Ordizian zehaztu dute Atez Atekoa

2013-06-06  //  Atez atekoa, Mankomunitateak, Udalak  //  Iruzkinik ez

Hondakinen atez ateko bilketa diseinatzeko prozesua eta oinarria jada adostuta,sistema martxan jartzeko urratsak emango dira jarraian. Hala adierazi dute gaur Ordiziako alkate Igor Egurenek eta Sasieta Mankomunitateko presidente Azeari Andonegik Ordiziako Udalean egindako prentsaurrekoan. Guztira, 1.200 herritarrek baino gehiagok hartu dute parte-hartze prozesuan: “Benetan harro gaude lortu ditugun emaitzekin. Herritarrak zoriondu nahi ditugu erakutsi duten inplikazioagatik. Foru Aldundiko Partaidetza Sailak prozesua eredugarritzat jo du eta asteburu honetan Kursaalean egingo den topaketetan aurkeztuko da, etorkizunerako aurrekari izango dena eta eredu berri bat markatuko duena”, adierazi du Egurenek.

Albistearen iturriak:
Sasita mankomunitatea “Ordiziako herritarrek diseinatu dute dagoenekoz Atez Ateko hondakinen gaikako bilketa sistema”
Hitza “Zehaztu dute Ordizian atez ateko bilketa sistema”

Lezon Atez Atekoarekin hilabetean %27 birziklatzetik %83ra pasatu dira

2013-06-06  //  Atez atekoa, Udalak  //  Iruzkinik ez

Lezoko udalak jakinarazi duenez, herrian hondakinen gaikako bilketarako Atez Ateko sistema jarri dutenetik hiru halakotu egin dute birziklatzen dutenaren tasa, %27tik %83ra pasata. Bestela esanda, nahasturik zaborretan botatzen duten kopura lezotarrek hilabetean jaitsi dute %73tik %17ra.

Ainhoa Zabalo Lezoko alkatea ezkerretik lehena. Arg.: Berria

Ainhoa Zabalo alkateak Lezoko herritarrei eta Udal ordezkariei eskerrak eman dizkie: “Orain zorionak ematea tokatzen zaigu eta herritarren inplikazioa eskertzea, inguruko beste herrientzako eredugarri zaretelako. Ziur nago zuen bideari jarraituz, eta denon ahaleginarekin Lezo iraunkorrago eta garbiago bat eraikitzea lortuko dugula”

Albistea prentsan:
Hitza “Ainhoa Zabalo: ‘Hilabete batean birziklatze maila hirukoiztu dugu’”
Diario Vasco “Lezo triplica la tasa de reciclaje con el PaP, según el Ayuntamiento“

Larunbatean Donostian ‘Mundumob’ ekimenaren azken festa

2013-06-05  //  Ekitaldia  //  Iruzkinik ez

Gipuzkoa Zero Zaborrek antolatuta maiatzaren 4ean Orendain herrian abiatu zen Mundumob ekimenaren azken saioa eta nagusia Donostiako bulebarrean burutuko da arratsaldeko 18:00etatik aurrera. GZZk “Mundumob. Larunbatean denok Donostiara! Arratsaldeko 6etan Bulebarrean” oharrean adierazi duenez, ekimenarekin, “hondakinen kudeaketan ere oinarri izan beharko lukeen printzipioa aldarrikatzen ari gara. Guztiok daukagu mundua aurreko belaunaldiek jaso zuten aukera berdinekin jasotzeko eskubidea, eta ondorioz, guztiok daukagu hurrengo belaunaldiei mundua jaso dugun aukera berdinekin uzteko betebeharra. ‘Eman hartu nahi duzun mundua’ leloan laburtu dugu ideia. Herriz herri eskuetatik eskutara dabilen mundubolak irudikatzen du mezua”.

Larunbateko ekitaldiaren osagai nagusiak honakoak izango omen dira, bertan ezagutaraziko diren sorpresez gain: ‘Mundumob’ bolaren etorrera, herritar eta eragileei egindako lanaren aitortza, Gipuzkoa Zero Zabor eta Europe Zero Wasteren mezuak eta azken dantza koreografiatuaren grabaketa. Besteak beste, Joan Marc Simon, Zero Waste Europeko koordinatzaileak hartuko du parte ekitaldian.

MUNDUmob Donostian

Gipuzkoan birziklatze tasa 2011ko %31,7%tik %33,4ra igo 2012an

2013-06-05  //  Aldundiak  //  Iruzkinik ez

Gipuzkoako Foru Aldundian ingurumen diputatu den Iñaki Errazkinek informatu duenez, Gipuzkoako birziklatze tasa urte betean %31,7tik %33,4ra igo da. Mankomunitateka, Txingudik % 29,9 birziklatu zuen iaz; San Markok, % 35,2; Tolosaldeak, %32,9; Sasietak, % 36,3; Debagoienak, % 35,9; Debabarrenak, % 22,7; Urola Erdiak, % 32,9 eta Urola Kostak, % 37,5. Gipuzkoa osoak, esan bezala, %33,4.

Iñaki Errazkinek, “argi dago hazkundea moteldu dela eta oraindik ere asko dugula egiteko. Europako herri eta eskualde askotan %70eko edo %80ko birziklatze maila dute; gipuzkoarrok, aldiz, ez gara erdira ere iristen. Badugu aurrera egiteko oinarria, baina baita bide luzea egiteko ere”.

