Zezenketei buruzko herri galdeketa egin dadin 10.000 sinadura aurkeztu dituzte
(Argazkia: Facebook/ Donostia Antitaurina Orain)
Donostia Antitaurina Orain mugimenduak 10.000 sinadura aurkeztu ditu Udalean zezenketen inguruko galdeketa egin dadin. Aurreko legegintzaldian indarrean jarri zen araudiak dio kontsulta bat egiteko gutxienez 8.000 aurkeztu behar direla. Herri galdeketaren emaitza jakin aurretik Illunbeko instalazioetan Aste Nagusirako inongo hitzarmenik ez dadila itxi eskatu dute.
Araudiaren epeak errespetatuz, galdeketa ekainaren 19an egin litekeela adierazi dute plataformako kideek. Modu honetan, emaitzak Aste Nagusi honetan bertan eragin lezakeela uste dute.
Zezenketak iaz berreskuratu zituen Eneko Goiaren udal gobernuak, bi urtez debekatuta izan ostean, EH Bilduren ekimenez. Zezenketak berreskuratu izana eta Espainiako Errege ohiaren presentziak polemika eragin zuten hirian.
Antitaurina Orain-eko kideek egindako protesta.
Iruzkinik ez
Trackbacks/Pingbacks