‘Pig Idea’, txerri-jana bota ez baina horrekin urdeak bazkatzea aldarrikatuz

2013-12-05  //  Prebentzioa  //  Iruzkinik ez

Karolina Webben argazkian, Tristam Stuart hondakinetan aditua eta Thomasina Miers sukaldaria Stepney City Farm etxaldean, Londres erdian, urdeak bazkatzen Wahaca jatetxeetan sobratutako ogi, barazki eta bestelako hondarrekin.

Aste honetako ARGIA astekarian Net Hurbilek landu du “‘Pig Idea’ Londrestik: txerri-jana zergatik alferrik galdu”. Azaroaren 21ean txerri-jana izan da Londresko Trafalgar Squaren, Pig Idea egitasmoak deiturik. Herritarren hondakinez hazitako urdez okela dastatuz aldarrikatu dute jakien soberakinez aziendak bazkatzea, txerriak zehazki baina oiloak ere bai. Ingurumenaren, laborarien eta batik bat munduko gosetien mesederako delakoan. (…) Pig Idea sortu zuten Tristam Stuart elikadura xahuketaren aditu eta salatzaile ezagunak eta Thomasina Miers sukaldariak, oso famatua Ingalaterran telebistako programengatik eta jaki mexikarretan bereizitako Wahaca jatetxeen jabea delako. Trafalgar Squareko bazkaritarako chef famatu gehiago bildu zitzaien. Xehe blogean eskuragai daude ekitaldiko argazki gehiago eta baita jakien soberakinentzako soluzio hau sustatzen duten zenbaiten loturak ere.

Janari sobranteekin festa Bartzelonako Poblenoun

2013-12-05  //  Europa, Prebentzioa  //  Iruzkinik ez

Abenduan, Eguberrien atarian, txirotasunean bizi direnen elkartasunez elikagai bilketak egiten dira mundu osoan, janari banku eta bestelakok koordinaturik. Zakarretara doazen jakien arazoa, ordea, askoz urrutiago doa, urrairen 9an Bartzelonako Poblenou auzoan erakutsi zutenez: kaduzitate epea gainditua edukitzeagatik edo bestelako arrazoiengatik bazterturik zakarretara kondenatutako 300 kilo janarirekin “Dinar de sobrats” (Soberakinezko bazkaria) banketea egin zuten karrikan, operazio berean auzoko janari bankuarentzako 200 kilo gehiago biltzeaz gain. Elikadura xahuketa salatu zuten horrela herritarrek: “Perquè a Catalunya, cada any més de 260 mil tones de menjar acaben a les escombraries, menjar suficient per alimentar 500.000 persones durant un any“.

‘Dinar de sobrats’ Bartzelonako Poblenoun. (Argazkia: No llencem ni mica)

Sozialistek herriz herri kontabilizatu dituzte errauskailuaren kalte-ordainak

2013-12-05  //  Ekonomia, Gipuzkoa, Politikariak  //  Iruzkinik ez

Gipuzkoako PSEk herriz herri kontabilizatu ditu Zubietako errauskailua gelditzearen truke eraikitzaileei ordaindu beharreko kalte-ordainak, prentsak tantaka azaltzen dituen albisteek erakusten dutenez (kronika guztiak Diario Vascon azalduak dira:
– Donostia “El PSE asegura que ‘paralizar la incineradora costará a San Sebastián 2,5 millones’”
– Pasaia “El PSE denuncia que Pasaia pagará 222 mil euros por la incineradora”
– Urretxu “Los vecinos de Urretxu deberán abonar 93.231 euros por la incineradora”
– Beasain “El PSE denuncia que los beasaindarras ‘pagarán 172.500 euros a las constructores de la incineradora’”
– Debabarrena “El acuerdo de la incineradora obliga a la comarca a pagar un millón de euros”
– Azkoitia “Azkoitia pagará 143.431 euros a las constructoras de la incineradora”
– Andoain “Láinez dice que paralizar la incineradora costará más de 190.000 euros a Andoain”
– Arrasate “El municipio de Arrasate deberá abonar 343.266 euros, que según el PSE-EE”
– Ibarra “El PSE dice que ‘paralizar la incineradora costará casi 56.000 euros vía impuestos a los ibartarras’”