Albisteaz gehiago:
Gipuzkoako Foru Aldundia “Iñaki Errazkin Ingurumeneko diputatuak adierazi du asko dugula egiteko, eta 2016rako % 60 birziklatzeko deia egin du” eta “Iñaki Errazkin diputado de Medio Ambiente ha manifestado que nos queda mucho por hacer, y ha realizado un llamamiento para llegar al 60% en 2016”
Noticias de Gipuzkoa “El reciclaje en Gipuzkoa pasó del 31,7% en 2011 al 33,4% en 2012”
Diario Vasco “El reciclaje en Gipuzkoa pasó del 31,7 % en 2011 al 33,4% en 2012“

Ostiralean Amasa-Villabonan ‘Aukera bat birziklapenari’ agerraldia

2013-06-05  //  Atez Atekoaren alde, Gizarte eragileak  //  Iruzkinik ez

Amasa-Villabonako Zero Zabor taldeak deituta, herri horretan “Aukera bat birziklapenari” agerraldia burutuko da, arratsaldeko 19:00etan. Bertsolaritza, dantza, arte eta musika arloetan mugiten diren zenbait herritarrek dagoenekoz iragarri dute beren parte hartzea. Aurreko ostiralean bertan Atez Atekoaren kontrako manifestazioa egin zen Gipuzkoa osoko plataformek deituta. Orain Atez Atekoaren aldeko datorren ostiraleko ekitaldiari babesa eskaini dio Gipuzkoa Zero Zaborrek “Agerraldi garrantzitsua Villabonan ostiralean” oharrean zabaldu duenez.

Alegian aurreratuta, 7an eta 8an kubo banaketak Anoeta, Irura eta Zizurkilen

2013-06-05  //  Atez atekoa, Mankomunitateak, Udalak  //  Iruzkinik ez

Tolosaldeko mankomunitateak jakinarazi du ekainaren 7an eta 8an banatuko direla Atez Ateko bilketarako kuboak Anoetan (1.830 biztanle), Iruran (1.640 b.) eta Zizurkilen (2.910 b.). Aurreko asteburuan hasita egunotan ari dira lan bera burutzen Alegian (1.771 b.). Mankomunitateak bere webgunean ipinitako “Alegian gehiena banatuta, kubo banaketak asteburuan jaraituko du Anoeta, Irura eta Zizurkilen” azaldu duenez, Amasa-Villabonan (5.872 biztanle) ekain bukaeran egingo da kubo partiketa. Denetara 14.000 biztanle osatzen dituzte ekain-uztailean hondakinak Atez Ate biltzen hasiko diren sei udalerriok.

Garbigune ibiltaria Debagoienan

2013-06-04  //  Garbigunea  //  Iruzkinik ez

Goienak “Garbigune Ibiltaria jarri du martxan Mankomunitateak” albistean zabaldu du. Debagoieneko hiru herrietan daude garbiguneak, Oñatin, Arrasaten eta Bergaran. Orain garbigune ibiltari honekin herri txikietara heltzea gura du Mankomunitateak, lehengo zerbitzua berreskuratu eta Debagoieneko herri guztietara heltzeko. Bideo honetan ere esplikatzen da sistema:

GZZk salatu du Atez Atekoaren kontrako buru bat Price Waterhousekoa dela

2013-06-04  //  Atez Atekoaren kontra, Ekonomia  //  Iruzkinik ez

Gipuzkoa Zero Zabor koordinadorak “Más pruebas de la conexión incineradora-plataformas anti-PaP. El portavoz de la plataforma anti-PaP de Ormaiztegi es socio de PricewaterhouseCoopers Auditores, S.L. recientemente denunciada por el escandalo del swap de la financiacion de la incineradora” oharrean salatu duenez, Atez Atekoaren kontrako Ormaiztegiko plataformaren bozeramaile den Agustin Gilabert Price Waterhouse kontsultoriako bazkidea da. Gipuzkoako Hondakinen Partzuergoak berrikitan auzitara eramana du Price Waterhouse, Banesto eta La Caixa bankuekin batera Zubietako errauskailuaren aitzakian sinatutako kontratuen eskandaluagatik.

Gipuzkoako hondakin organikoak konpostatzera Nafarroako Funesera

2013-06-04  //  Atez atekoa, Bost kontenedore, Konpostaketa  //  Iruzkinik ez

Diario Vascok “Gipuzkoa exporta basura a 152 kilómetros” (egunkari horrek gaiarekin darabilen lerro editoriala ondo azaltzen duen titulua) ezagutarazi duenez, Gipuzkoan dagoenekoz era berezian sortzen den organikoa konpostatzeko azpiegitura faltan, Nafarroako Funesera eramango dute.

[Eguneraketa]Deia egunkariak zabaldu du “Gipuzkoa tendrá que buscar otro lugar para enviar su basura tras el rechazo de Funes” albistean Nafarroako herri horretako udalak oztopoak jarri dituela eta Gipuzkoako Hondakinen Partzuergoa Itsasuko Lorekirekin ari dela negoziatzen martxoan bukatu zen hitzarmena zabaltzea.

Sakanan hasi dira bilketa sistema berrirako materiala banatzen

2013-06-03  //  Atez atekoa, Mankomunitateak  //  Iruzkinik ez

Sakanan Atez Ateko bilketarako materiala

Mankomunitateak bere webgunean “Hondakin sistema bilketa berria hasi baino lehen… material banaketa!” albistean jakinarazi duenez, ekainaren 3an hasi eta 17a bitartean banatuko dizkie herritarrei Sakanako Mankomunitateak hondakinak etxez etxe biltzeko materialak. Sakanako herri guztietan, erabaki gabe segitzen duten Altsasu eta Irurtzunen ezik, hondakin guztien bilketa gaika egingo da, organikoarentzako eskaintzen den bi aldagaiotako bat hautatuta: edo nork berea konpostatuz (autokonpostean bezala auzolaneko konpostean) edo atez ateko sisteman entregatuz. Guaixek ere zabaldu du albistea: “Mank hondakin bilketa sistemarako material banaketarekin hasiko da“.