Azkoitiko hondakinen mahaiak lanak bukatuta, orain erabaki politikoen zain

2013-07-09  //  Udalak  //  Iruzkinik ez

Azkoitiko udalak antolatutako hondakinen mahaiak azken bilera egin zuen ekain bukaeran. Gaia gertutik jarraitu duen Hitzak “Ehuneko 70eko birziklatze tasa bermatuko lukeen eredua proposatu du lan taldeak” titulua eman zion azken adostasunen kronikari. Mahaiak bide-orri osoa adostu du, Hitzaren arabera:

“Hondakinen inguruko hainbat puntutan ados jarri ziren bertaratu zirenak, eta haien ustez bilketa ereduak bete beharko lituzken irizpideen inguruko proposamena helarazi zioten Azkoitiko Udalari. Hondakin bilketari dagokionean, lantaldeak adostu du beste eredu bat ezarri beharko litzatekeela hurrengo urterako. Izan ere, taldearen ustez, 2014tik aurrera Azkoitiko birziklatze tasak %70ekoa izan beharko luke.

Gainera, tasa hori hurrengo bi urtetan %80 eta %85 bitartera igo beharko litzatekeela nabarmendu du, eta hala izan ezean, «neurri zuzentzaileak» hartu beharko liratekeela ondorioztatu. Taldeko kideen iritziz, sistema berriak gaika bildutako hondakinen «kalitatea bermatu» beharko luke, eta eredu berri horrek «errefusari ateak itxi» beharko lizkioke.
Bilketa ereduaz gain, beste hainbat puntu ere jorratu zuen taldeak. Hondakinak gaika biltzea «herritar guztien betebeharra» izan behar lukeela adostu zuen, batetik. Bestetik, gaiaren inguruko sentsibilizazioa herriratzeko prebentzio politikak «beharrezkoak» izan beharko luketela nabarmendu du. Adostutako ezaugarri horiek betetzeko dituen eredua zehazterako orduan, gainera, «irizpide teknikoak» hartu beharko dira kontuan, taldekideen arabera”.

Geroztik Azkoitian izan diren erreakzioak:
Hitza “Hondakinen inguruan «ados jartzera» deitu ditu Azkoitiko Bilduk beste talde politikoak“, “Azkoitian auzokonpostak izan duen erantzuna dela eta, gunea handitu egin dute”
Noticias de Gipuzkoa “Azkoitia Bai critica que el grupo contra el ‘PaP’ no esté en la mesa de residuos“

Normaltasun osoz joan da Atez Atekoaren lehen eguna Sakanan

2013-07-09  //  Atez atekoa, Auto-konpostaketa, Auzolaneko konpostaketa, Mankomunitateak  //  Iruzkinik ez

Sakanan kontainer zaharrak eramaten (Argazkia: Sakanako Mankomunitatea)

Atzodanik, uztailak 8, beren hondakinak gaikako bilketa orokortuan kudeatzen dituzte Nafarroako Sakana eskualdeko 8.700 biztanlek. Atzo “Gaurtik Nafarroako Sakana Atez Ate” kronikan azaldu bezala, herri batzuek funtziontuko dute Gipuzkoako Orendainek estreinatutako herri txikien ereduarekin (organiko guztia herrian bertan konpost bihurtuz) eta gainerakoek Atez Ate. Sistema berriaren lehen eguna oraingoz kontatu dute Berriak (“Atez ateko bilketarekin hasi dira Sakanan, aurkako iritzi nabarmenik gabe“, “Aitor Karasatorre: ‘Atez atekoari esker, jada sortu ditugu lanpostuak’“) eta Garak (“Sakana acoge con normalidad la implantación del puerta a puerta“).

Amasa-Villabonan Atez Ateko bilketaren lehen egunak eman duena

2013-07-09  //  Atez atekoa, Politikariak, Udalak  //  Iruzkinik ez

Amasa-Villabonan Atez Ateko bilketaren lehen eguna (Argazkia: Aiurri)

Astelehenean, uztailak 8, Amasa-Villabonan lehenbiziko aldiz Atez Ate bildu dira hondakinak. Goizeko 11:30etan, Txermingo ikastolaren ondoan, prentsari argibideak eskaini dizkiote Galder Azkue Amasa-Villabonako alkateak, Amaia Azkue Tolosaldeko Mankomunitateko ordezkariak, eta Ainhoa Iraola Gipuzkoako Foru Aldundiko Ingurumen eta Obra Hidraulikoetako zuzendariak. Argazkilariek fototan bildu ahal izan dute langileek organikoa jaso duten estreinako aldia. Bertan izan da Marian Beitialarrangoitia EHBilduko legebiltzarkide eta Hernaniko alkate ohia, zeinak dei egin baitie beste alderdiei hondakinen afera borroka politikoaren alorretik ateratzera: “Errauste planta eraikitzeko dituzten interes horiek gailenduz, ikusten dugu eztabaida zein parametrotara eraman nahi duten. Ez gara gu eztabaida bide horietara eraman nahi dugunak, eta gainerako indar politikoak ere elkarrizketa eta negoziazio lasaira deitu nahi genituzke”.

