Euskal Herri osoan azalduko dituzte Hizkuntza Eskubideak Bermatzeko Protokoloaren oinarriak

Atalak: Egitasmo ofizialetik nabarmenduak, Hizkuntza Aniztasunaren Goi Bilera

Hizkuntza Eskubideak Bermatzeko Protokoloa Donostia 2016k eta Kontseiluak elkarlanean abian duten egitasmoa da. Urtearen amaieran erakutsiko ditu fruitu nagusiak, baina bitartean, proiektuaren ezaugarriak esplikatzen ari dira Euskal Herriko zenbait lekutan.

Asteazkenean Baionako Euskal Museoan egin zuten lehen azalpena eta ostegun honetan Donostian aurkeztuko dute, 2016 Gunean 19:00etatik aurrera.

Martxoaren 1ean 19:00etan Gasteizko Oihaneder Euskararen Etxean aurkeztuko dute, martxoaren 2an 19:00etan Bilboko Kafe Antzokian eta martxoaren 3an 19:00etan Iruñeko Katakraken.

Aurkezpen hauen xedea Protokoloaren egitasmoa zertan datzan eta gizarte eragileek ekarpenak nola egin ditzaketen azaltzea da.

Adituen eta gizarte eragileen ekarpenak jasota, Hizkuntza Eskubideak Bermatzeko protokoloa abenduaren amaieran aurkeztuko da Europako Kultur Hiriburutzaren baitan.

Hizkuntza aniztasunaren kudeaketa egokia, elkarbizitzarako gako

Iazko martxoan abiatu zen ekimena, Donostiako Miramar jauregian Hizkuntza Aniztasunaren Goi Bileraren gakoak ezagutzera emateko egindako aurkezpen ekitaldiarekin.

Paul Bilbao Euskararen Gizarte Eragileen Kontseiluko zuzendariak honela azaldu zigun proiektuaren espiritua.