[Eguneraketa 2013-12-05]

– Orain arteko mozio gehiago herrika: Urnieta, Mendaro, Aretxabaleta, Zumaia, Errenteria, Legazpi, Elgoibar, Zumarraga…
– Pello Zubiria Kaminoren iritzia ARGIAn “Zabor etikoa“

Eibarren hondakinen tasa %20 igoko zaie 5. edukiontzian ez daudenei

2013-12-04  //  Bost kontenedore, Udalak  //  2 iruzkin

Eibarko udalak jakinarazi du hamabost egun urritan 1.000 familia berrik eman dutela izena organikoarentzako edukiontzi marroiaren giltza (urtarriletik aurrera txipa izango dena) eskuratzeko. 5. edukiontziaren giltzarik jaso ez dutenei tasa %20 igoko zaiela iragartzeak ekarri du, antza, emaitza osasuntsu hori. Udalak, bestalde, herritarrei jakinarazi die denei komeni zaiela ahalik eta organiko gehien era berezian biltzea, gero GHKk bildutako hondakinei bi prezio jartzen dizkielako: zabor nahasia herritik eramateagatik 142 euro pagatu behar dio udalak, aldiz, organikoa entregatuz gero 72 euro. Albistea Diario Vascok zabaldu du: “La Mancomunidad consigue 1.000 adhesiones al quinto contenedor en quince días“

Baztanen auzo-konpostaren emaitza atera dute azaroaren 25ean

2013-12-04  //  Auzolaneko konpostaketa, Ekitaldia, Mankomunitateak  //  Iruzkinik ez

Ttipi-Ttapak azaldu duenez, Baztango Udalak auzo-konposta egiteko haranean dauden hiru guneetako batean, konposta ateratzeko eguna antolatu du lehen aldiz. Jardunaldi hori Elizondoko Baztan Berriko aldean egin zen joan den astelehenean, azaroaren 25ean, martxan paratu eta 8 hilabetera. Albistea xehetasunez: “Konposta ateratzeko eguna egin da lehen aldiz Baztanen azaroaren 25ean“.

Arrasaten hitzartu dute 2015eko udan iristea gaika %70 biltzera

2013-12-02  //  Bost kontenedore, Udalak  //  Iruzkinik ez

Arrasateko udalak antolatutako hondakinen mahaiak adostasuna lortu du hondakinen kudeaketa sistema berriaren inguruan. Urte bete barru, 2014ko bigarren seihilekoan, ekingo diote gaurko edukiontziei beste bi gehitu (bat errefusarentzako, bestea organikoarentzako, oraindik zehazteke dagoen kontrol sistemaz kudeatuko direnak) eta borondatezko sistemarekin bederatzi hilabetetan gaikako bilketa %70era ailegatzeko ahaleginari. Hau da, 2015ko udan erabakiko duela udalak, esan nahi baita 2015eko udal hauteskundeetatik aterako den udalbatza berriak, ea aski lortu dituen gaur markatutako helburuak ala atez ateko bilketari ekin behar dion. Arrasaten Bilduk agintzen du gehiengo osoz (11 zinegotzi), ondoan dituela EAJren 4 zinegotzi, PSEren 4, eta Aralar eta PPren bana.