Albistea prentsan:
Aiurri “Atez atekoaren hasiera ofiziala”
Hitza “Atez ateko lehen bilketa egin dute Amasa-Villabonan“, “Patxi Amantegi: ‘Gu beti egongo gara inork ezer erretzearen eta puskatzearen aurka’“, “Zero Zabor Taldea: ‘Guretzat gaurkoa izan da egun garrantzitsua’”
Diario Vasco “El PNV condena la quema de contenedores en Villabona y critica el «cinismo» de Sortu”
Noticias de Gipuzkoa “Recogida ‘mixta’ de residuos” (barruko titularra hobeto dago: “Zizurkil, Irura, Anoeta y Alegia reciclan el 70% de sus residuos urbanos con el ‘puerta a puerta‘”

Herri galdeketez GZZen iritzia

2013-07-08  //  Sailkatugabeak  //  Iruzkinik ez

Gipuzkoa Zero Zabor koordinakundeak idatziz eta bideoz zabaldu du Gipuzkoako zenbait herritan burutu berri diren herri galdeketei buruzko bere iritzia: “Sasi-galdeketen inguruan GZZren adierazpena“

Ainhoa Intxaurrandieta, GHKko presidente berria, ‘Berria’n mintzo

2013-07-08  //  Partzuergoa  //  Iruzkinik ez

Gipuzkoako Hondakinen Kudeaketa (GHK) partzuergoaren presidente berria den Ainhoa Intxaurrandieta lezotarrak elkarrizketa luzea eskaini dio Berria egunkariko Ainara Arratibel Gasconi.  “Errauste plantaren proiektua itzulezin egin nahi dugu” tituluaren ostean bere agintaldiaren ardatz nagusiak azaldu ditu Intxaurrandietak: Gipuzkoako hondakinen estrategia berriak aurreikusitako azpiegiturak eraikitzea, herrialdea Zero Zabor lurralde bihurtzea…

Gaurtik Nafarroako Sakana Atez Ate

2013-07-08  //  Atez atekoa, Auto-konpostaketa, Auzolaneko konpostaketa, Mankomunitateak  //  Iruzkinik ez

Auzokonposterako etxola sakandarra (Arg.: Sakanako Mankomunitatea)

Gaur abiatzen da hondakinen Atez Ateko bilketa Nafarroako Sakana eskualdean. Dagoeneko ibar hori bilakatu da hondakinen kudeaketa onaren erreferente ingurukoentzako, oraindik zalantzatan dauden Altsasu eta Irurtzun ez beste herri guztiak Zero Zabor ereduan abiatuak baitira. Eskualdean bertan, Olatzagutian, Nafarroako gobernuak herrialdeko zabor guztiak porlan fabrikan erretzeko asmoek izango zuten eragina aldaketa honetan, baina baita ere lekuko zenbait agintari eta ekintzaileren konpromisoak ere.

Atez Ateko sisteman hasiko dira Sakanako Uharte Arakil, Lakuntza, Arbizu, Iturmendi, Bakaiku, Urdiain eta Olatzagutian; Zero Zabor herri txikien ereduan (hondakin organiko guztia auto- edo auzokonpostean kudeatuz), berriz, Arakil, Irañeta, Arruazu, Ergoiena eta Ziordian.  Gipuzkoako herri eta mankomunitateetan sortu dena baino zalaparta gutxiagorekin burutu dute Sakanan sistema finkatzeko herritarren parte hartze prozesua. Agintariek, gainera, erakutsi dute proiektua bezala aurkezteko era ere ondo bertakotzeko ahalmena: estetikan aldaketak egin dituzte, hizkera eta argudioak egokitu, materialetako asko bailaran bertan sortu, dagoenekoz famatuak egin dira multzokako konpostgintzarako Sakanan darabiltzaten zurezko etxolak… 1980eko hamarkadan Iruñerria aitzindaria izan bazen hondakinen gaikako bilketa eta kudeaketan, LARRUNen Alfonso del Valek azaldu zuenez, Sakanako herriak jarri dira abangoardian 2013ko San Fermin bigarrenean.

