Errauskailuaren ‘swap’en auzia burutzen ari dira Donostian

2014-02-26  //  Auzitegiak, Bankuak, Partzuergoa  //  Iruzkinik ez

Pixkanaka azalduz doaz atzo goizean Donostian GHKk eskatuta Banesto, La Caixa eta Price-Waterhouseren aurka burutzen ari den auziaren kronikak. Egunean bertan, arratsaldez, aurrerapenok zabaldu zituzten zenbait hedabidek:

– Berria “‘Swap’-ek errauste plantarako maileguari segurtasuna ematen ziotela deklaratu du Ormazabalek”
– Diario Vasco “GHK denuncia el secuestro de sus cuentas por los swaps de la incineradora” (Efe), “Consorcio de residuos y entidades bancarias discrepan sobre los contratos de los préstamos para construir la incineradora”
– Noticias de Gipuzkoa “GHK denuncia el secuestro de sus cuentas por los swaps de la incineradora” (Efe)

Biharamun goizean kronika osatuago eta mamitsuagoak zabaldu dituzte:
– Berria “GHK-ko aurreko buruzagiek ‘swap’-en defentsa egin dute“, “Analisia. Iñaki Petxarroman: Diru gosea edo zuhurtzia falta?”
– Gara “Swap-aren memoriak eta desmemoriak”
– Noticias de Gipuzkoa “El Consorcio admite que sabía que parar la incineradora tendría un coste económico”
– El Pais “El Consorcio de Residuos abona seis millones por un crédito ‘swap’“

Gaur hasiko da Zubietako errauskailuaren ‘swap’en epaiketa

2014-02-25  //  Bankuak, Ekonomia, Partzuergoa  //  Iruzkinik ez

[Pello Zubiria Kamino] Gaur, otsailak 26, goizean da hastekoa Donostiako 1 epaitegiaren 4. aretoan GHKk Banesto eta La Caixa bankuen eta Price-Waterhouse-Coopers aholku korporazioaren kontra zabaldutako auziaren epaiketa. Bertan aztertuko da GHKko buruzagiek, PSE eta EAJko kideek kudeatzen zutenean, Zubietako errauskailua finantzatzeko kontratatu zituzten ‘swap’ aseguru espekulatiboen legezkotasuna. GHKren oraingo arduradunek (Bilduk dauka agintea) salatu zuten produktu horien salmentaren baldintzak oker ari direla interpretatzen bankuak, ‘swap’ak berak GHKrentzako kaltegarriak izateaz gain,  produktuen salmenta gauzatu zela Price-Waterhouse-Coopersen aholkularitza arduragabeaz, eta azken hau, alderdi bientzat egin zuenez aholkularitza lana, interes-gatazka batean sartzen aritu zela.

Duela justu urte bete, 2013ko otsailean, Greenpeace, Errausketaren aurkako koordinadora, Eguzki, Ekologistak Martxan eta GZZk prentsaurrekoan salatu zituzten GHKko lehengo arduradunek kontratatutako swapak.  Iazko maiatzaren 31an eraman zituen auzitara GHKk bi bankuak eta Price-Waterhouse-Coopers. Berrikitan Errausketaren kontrako Koordinadorak protesta ekintzak burutu ditu La Caixa eta Banestoren aurrean.

Gai honek dirutan daukan garrantziaz, GHKk honako datua jakinarazi du: bere garaian hitzartutako kreditutik orain artean 9,7 milioi euro erabil izanda, ‘swap’ horien baldintza bereziak direla medio, GHKri bankuek hilero 500.000 euro kobratu nahi dizkiotela, beren ustez legez ordaindu beharrekoa 15.000 euro izan arren.

Auzian deklaratu behar dute, lekuko bezala, beste batzuen artean Carlos Ormazabal kredituak sinatzean GHKko lehendakari zenak, Iñaki Etxezarreta GHKko zuzendari zenak eta Maite Etxarri GHKko finantz arduraduna zenak.

