Arrasaten hasi dira auzokonpostean

2013-06-18  //  Auzolaneko konpostaketa, Udalak  //  Iruzkinik ez

Arrasatek martxan dauka lehenbiziko konpostgunea, non auzolanean 35 familiak beren hondakin organikoak konpost bihurtuko dituzten. Lehen fasea osatzean 140 familiak hartuko dute parte sisteman.

Informazioa osatzeko:
Goiena “Nafarroa etorbideko konpostagailu komunitarioa zabaldu dute” (bideo eta guzti)
Mondraberri “Konpostaje komunitarioa egiten hasi da Arrasaten”

Atez Ate hasi dira Alegian, Anoetan, Iruran eta Zizurkilen

2013-06-18  //  Atez atekoa, Udalak  //  Iruzkinik ez

Tolosaldeko Alegia, Anoeta, Irura eta Zizurkilen ekainaren 17an aldatu dute hondakinen bilketa sistema, Atez Atekoari ekinda. EAJk bultzatutako Tolosaldea Txukunek kontrako herri galdeketak antolatu eta PSEk herritarrei hondakinak gaika biltzeko materialak ez jasotzeko deia egin arren, udalek erabaki dute beren eskumenean dagoen aldaketarekin aurrera jarraitzea. Orain kontrakoek beren erasoa hilabete honetan sistema berria ezarri behar duen Amasa-Villabonan zentratu dute.  Berriak “Alegian, Zizurkilen, Anoetan eta Iruran, atez atekoa abian” albistean eta  Diario Vascok “El PaP se puso en marcha ayer en Anoeta, Irura, Alegia y Zizurkil“en eman dituzte xehetasun gehiago. “Hasi gara atez ateko bilketarekin Anoeta, Irura, Alegia eta Zizurkilen” sarreran bildu du Tolosaldeko Mankomunitateak.  Hitzak “Atez Atekoa Alegian” bideoan azaldu du gaia:

Tejeria eta Beitialarrangoitia Atez Atekoaren ‘inposizioaz’

2013-06-18  //  Atez Atekoaren alde, Atez Atekoaren kontra, Politikariak  //  Iruzkin bat

Oñati Zero Zaborrek “Legebiltzarreko presidentea atez atekoaz” bideoan bildu ditu Atez Atekoaren delako inposizioaren inguruan Eusko Legebiltzarreko bi kideren esanak. Alde batetik, Bakartxo Tejeria (EAJ) Legebiltzarreko presidenteak Oñatiko batzokian emandako iritzia eta bestetik Marian Beitialarrangoitiak (EHBildu) erakunde horretan egindako interbentzioa.

Azkoitiko plataformak 3.547 sinadura aurkeztu ditu udaletxean

2013-06-17  //  Atez Atekoaren kontra  //  Iruzkinik ez

Albistea eman dute Hitzak (“Atez atekoaren aurkako taldeak 3.547 sinadura aurkeztuko ditu Azkoitiko udaletxean“) eta Diario Vascok (“La plataforma anti PaP de Azkoitia entrega las 3.547 firmas en el Ayuntamiento“).

Berriobeitiko sozialistak errausketaren kontra eta Atez Atekoaren alde (2012)

2013-06-17  //  Atez Atekoaren alde, Errausketa, Nafarroa, Politikariak, Udalak  //  Iruzkinik ez

Duela urte bete justu, Iruñerriko Berriobeitik (5.971 biztanle) udalak 2012ko ekainaren 5ean burututako plenoak herriko PSNko zinegotziek -Estela Vasco Piñero bozeramaile sozialista buru- aurkeztutako mozio bat eztabaidatu zuen, zeinetan gaitzesten den hondakinen erraustea eta espreski sustatzen zuten gaikako Atez Ateko bilketa Gipuzkoan eta Sakanan ezarri den moduan eta Zero Zabor eredua. Udalbatzaren aktaren 9. puntuan (“9º.- Mociones del PSOE sobre incineración de residuos” hitzez hitz irakur daitezke bilkuran esandakoak.
(gehiago…)

Oñatiko udal agintariak ‘Gara’n mintzo Atez Ateko ezartzeko prozesuaz

2013-06-17  //  Atez atekoa, Atez Atekoaren alde, Udalak  //  Iruzkinik ez

Oñatiko alkate Mikel Biain eta ingurumen zinegotzi Leire Egañak Garak publikatu duen “El quinto contenedor es un paso, pero el puerta a puerta es un salto” erreportajean eman dituzte hilabete  hau bukatzerako herri horretan ezarriko den Atez Atekoaren inguruko xehetasun asko. Aldaketa beste herri batzuetan baino tentsio gutxiagorekin egitearen gakoa honela argitu dute: “‘Creo que se hizo mucho trabajo previo, sobre todo por parte de la plataforma Zero Zabor, mucha pedagogía, incluso antes de entrar nosotros en el Ayuntamiento, en torno a la incineradora de Zubieta, sobre qué era el puerta a puerta, exposiciones… A la hora de confeccionar el programa municipal también hubo una apuesta clara’, argumenta Leire Egaña.“

