Oñatiko 642 ikasle Zero Zabor tailerretan

2013-07-04  //  Ekitaldia  //  Iruzkinik ez

Goienak zabal duenez, Zero Zabor tailerrak burutu dituzte Oñatin Kristau Eskolaren lau ikastetxetan, tartean Oñatiko Elkar Hezin, eta Ikastolen Federazioaren hirutan egin dira aurten, Aranzadiko teknikarien gidaritzapean. 642 ikaslek parte hartu duten tailerrok Gipuzkoako Foru Aldundiak, Ikastolen Federazioak, Kristau Eskola elkarteak eta Aranzadi Zientzia Elkarteak antolatu dituzte.

Europako Batzordeari eskatu diote plastikozko zorroak debekatzea

2013-07-04  //  Kutsadura  //  Iruzkinik ez

Atzo, uztailak 3, plastikozko zorrorik gabeko egun izendatua, Zero Waste Europe, GAIA, eta Surfrider Foundation Europek Europako Batzordeari eskatu diote debekatu ditzala erabilera bakarreko plastikozko poltsak, horretarako. Hala jakinarazi dute antzolatzaileek “NGOs call on European Comission to ban sigle-use plastic bags during 2013 International Bag-Free Day” agirian.

Seguran gaur hasiko dira Atez Ate

2013-07-04  //  Udalak  //  Iruzkinik ez

Goierriko Seguran (1.477 biztanle) gaurtik hondakinak gaika sailkaturik Atez Ate bilduko zaizkie herritarrei.

Albistea osatzeko:
Diario Vasco “Hondakinen atez ateko bilketa gaur hasiko da Seguran organikoarekin”
Zero Zabor blog honetan “Seguran ontziak banatzen ari dira Atez Ateko bilketari uztailaren 4ean ekiteko“

Ordizian Atez Atekoa uztailaren 12an

2013-07-04  //  Atez atekoa, Udalak  //  Iruzkinik ez

Ordiziako udalak jakinarazi du Atez Atekoa herrian uztailaren 12an abiaraziko dutela. Albistea eman dute Hitzak (“Uztailaren 12an hasiko dira Ordizian hondakinak atez ate biltzen“) eta Sasiera mankomunitateak berak (“Hondakinak Atez Ate bilduko ditu Ordiziak ere uztailaren 12tik aurrera“).

Albiste gehiago:
Hitza “Atez atekoaz hausnarketa egin dezan eskatu diote udalari galdeketaren antolatzaileek”
Diario Vasco “La plataforma contra el PaP de Ordizia se felicita por el balance de la consulta“, “El puerta a puerta arrancará el día 12“

Oñatiarrak Atez Atekoaren lehen egunean

2013-07-03  //  Atez atekoa, Udalak  //  Iruzkinik ez

“Agur kontenedoreak-Ongi etorri atez ate” (Arg.: Oñati Zero Zabor)

Goienak kalean elkarrizketatu ditu Oñatiko zenbait herritar Atez Ateko bilketa ezarritako lehen egunean gauzak nola bizi izan dituzten jakiteko: “Arazorik ez Oñatin atez atekoaren lehenengo egunean”  eta “Oñatiarra atez atekoaren lehen egunaz” bideoak prestatu ditu. Bestalde, Oñatiko udalak ezarpenaren balorazio positiboa egin du “Atez atekoaren lehen egunaren balorazio ‘oso positiboa’ Oñatin” albistean irakur daitekeenez. “Guztia normaltasun osoz igaro zen, ez zen intzidentzia nabarmenik izan eta herritarrak zoriondu nahi ditugu erakutsitako arduragatik” esan omen dute udal agintariek.

Berri eta erreakzio gehiago:
Diario Vasco “Primer balance del Gobierno Municipal sobre el PaP”
Oñati Zero Zabor “Agur kontenedoreak; Ongi etorri atez ate!!”

ARGIAko Zero Zabor blog honetan:
“Oñati gaur hasi denetik, Gipuzkoaren %10aren hondakinak Atez Ate biltzen dira”

Kutsatzeko eskubidea: enpresetan onartezina dena, udaletan onargarri?

2013-07-03  //  Iritziak / Adierazpenak, Kutsadura, Sailkatugabeak  //  Iruzkinik ez

Noticias de Gipuzkoa egunkariak Luis Mari de Juan Irastortzaren gutun oso interesgarria publikatu du. “El derecho a contaminar” tituluaren ostean, lanbidez Kudeaketa Sistemetan Teknikaria dela aitortzen duen De Juan Irastortzak alderatu du zein kalitate estandar ezberdinez erabakitzen den hondakinen kudeaketa enpresetan eta administrazioan. Hemen euskaratu dugu, bere interesagatik.
(gehiago…)

Ainhoa Intxaurraundieta da Gipuzkoako Partzuergoko presidente berria

2013-07-03  //  Partzuergoa  //  Iruzkinik ez

Gipuzkoako Hondakinen Partzuergoak (GHK) batzarrean bi erabaki garrantzitsu hartu berri ditu. Alde batetik zuzendaritza eraberritu du: Ainhoa Intxaurrandietak hartuko du Juan Karlos Alduntzinek utzitako lehendakaritza eta ordezko edukiko du Imanol Azpiroz. Lezon Bilduko zinegotzia den Intxaurrandieta lehendakariorde zen orain arte. Azpiroz Usurbilgo zinegotzi eta San Marko mankomunitateko lehendakari izanik, Atez Atekoaren sustatzaile nagusietakoa izan da Gipuzkoan.