[10:15, eguneraketa] Albistea beste hedabideetan gaur:
– Berria “Gaur hasiko da Zubietako errauste planta egiteko ‘swap’-ei buruzko epaiketa”
– Gara “Comienza el juicio por los «swaps» de la incineradora de Zubieta”
– Noticias de Gipuzkoa “Arranca el juicio por la financiación de la incineradora”

Europar Batzordeak Gipuzkoako Foru Aldundia gonbidatu du hondakinen alorreko praktika on gisa

2014-02-25  //  Aldundiak, Batzar Nagusiak, Europakoak, Plangintza, Politikariak  //  Iruzkinik ez

[Pello Zubiria Kamino] Kronikatxo honi ipini diogu justu Gipuzkoako Foru Aldundiaren prentsa kabineteak bere webgunean ipinitako oharraren titulu bera: “Europar Batzordeak Gipuzkoako Foru Aldundia gonbidatu du hondakinen alorreko praktika on gisa” (gaztelaniaz “La Comisión Europea invita a la Diputación como buena práctica en gestión de residuos“). Bertan azaltzen da apirilaren 7an eta 8an, Hannoverren, Ekoberrikuntzaren 16. Foroa egingo da, Europar Batzordeak eta Alemaniako Gobernuak antolatuta eta apirilaren 7an Ekonomia zirkularraren erronkari aurre egitea: kasu-azterketak izenekoan parte hartzeko gonbitea jaso duela Foru Aldundiak. Hondakinak kudeatzeko Gipuzkoako planaren eta Hernaniko esperientzien berri eman dezan gonbidatu du Europar Batzordeak Gipuzkoa. Hori da albiste bat.

Baina kointziditu bigarren albiste batekin: Iñaki Errazkin diputatuak azalpenak eman ditu, EAJren eskariz, Gipuzkoako Batzar Nagusietan Europak Gipuzkoako planak ikertu behar dituela-eta. Agerpen hau loturik dator Izaskun Bilbao diputatu jelkideak Europako Legebiltzarrean egindako galderarekin eta hori Europako Ingurumen komisarioak emandako erantzunarekin: “Zer galdetu zuen Izaskun Bilbaok Estrasburgon eta zer erantzun zioten?” albistean azaldua dugu funtsa.

Testuingurua esplikaturik, hona hemen hedabideek bi albisteen inguruan plazaratutakoak:
– Berria “Errazkin zaborrei buruzko saio batean arituko da, Europak gonbidatuta”
– Gara/Naiz “Bruselak Gipuzkoako Aldundia gonbidatu du, hondakinen alorreko praktika egoki gisa”
– Diario Vasco “La Diputación solicita una reunión a la Comisión Europea para explicar su plan de residuos“, “El PNV denuncia que Bildu «ha ocultado a Europa» que sus decisiones sobre residuos no tienen el respaldo de las Juntas“, “Asturias regala 9.000 toneladas de compost por sobreproducción de sus plantas“, “La Diputación considera que Europa ‘no duda’ de su plan de residuos” (ez dago libre Interneten)
– Noticias de Gipuzkoa “La oposición pide que se aplique la Ley de Transparencia a la gestión de los residuos” [konparezentziaren bezperan egunkari honek elkarrizketatu du Errazkin: “No podemos quedarnos parados; el reciclaje ya no es una opción, es un deber cívico“]
– EITB “Errazkin:’Bildu no ha ocultado nada a la CE sobre gestión de residuos’”
– El Pais “Errazkin defiende que Europa avala su plan de residuos“

Donostian Hondakinen Bilgunea sortu dute Zero Zabor bidean

2014-02-25  //  Sailkatugabeak  //  Iruzkinik ez

Berriak zabaldu duenez, “Abian da Donostia zero zabor hiria bilakatzeko bilgunea“. Urtzi Urkizuk informatu duenez, honakoak dira Hondakinen Bilgunearen hasierako antolatzaileak: “Donostia Bizirik, Añorga Bizirik, Antigua Zero Zabor, Martuteneko Auzo Elkartea zein Parte Zaharreko eta Egiako talde bana”. Talde berriak bere iritzia azaldu du berrikitan udalak 5. edukiontzia hiri osora zabaltzeko hartutako erabakiari buruz: “‘Bilduren eta PSE-EEren artean adostutako sistemak ez gaitu konbentzitzen’, azaldu zuen Zugazagastik. ‘Denetarik bota daitekeen edukiontzia ez da kaletik kenduko, eta zaborra hor botatzeko aukera emango dio birziklatu nahi ez duenari. Argi ikusten dugu edukiontzi horrek ezin duela bere hartan iraun'”. Donostiako Bretxa azoka ondoko edukiontzi bat hustu eta barruan nahasirik zeramatzan zaborrak sailkatuz egin zuten aurkezpeneko ekitaldia.