Tolosaldeko mankomunitateak azaldu ditu hondakinen koste ezkutuak

2013-06-17  //  Ekonomia, Mankomunitateak  //  Iruzkinik ez

Tolosaldeko mankomunitatearen arduradunek prentsaurrean aipatu dute eskualdeko herri bakoitzak bere gain hartu beharra daukala hondakinen kudeaketaren benetako kostea. Hitzak “Tolosaldeko Mankomunitatea: ‘Herriak euren posibilitateen gainetik bizi izan dira’” titulatutako kronikak dio, besteren artean: “Udalek jasotzen duten zerbitzua bere osotasunean ordain dezatela nahi du eskualdeko hondakinen mankomunitateak, Eneko Maioz eta Amaia Azkueren esanetan. Tolosaldeko Mankomunitateko bi ordezkariek ‘orain arte gestio desegokia’ egin dela azaldu dute, eta horrek, bere ondorioak dituela: ‘Urte askoan zehar ez dira aplikatu igo beharreko kostuak, hala nola, Gipuzkoako Hondakinen Kudeaketari dagozkionak, eta beraz, orain hori ere egin beharra dago'”. Tolosaldea Zero Zabor eskualde bihurtzeko ahaleginean ari dela adierazi dute arduradunek.

Atez Atekoaren plataformak herri galdeketa antolatu du Ordizian

2013-06-16  //  Atez Atekoaren kontra, Gizarte eragileak, Politikariak, Udalak  //  Iruzkinik ez

Diario Vascok (“La plataforma contra el PaP de Ordizia convoca una consulta popular para los días 29 y 30″) eta Hitzak (“Zabor bilketari buruzko galdeketa egingo dute Ordizian“) zabaldu dutenez, Atez Atekoaren kontrako plataformak herri galdeketa antolatu du laster sistema berria ezartzekoa den Ordizian, ekainaren 29 eta 30erako.

[2013-06-17, eguneraketa]Ordiziako udalak “Udalak elkarrizketaren eta adostasunaren aldeko konpromisoa dauka” adierazpen instituzionalarekin argitu du Atez Atekoaren kontrako plataforma ez dela erakunde horrekin harremanetan jarri, nahiz eta udala beti dagoen elkarrizketarako prest.  Ordiziako Ahotsa webguneak, berriz, salatu du EAJko eta PSEko kide ezagunak ari direla udalaren kontrako kanpaina antolatzen, “Nork zuzentzen du atez atekoaren eta Udalaren aurkako kanpaina? ” titulua daraman artikuluetan. Hitzak plazaratu du “Galdeketa ‘konfrontaziorako’ erabiliko ote duten kezka agertu du Igor Egurenek“

Plastikorik gabeko astea da hau

2013-06-14  //  Kutsadura  //  Iruzkinik ez

Zero Plastic Week

Holandatik ari da zabaltzen Zero Plastic Week asmoa, munduan hainbeste kutsadura sortzen duen plastikoaren erabilera mugatzearen aldekoa. Ekainaren 10etik 16a arteko aste hau izendatu dute Zero Plastiko Astea eta antolatzaileek diotenez 13 herrialdetan antolatu dira taldeak proiektuarekin bat egin dutenak. Zero Waste Europek hedatu du “ZeroPlasticWeek Challenge is now!” albistean. Pasarte batean dio: “Ba al dakizu kontinente berri bat aurkitu dutela? Espainia eta Frantzia batuta bezain handia, bertan ez da bizi ez gizakirik, ez abererik eta ez naturarik, plastiko hutsez egina baitago! Entzun al duzu plastiko-salda honen berri? Benetan kezkatu behar gaitu plastikozko zaborrez Lurra gero eta gehiago kutsatzen aritzeak. Plastikoak 450 behar ditu desegiten, nahiz eta horietako gehienak oso denbora laburrez usatzeko sortu ditugun. Ez dirudi oso burutsua, ala? Pentsatu ondo: zergatik saltzen dira piperrak edo tomateak plastikozko erretiluetan?”. 2011an Sience of Total Environment aldizkari zientifikoak ikerlan honeta erakutsi zituen plastikozko zorro eta bestelako gaiek itsasoko dortoken artean eragiten dituzten triskantzak.

Informazio gehiago:
Plastic Soup Foundation
Midway

Konposta haurrei erakutsia (bideoa)

2013-06-14  //  Auto-konpostaketa, Bideoak  //  Iruzkinik ez

Minutu bat dirau Mexikon egindako Compost bideo laburrak. Haurren artean konpostarekiko zaletasuna sustatzeko egina, gaztelaniazkoak ditu dauzkan testu bakanak.