Informazioa osatzeko:
“Nafarroako Parlamentuko ingurumen batzordea Sakanako sistema ezagutzen”
“Karasatorrek defenditu du Atez Atekoak enplegua sortzen duela Sakanan”
“‘Atez atekoak jendeari konfiantza emango dio gauza berriak egiteko‘”

Amasa-Villabonan Atez Atekoa abian eta edukiontziak sutan

2013-07-08  //  Atez atekoa, Atez Atekoaren alde, Atez Atekoaren kontra, Sabotajea, Udalak  //  Iruzkinik ez

Igandean, uztailak 7, Amasa-Villabonako udalak abian jarri du hondakinen gaikako Atez Ateko bilketa. Lerrook idazteko unea arte prentsan ez da azaldu lehen egun horretako gorabeheren albisterik. Aldiz, plazaratu da bezperan ezezagunek su eman dietela zaborrentzako edukiontzi zaharrei herriko bi lekutan, bata Galder Azkue alkatearen atari aurrean. Sortu alderdiak sabotajearen erantzukizuna Eusko Alderdi Jeltzaleari egotzi dio. EAJk ohar batean gaitzetsi egin du edukiontziaren erreketa eta Sortuko Joxean Agirreren deklarazioak arbuiatu ere bai.

Xehetasun gehiago:
Aiurri “Igandean jarriko da martxan atez ateko bilketa sistema“, “Zaborrontziak erre dituzte Amasa-Villabonan”
Hitza “Edukiontziak erre dituzte Villabonan, atez ateko sistema martxan jartzeko egunaren bezperan”
Berria “Gipuzkoako EAJk Villabonan larunbatean edukiontziak erre izana gaitzetsi du”
Gara “Edukiontziak erre dituzte Villabonan gaur abiaraziko den atez atekoaren aurka”
Diario Vasco “Sortu culpa de la quema de contenedores en Villabona a ‘personas afines al PNV’”
Noticias de Gipuzkoa “Sortu culpa al PNV y a opositores al ‘PaP’ de quemar contenedores“

Segura atzodanik Atez Ate

2013-07-05  //  Atez atekoa, Gizarte eragileak, Udalak  //  Iruzkinik ez

Seguran hondakinak Atez Ate biltzen hasi dira uztailaren 4an. Hitzak “Hasi da Seguran atez ateko bilketa” eta “Atez atekoa martxan da Seguran” bideoa eskaini dizkio eta herriko Ernai gazte erakundeak “Kontenedore berdea” bideoa. Segurako alkate Eluska Gerrikok adierazi du bi urtez bosgarren edukiontziarekin %36ko birziklapen tasa lorturik, sistema berriarekin espero dutela %80ra iristea, 40 puntuko aldea.

Konposta ondo eta errez egiteko J.A. Galarraga biologoaren aholkuak

2013-07-05  //  Aurkezpenak, Dokumentuak  //  Iruzkinik ez

Jon Ander Galarraga biologoak Tolosaldeko eta Leitzaldeko Hitzan plazaratzen duen Bioaniztasunetik  atalean gomendio interesgarriak eskaini dizkie etxeko hondakin organikoak konpostatzen hasi nahi dutenei. Bere hiru artikkuluetatik hiru hautatu ditugu hemen, alde tekniko eta praktikotik balio handikoak direlakoan. (gehiago…)

Leintz-Gatzaga Zero Zabor herri txikien taldean sartu da

2013-07-05  //  Orendain eredua  //  Iruzkinik ez

Hondakinen bilketa-gunea Leintz-Gatzagan. (Arg.: Goiena)

Debagoieneko Leintz-Gatzaga (256 biztanle) Zero Zabor ereduan ari diren herri txikien taldean sartu da, Goienak “Hondakinen bilketa sistema berria Leintz Gatzagan” albistean bideo argigarriz hornituta jakinarazi duenez. Biztanle gutxi baina lur eremu zabalak dauzkaten herri txiki horietan hondakin guztiak gaika sailkaturik biltzeaz gain organikoa herrian bertan kudeatzen dute, auto- edo auzokonpost bidez. Orendainek bidea ireki zuenetik, Tolosaldeko Orexa, Elduain eta Altzo hasi ziren ildo beretik. Leintz-Gatzaga gehiturik, 1.201 gipuzkoar ari dira sistema honetan, bost udalerritan.

http://vimeo.com/69624558