Albistea bera Irutxuloko Hitzan Agurtzane Altunak titulatu du “Konposta egiteko guneak eskatu dituzte auzo guztietarako“, antolatzaileen filosofia honela laburbiltzeko: “Duela bi aste Donostiako Udalak auzo guztietarako edukiontzi marroiaren ezarpen egutegiaren aurkezpena egin zuen. Bilgunearen ustez ezinezkoa da borondatezko sistema baten bidez aurreikusitako %60ko birziklatze tasara iristea. Euren ustez, Amara, Gros eta Gipuzkoako beste hainbat herritan frogatu den moduan bilketa sistema honen bidez hondakinen erdia ere ez da sailkatzen. Hala ere, bilgunea osatzen duten herritar bakoitzak bere eremuan edo auzoan, ahalik eta emaitza onenak lortzeko ahaleginak egingo dituztela adierazi dute. Helburua %60ko balio hori gainditu eta Gipuzkoako hainbat herriren birziklatze tasa altuetara iristea izango delarik. Horretarako, hemendik aurrera neurri zuzentzaileak, alternatibak, aldaketak eta proposamenak egingo dituzte, eta neurri horiek gauzatzen lagundu”.

Aurkezpen ekitaldia bideo honetan erakutsi dute Donostiako Hondakin Bilgunekoek.

Legazpin sistema mistoa emaitza onak ematen ari dela diote agintariek

2014-02-25  //  Sistema mixtoa, Udalak  //  Iruzkinik ez

[Pello Zubiria Kamino] Legazpin sistema mistoa (derrigorrezko birziklatzea, errefusaren bilketa atez ate, organikoa atez ate bezala edukiontzi marroi handian, gainerako atalak kaleko edukiontzi handietan) emaitza oso onak ematen ari dela azaldu dute prentsaurrean herriko alkate Kepa Urzelaik eta Sasieta mankomunitateko kudeatzaile Iñaki Erauskinek . Diario Vascok bildu du informazioa “El sistema mixto está logrando los objetivos fijados” eta Hitzak “Sistema mistoari esker gaikako bilketa %78ra igo da Legazpin” albisteetan.

Hona informazioaren datu nagusiak. Bilketa garestiagoa izan arren, dena kontutan harturik Legazpik 12.000 euro aurrezten ditu sistema berriarekin hilero… urtean 130.000 euro. Aurreztearekin batera birziklatze tasak bikoiztu egin dira. Gaikako bilketan %78a harrapatu dute Legazpin. Eta, azken datua, badira oraindik familiak errefusarentzako kubo grisa jaso ez dutenak; hauekin ahalegin berezia egitera doa udala, gaikako bilketa azkenean orokortu eta birziklatze tasak oraindik hobetu daitezkeelakoan.

Erreakzioetan sartuta, PSEk erantzun du garbi geratu dela Atez Atekoa garestiagoa dela (informeak gezurtatu arren) eta bostgarren edukiontziak funtzionatzen duela (ahazturik Legazpin organikoaren bereizketa derrigorrezkoa dela eta errefusarentzako edukiontzi handi libreak desagertu direla).

[2014-02-26, eguneraketa] Sasietak laburbildu du egoera “Bilketa mistoaren balantzea Legazpin. Lehen hiruhilabetea” azalpen grafikoan (Legazpi Atez Ate Bai elkarteak Interneten ipinia).

Garbia plataformak herri galdeketa egin du Eskoriatzan

2014-02-24  //  Atez atekoa, Bost kontenedore, Gizarte eragileak, Udalak  //  Iruzkinik ez

[Pello Zubiria Kamino] Eskoriatzan atzo igandez, 23, burutu da Garbia plataformak Atez Atekoaren kontra antolatutako herri galdeketa. Zein izan dira emaitzak? Adi Kazetaritza fakultateko teoria irakasle eta ikasleok. Ikusi, hasteko, hedabideon titularrak. Noticias de Gipuzkoak  dio: “El 98% de los votantes se oponen al ‘PaP’ en Eskoriatza“. Erredakzioko buruek ez dute pittin bat behartu votante kontzeptua titular horretan? Dio Diario Vascok: “El 97,9% defiende el quinto contenedor en la consulta ciudadana de Eskoriatza“. Baina zeren 97,9% ote da?

Goienara jo dugu argitasun eske: “Hondakinen galdeketan 419 boto jaso dituzte Eskoriatzan, ia denak bosgarren edukiontziaren alde“.  Hauek kontuz dabiltza, asuntoak arantzatsua izan behar du. Eskerrak lehenbiziko paragrafoan aklaratzen digun dena Txomin Madinak: “Eskoriatza Garbia plataformakoek osatutako 1.056 pertsonako zerrendatik 419k, hau da, %39,7ak hartu du parte gaur Eskoriatzan hondakinen bilketa sistemaren inguruan egindako galdeketan. Botoa eman dutenek atez atekoaren eta bostgarren edukiontziaren artean aukeratu behar izan dute, eta gehiengoak bostgarren edukiontziaren alde egin du: 410 boto denera, jasotakoen %97,9. Bederatzi pertsonak egin dute atez atekoaren alde”.