Bestalde, Partzuergoak betiko eten ditu IBH eta Resa aholkulari enpresekin Zubietako errauste planta eraikitzeko sinatutako kontratuak. Gai honen xehetasunak aurretik “Peruarenak azaldu ditu Zubietako kontratuen okerren xehetasunak” sarreran azalduak dira blog honetan.

Albistea prentsan:

Berria “Ainhoa Intxaurrandieta da GHK-ko presidente berria”
Noticias de Gipuzkoa “Ainhoa Intxaurraundieta sustituye a Alduntzin al frente del Consorcio de Residuos”
Diario Vasco “El PSE afirma que Bildu «aboca a la ruina» al Consorcio de Residuos“, “Resa pedirá una indemnización de 439.000 euros”
El Pais “Gipuzkoa liquida todos los contratos técnicos para construir la incineradora“

Urnietako emaitzez Oñati Zero Zabor: ‘Orain zer egingo du Urnietako udalak?’

2013-07-02  //  Bost kontenedore, Gizarte eragileak, Udalak  //  Iruzkinik ez

Urnieta: helburuak eta emaitzak

Zero Zabor blog honek ekainaren 22an zabaldu zuenez, “Urnietako udala[-k dio]: %45 birziklatzen da“. Orain Oñati Zero Zabor taldeak bere blogeko “Urnieta (5. edukiontzia): Helburua %65; Emaitza %40” sarreran Urnietako udalari gogorarazi dizkio 2012an hartutako konpromisoak:

“Zer gertatzen da helburuak finkatzen direnean eta helburu horiek lortzeko inongo bermerik ematen ez duten sistemak erabiltzen direnean? Ba Urnietan gertatu dena: helburuak ez direla betetzen. Urnietak %27ko gaikako bilketa tasa zuen 4 edukiontzien sistemarekin. Udalak 5. edukiontzia ezarri zuen %65eko gaikako bilketa lortzeko asmoarekin, baina %40ra iristea baino ez dute lortu (atez atekoarekin lortzen denaren erdia, gutxi gora behera). Zer egingo du orain Urnietako udalak?”

Gaiaz analisi hau argitaratu du Gipuzkoa Zero Zabor koordinakundeak: “Urnieta. Helburuak eta bitartekoak bat ez datozenean zer? 6 hilabeteko liluraren amaiera.“

Tolosaldeko eta Ordiziako galdeketen biharamuneko erreakzioak

2013-07-02  //  Atez Atekoaren alde, Atez Atekoaren kontra, Gizarte eragileak, Politikariak  //  Iruzkinik ez

Tolosaldeko Amasa-Villabona, Anoeta eta Iruran (aurreko asteburuan Zizurkilen) eta Goierriko Ordizian Atez Atekoaren kontrako plataformek burutu dituzten galdeketak iraganik (ikusi blog honetako aurreko albisteak:”Anoeta, Amasa-Villabona, Irura eta Ordizia galdeketaren ostean“, “Anoeta, Alegia, Amasa-Villabona, Irura, Ordizia eta Zizurkilgo azken berriak“…) hainbat erreakzio azaldu ditu prentsak. Hona horien bilduma:

Hitza “Patxi Amantegi: ‘Zakarrak jasotzeko moduen auzi honek bere funtsa galdu duela uste dut’”
Berria “Plataformak “presioei” egotzi die atez atekoaren aurkako botoak gutxitzea”
Diario Vasco “El PNV acusa a Bildu de ‘desestabilizar y agravar la convivencia‘”
Gipuzkoa Zero Zabor “Atez atekoaren aurkako galdeketen inguruan“

Bihar, uztailak 3, plastikozko zorrorik gabeko nazioarteko eguna

2013-07-02  //  Sailkatugabeak  //  Iruzkinik ez

Bihar, uztailak 3, Plastikozko Zorrorik Gabeko Nazioarteko 4. Eguna (International Plastic Bag-Free Day)ospatzen da, errauskailuen kontrako GAIA mugimenduak, Zero Waste Europe, Fundació Prevenció de Residus i Consum eta beste zenbait elkartek antolatuta. Egun hori justifikatzen duten argudioen artean hauek nabarmendu dituzte: plastikozko zorroak txarrak dira planetarentzako (desegiten 100 urtez goiti behar dituzte), itsusiak dira, gaizki diseinatuak (minutu gutxiz  usatuta mende oso batez kalteak egiten), garestiegiak dira munduarentzako, injustoak gure ondotik etorriko diren belaunaldientzako…