza. Azken orduko aldaketarik izan ezean, EBko ordezkariak hartuko du lehendakari kargua, eta EAE-ANVkoek lehendakariorde eta gordailuzain karguak. Bi alderdi horietako ordezkariak ados jarri ziren atzo, eta gaurko bileran, San Markosko zuzendaritza berria errauste plantaren aurkakoa dela bistaratuko dute akordio horren bidez. Albistea osorik irakur daiteke “Berria” egunkarian, Iñaki Petxarromanek idatzi eta “EBko ordezkariak hartuko du San Markosko Mankomunitateko lehendakari kargua gaur” titulua daraman kronikan.

Kazetariak Juan Carlos Merino Errenteriako alkateari ere (PSE-EE) iritzia eskatu dio, bilkuraren aurretik.

(gehiago…)

Gipuzkoako Mankumunitateek aurrera darraite Zubietan errauste planta egiteko asmoarekin

2007-07-18  //  Errausketa, Gipuzkoa, Zubieta  //  Iruzkinik ez

Uztailaren 18an bildu dira Gipuzkoako Mankomunitateak ohiko bilera batean, eta horren ostean argi adierazi dute inolako zalantzarik gabe segitzen dutela Gipuzkoako hondakinak kudeatzeko plan orokorrarekin eta Zubietan errauste planta eraikitzeko asmoarekin. Esplikatu dute, gainera, udal hauteskunde hauen ondoren Mankomunitateetan aldaketak gertatzen direnean ere ezingo dela gelditu plan orokorra, eta inork artaldetik atera nahi badu berak asmatu beharko duela bere zaborrekin
zer egin, inork ez diolako hori konpontzen lagunduko. Albistea “Diario Vasco” egunkariak eman du “Las mancomunidades siguen adelante con la construcción de la incineradora de Gipuzkoa” erreportajean.

(gehiago…)

Gipuzkoako Foru Aldundiak berriro sartu da errauste plantaren arrastoan

2007-07-15  //  Errausketa, Gipuzkoa  //  Iruzkinik ez

Udal hauteskundeen ondoren, Gipuzkoako Foru Aldundia bereganatzeko EB/B taldearekin egindako akodioa zela eta aste pare batean halako anbiguotasun bat ikusi bazen ere, azkar hasi dira Zubietan errauste planta eraiki nahi duten indarrak gauzak lehengora eramateko lanean. Horren adierazgarri gaur ” Diario Vasco” egunkariak publikatu duen artikulu sorta. Ikusi titularrak:

– Garapen Iraunkorreko diputatu Juan Carlos Ormazabalek dio: “La Diputación apuesta por el plan de residuos que contempla la incineradora” .
– Miguel Buenek dio: “Si abren San Marcos será por encima de mi cadáver político” .
– “La clave para acariciar el 50% de reciclaje” , irailean Diputazioak martxan jarri behar dituen Garbiguneez.
– “Galdos asegura que la Diputación apoya que se construya la incineradora”.

Horrela egiten dute lan komunikazio gabineteek.

(gehiago…)

“Errausketak badu alternatibarik”, Mikel Izagirreren iritzi artikulua

2007-07-13  //  Iritziak / Adierazpenak  //  Iruzkinik ez

“Berria” egunkarian Mikel Izagirrek “Errausketak baditu alternatibak” izeneko artikulua plazaratu du. Mikel Izagirre Urnietan errauskegiaren kontra eta autobide berriaren alternatibaren alde lan egin duen
“Arnasa” taldeko kide izana da, eta gaur egun Urnietako alkatea da eta Ezker Batua-Berdeak taldearen buru Gipuzkoako Batzar Nagusietan.

Irakurri osorik:
(gehiago…)

San Markos zabalik mantentzearen inguruan polemika sortu da Donostialdean

2007-07-12  //  Zabortegia  //  Iruzkinik ez