Ostegunetik Atez Atekoa Pasai Antxon

2014-02-24  //  Atez atekoa, Udalak  //  Iruzkinik ez

Pasaiako udalak jakinarazi du beharrezko materialen banaketa amaitu ondoren ostegunean, otsailak 27, hasiko direla Pasai Antxon hondakinak atez ate biltzen. Iaztik sistema horretan ari dira Donibaneko 2.300 inguru biztanleak eta orain gehituko zaizkie Antxoko 4.700 gehiago.

Xehetasun gehiago hedabideotan:
– Hitza “Ostegunean hasiko dira hondakinak atez ate biltzen Pasai Antxon”
– Diario Vasco “El puerta a puerta se pondrá en marcha el próximo jueves en Antxo“, “En plena cuenta atrás para el PaP“

Hondakinen eztabaida piztu da Bizkaian

2014-02-22  //  Bizkaia, Plangintza, Zabalgarbi  //  Iruzkinik ez

[Pello Zubiria Kamino] Inork uste bazuen hondakinen ingurukoa eztabaida giputz bat zela, azken egunotan Bizkaitik iritsi diren albisteek erakutsi diote ezetz. Ekologistak Martxan elkarteak plazaratutako azterketak mugitu ditu erabat bare ziruditen urak, azalduz Zabalgarbik legez dagokiona baino gehiago kutsatu duela, energiaren aldetik efizientziarik ez daukala eta bere eskoriak eta errautsak barreiatzen dituela Bizkaian dauden dozena erdi hondakindegitan barrena. Gero etorri dira bateko eta besteko erantzunak, eta atzo bertan, ostirala 21, Iosu Madariaga Ingurumen diputatuaren azalpenak… eta erasoak.

Atzo Madariagak esandakoaz kronika mamitsuak azaldu dituzte Berriak (“Bizkaian hondakindegietara bidalitako zabor kopurua gutxitu du TMB plantak“), Garak (“La Diputación de Bizkaia busca la polémica en la gestión de residuos” eta Deiak (“Bizkaia alcanza el objetivo europeo del 50% de reciclaje“), azken bi hauek pagatu gabe leitu ezinezkoak. Deiak egun pare bat lehenago Iosu Madariagaren posizioa aurreratu zuen “Iosu Madariaga destaca que Bizkaia cumple los objetivos con los residuos” albistean. ElDiarioNortek ere dedikatu dio albistea gaiari: “El Gobierno constata problemas con los residuos de Zabalgarbi pero descarta contaminación“.

Garak tituluan aurreratu eta kronikan landu duena, alegia Madariagak mesprezatu duela Gipuzkoako Foru Aldundia egiten ari dena  hondakinekin, berretsi du Diario Vascok: “Bizkaia considera una «ensoñación» el plan de residuos de Bildu“. Ez da berria, aurretik Josu Bilbao aldun nagusiak berak eta Iñaki Azkuna Bilboko alkateak esan izan dituztenak ezagututa. Baina oraingoak polemika berpiztuko du, eta Bizkaia eta Gipuzkoaren arteko talka baino EAJren eta EHBilduren ereduen arteko alderaketa egongo da mahai gainean. Alternatiba alderdiak grafiko honetan bildu ditu EAJren eta EHBilduren bi ereduen arteko aldeak.

Prentsak Iosu Madariagatik bildu dituen kroniketatik aurreikus daitezke ondoko egunetako zenbait eztabaida.  Bi aipatzearren. Bata, Maite Asensio Lozanok Berriako kronikaren azken paragrafoan dioen hau, Bizkaiko TMB berriaren emaitzak direla eta: “Aldundiaren arabera, zenbateko hori gainditu zuen birziklatutakoak: 278.362 tona, hondakinen ia %46 —datu horren barruan sartu dute erraustean balioztatutakoaren zati bat— “.   Ikusiko da nola ezkontzen den hori guztia Deiak tituluan iragarritako %50eko birziklatzearekin: “Bizkaia alcanza el objetivo europeo del 50% de reciclaje“.