Albistea xehetasun guztiekin ezagutzeko:

– Mondraberri “Hondakinen Mahaiak adostutako akordioaren nondik norakoak azaldu ditu“, “Arrasateko PSE-EEk dio Bildu eta EAJ-PNVren arteko akordioa ‘tranpa hutsa’ dela”
– Goiena “2014ko bigarren seihilekoan abiaraziko dute hondakinak batzeko sistema berria Arrasaten” (bideo eta guzti), “Edukiontziak mantenduko dira Arrasaten hiri hondakinak jasotzeko, %70 gaika biltzea lortzen bada”
– Berria “Sistema kontrolatua duten edukiontzien bidez bilduko dituzte hondakinak Arrasaten”
– Diario Vasco “El quinto contenedor para orgánico llegará en otoño del año que viene”
– Noticias de Gipuzkoa “Arrasate implantará los contenedores gris y marrón en el segundo semestre de 2014“

‘Nik ere gelditu dut’ festa antolatu du Gipuzkoa Zero Zaborrek 29rako

2013-12-02  //  Ekitaldia, Errausketa, Gipuzkoa, Gizarte eragileak  //  Iruzkinik ez

Gipuzkoako Zero Zabor elkartea abenduaren 29rako antolatzen ari da Zubietako errauste plantaren asmoa bertan behera geratu izana ospatzeko festa. Usurbilen egingo den jaialdiari “Nik ere gelditu dut” ipini diote izenburu. Albistearen xehetasun gehiago ezagutzeko, ikusi:

– Noaua “‘Nik ere gelditu dut’ jaialdia, abenduaren 29an Usurbilen”
– Berria “Errauste plantarik egingo ez dela ospatzeko, jairako deia”
– Gipuzkoa Zero Zabor “Nik ere gelditu dut: GZZren irakurketa eta ZZ taldeen deialdia”

Gipuzkoako Zero Zabor taldeak abenduaren 29rako deialdia egiten (Argazkia: GZZ)

Baionako Canopia TMBa publikoari erakutsi diote larunbatean

2013-12-02  //  Iparraldea, TMB  //  Iruzkinik ez

Dagoenekoz bukatzen ari dira Baionako ipar aldean Bil ta Garbi mankomunitatea hondakinak tratatzeko eraikitzen ari den Canopia. Larunbatean, azaroak 30, ate irekien eguna egin dute, hurbildu diren herritarrei erakusteko TMBaren funtzionamendua. Garak “Zaborrak mekano biologikoki bereizteko lantegiak ateak zabaldu ditu Baionan” titulatu du kronika. Duela pare bat hilabete Sud-Ouest egunkariak erreportaje honetan kontatu zuen orduan bere kazetariek egindako bisita gidatua.

Lezon hondakinetan aurreztu 200.000 euroen zati bat gizarte gaietarako

2013-11-30  //  Atez atekoa, Ekonomia, Udalak  //  Iruzkinik ez

Lezoko udalak 2014rako aurrekontuak aurkeztu dituenean, azaldu du Atez Atekoari esker udalak 200.000 euro aurreztu dituela eta horien zati bat gizarte gaietan inbertituko duela. Albistea Hitzan irakur daiteke osorik: “Atez atekoarekin lortutako 200.000 euroko aurrezkiaren zati bat, gizarte gaietan inbertituko du Lezoko Udalak“

Errauskailua itxi osteko erreakzio gehiago

2013-11-29  //  Errausketa, Gipuzkoa, Politikariak  //  Iruzkinik ez

Jarraitzen dute plazaratuz GHKk Zubietako errauskailu asmoa lurperatu ondorengo erreakzio gehiago, nagusiki alderdi politikoen aldetik. Hona azken egunotako batzuk:

– Denis Itxaso (PSE) “Bildu quiere perpetuar la vida de los vertederos hasta que revienten” (DV)
– Juan Carlos Cano (PP) “La basura a la Diputación se la trae al pairo, solo quería parar la incineradora” (DV)
– “Alcaldes y concejales del Goierri y Urola denuncian el «ocultismo» de Bildu sobre los vertederos y el PaP” (DV)
– Bildu “Vamos a poder gestionar mejor los residuos”
– Xabier Ezeizabarrena (EAJ) “Bildu nos lleva al peor escenario en el problema de los residuos”
– Zumarragako Bildu “A los zumarragarras la construcción de la incineradora nos hubiera costado 9 millones“