Bigarrena, ElDiarioNorteren kronikaren azken esaldiak aurreratzen duen nobedadea: “Otra de las críticas del informe de los ecologistas se refería a que Zabalgarbi funcionó de manera ilegal al no cumplir el índice de eficiencia energética para una instalación generadora de energía. El hecho de que produzca electricidad a través de residuos le posibilita no tratar previamente esos desechos que son quemados. El Gobierno asegura que desde octubre existe una nueva legislación sobre esta materia, por lo que ahora se está estudiando si la incineradora debe catalogarse como una instalación es de valorización energética de residuos o de eliminación de residuos. La diferencia es sustancial, ya que en el segundo caso obliga a un tratamiento previo de los desechos, que ahora Zabalgarbi no realiza“. Alegia, Eusko Jaurlaritzak berak oraingoz ez daukala garbi Zabalgarbiren efizientzia energetikoa, hori ez argitzeak dakartzan ondorio guztiekin.

Azkenik, baina ez garrantzia gutxiagorekin, Gipuzkoako Foru Aldundiak aurkeztu duen plan berriari hedabide nagusietatik eraso zaionez hondakindegi berrien gaiarekin (Noticias de Gipuzkoa: “Errazkin no concreta la ubicación del vertedero de inertes“, “¿Qué supone la inertización?“, [editoriala]“Más vertedero”…), Bizkaian zenbat eta nolako hondakindegiak dauden ezagutu izanak beste maila batean kokatuko du eztabaida hau.

Azkoitian sistema mistoa ezartzea aztertzen ari dira

2014-02-21  //  Sistema mixtoa, Udalak  //  Iruzkinik ez

Noticias de Gipuzkoak zabaldu duenez (“Azkoitia apuesta por un sistema mixto para la recogida de residuos. La fracción resto se recogerá mediante el ‘PaP’ y los demás residuos con contenedores“), Azkoitiko (11.492 biztanle)hondakinen mahaiak erabaki du herrian ezarriko dela Ataunen eta Ormaiztegin jarriko den sistema bera: Atez Ateko mistoa. Hau da, atez ate ezarritako zintzilikarioetan errefusa, gainerakoak kalean utzitako edukiontzi handietan. Zehazkiago: gaikako bilketa derrigorrezkoa da, edukiontzi berde handia desagertzen da, kaleko edukiontzi handietan biltzen dira bereizirik ontzi arinak (horia), beirakiak (berdea), paperkiak (urdina) eta organikoa (marroia) eta, aldiz, azken errefusa astean behin familia bakoitzak dagokion zintzilikario pertsonalizatuetan laga behar du. Helburua da aurten bertan hondakinen %70tik gora eta bi urteren buruan %80-85 gaika biltzera iristea.

Biharamunean Diario Vascok ñabarduraz osatu du albistea: “EA de Azkoitia se desliga de cualquier tipo de recogida de basura puerta a puerta. Bildu señala que todavía no hay decisión al respecto. El modelo acordado podría combinar el PaP para la basura con el resto de contenedores“. Beraz, eta Zero Zabor blog honek duela minutu gutxi tituluan ezarri duena zuzenduz, oraindik ez dago erabakita Azkoitian ezarriko den hondakin bilketa sistema berria.

Pasai Antxon bi egunetan herritarren %75 jaso du Atez Atekorako materiala

2014-02-20  //  Atez atekoa, Udalak  //  Iruzkinik ez

Pasai Antxon aste honetan banatzen ditu udalak herritarren artean hondakinak Atez Ate biltzeko beharrezko materialak, kuboak eta beste. Prentsak zabaldu duenez oso erritmo bizian doa banaketa. Ikusi xehetasunak:

– Hitza “Bi egunetan antxotarren %75etik gora jaso dute bilketa selektiborako materiala“, “Hondakinak gaika biltzeko gailuak, herritarren eskuetan“, “Materiala ez jasotzeko deia egin du Pasaia Garbiak“, “PSE-EEk atez atekoaren kontra protestatzera deitu ditu pasaitarrak”
– Diario Vasco “Más del 75% de los antxotarras convocados ayer recogió los materiales del PaP. Partidarios y detractores coincidieron en el reparto llevado a cabo por Bildu en la Kultur Etxea“, “Espero que no sea muy difícil“, “El 95% de los vecinos recogerá los materiales del PaP esta semana“, “Enredados con el turismo de basura”
– Noticias de Gipuzkoa “Eskalantegi juega a la picaresca. El ‘puerta a puerta’ y los contenedores convivirán dentro de poco en esta calle, con una acera perteneciente al Ayuntamiento de Pasaia y otra a Donostia“