Azken hamarkadako ezinbesteko dokumentalak (bigarren zatia) 2/2

Atalak: Dokumentalak, Gomendioak

Resurrect Dead: The Mystery of the Toynbee Tiles

(Jon Foy, 2011)

 
 
 
 
 
 
 
 
 
 
 
New York, Boston, Washington eta Estatu batuetako hainbat hiritan mezu arraro batzuk azaldu dira lurrean : “toynbee idea in movie 2001 resurrect dead on planet jupiter” dokumental hontako protagonistak mezu hauen zergatia edo esanahia azalerazten saiatuko da.
Dokumentala Ikusi eta hurrengo egunak lurrera begira pasako dituzue mezu arraro hauen bila. Istorio harrigarria eta misteriotsua. Halere, hasiera batean planteamendu bikaina izan arren, bukaera aldera ideia gehiago zabaldu beharko zuelaren gogoz geratzen gara.  7,5/10
 
 

Bertsolari

(Asier Altuna, 2011)

 
 
 
 
 
 
 
 
 
Asier Altunak dio, “Bertsolaritzari buruz pelikula bat egitea zen abiapuntua. Bidean ixiltasuna, poesia, biluztasuna eta bapatekotasunaren amildegia topatu genituen. Inprobisatzen bukatu genduen”
Bertsoaren munduari omenaldi zoragarri eta poetiko bat. Lan borobila,interesgarria eta gustu handiarekin filmatua. 8/10
 

The Bridge

(Eric Steel, 2007)

 
 
 
 
 
 
 
 
 
 
San Frantziskoko Golden Gate zubitik munduko edozein tokitatik baino jende gehiagok egiten du bere buruaz beste. Dokumental honek 2004 urtean zubi hortatik bota ziren 24 pertsonen istorioa erakutsiko digu.
Dokumental simplea baina zaila era berean, polemikoa eta ikusi hutsarekin norbaiten bizitza alda dezakeena. Gaixotasuna, bakardadea eta desesperazioari buruzko istorioak azaltzen dira. Polemika handiko lana, etika ezaren etiketa ezarri baidiote zuzendariari (jendea buruaz beste egiten benetazko irudiak grabatu baiditu). ¿Dokumentala edo “Snuff Moviea”?  7,5/10
 

The Devil and Daniel Johnston

(Jeff Feuerzeig, 2005)

 
 
 
 
 
 
 
 
 
Daniel Johnston kantautorearen istorio gogor eta liluragarria azaltzen digu. Drogak eta bere gaixotasun mentalak deabruarekin bilera imajinarioak edukitzea eramaten dutena.
Dokumental bikaina, hunkigarria eta gogorra. Istorio “txiki” eta musika gogoko dutenei bereziki gomendatua. Ezagutu ezazue Daniel Johnston, ez zarete damutuko. 8,5/10
 

Project Nim

(James Marsh, 2011)

 
 
 
 
 
 
 
 
 
 
 
70. hamarkadan, Nim txinpantzearekin esperimendu bat burutu zuten: zein ondorio edo efektu edudiko lituzke gizakien artean bizitzea eta beraiengatik elikatua izatea.
Erritmo handikoa eta kontakizun aldetik oso ongi estrukturatua. Gogorra, eta animaliekiko enpatia pixka bat izanez gero, malko artean bukaraziko zaituena. Krudela eta belduragarria.  Ezinbestekoa. 9/10

Jonestown: The Life and Death of Peoples Temple

(Stanley Nelson, 2006)

 
 
 
 
 
 
 
 
 
 
 
“Herriaren templua” izeneko sektari begirada bat, Jim Jones buruzagi dela. 1978an sekta horretako 913 (270 ume) partaideek beraien buruaz beste egiten dute, historiako “suizidio kolektiborik” handiena bihurtzen delarik.(limoi zukua zianuroarekin nahastuz),
Izen propio bat: JIM JONES. Sinestezina, gogorra, gupidagabea, ezer gutxi esan liteke horrelako argumentua duen dokumental bat ikusteko asmoa duzunean.    8,5/10
 

The King of Kong: A Fistful of Quarters

(Seth Gordon, 2007)

 
 
 
 
 
 
 
 
 
Bigarren hezkuntzako irakasle eta empresari batek Donkey Kong bideojoko mitikoaren “Guiness” errekorra hautsi nahi dute.
Bideo jokuak ez dituzu batere gustoko? arrazoi handiagoa dokumental hau ikusteko, minutuak pasa hala konturatzen baigara ez dela bideojokuei buruzko material didaktiko bat,  bi tipoen arteko borroka eta tirabira bat baizik. Tematika aldetik pixkat “frikia” dirudi, eta noski horrela dela, baina gaiaz haratago doan lan bat da eta ondorio positibo asko atera daitezkeena. 7,5/10

Senna

(Asif Kapadia, 2010)

 
 
 
 
 
 
 
 
 
 
 
Ayrton Senna (1960-1994), pilotu famatuaren bizitza zeharkatzen duen dokumentala, material harrigarri eta ezezagunekin osaturikoa.
Dokumetal zoragarria iruditu zaidala esan behar dut, nahiz eta kotxeen mundua ez dudan BATERE gustoko. Senna mitikoari oda handi bat, hunkigarria, testigantza harrigarriekin eta sekuentzi ikaragarriekin.  8/10
“Bigarrena, galtzaileen artean lehengoa da.” Ayrton Senna
 

Life in a Day

(Kevin Macdonald, 2011)

 
 
 
 
 
 
 
 
2010eko Uztailaren 24ean munduko milaka pertsonek beraien egunerokoa grabatzen dute “LIFE IN A DAY” izeneko proiektura bidaltzeko. 80 000 bideo eta 4500 ordu baino gehiagoko materialarekin, 90 minututan gure munduari buruzko ikuspegi berri bat sortzen dutelarik.
Hainbeste bideoren artean irudi zoragarriak, aspergarriak, izugarriak, arruntak, bitxiak, liluragarriak, sinestezinak, tristeak, globalki hartuta anbizio handiko proiektua, baina bere lainotasunean “simplea” eta txikia. Eskeini  zuen bizitzaren ordu t´erdi bat,  lan dotore eta interesgarri hau ikusteko, ez zarete damutuko eta. 8/10
 

Taxi to the Dark Side

(Alex Gibney , 2007)

 
 
 
 
 
 
 
 
 
 
 
 
 
Estatu batuak, Afganistan, Irak eta Guantanamon egindako torturak salatzeko, taxi gidari errugabe baten persekuzioa adibide bezala jartzen da.
Interesa pizten duen dokumental bikaina, salaketa-lan oso zehatza baita. Testigantza asko dituena eta analisi politiko ugari.  7,5/10
 

Anvil! The Story of Anvil

(Sacha Gervasi, 2008)

 
 
 
 
 
 
 
 
 
 
 
Kanadiar “heavy-metal” talderik ezagunenari buruzko dokumentala, Anvil.
“Harri bitxi” bat. Laguntasuna, borroka, maitasuna, haserrea, iraunkortasuna, arrakasta eta porrota nahasten dituen 90 minutuko lan paregabea. “Heavy” talde batekin bidaiatuko duzu, beraiekin barre eta negar egin, sentitu. Ez galdu. 8,5/10
 

Náufragos.

Vengo de un avión que cayó en las montañas 

(Gonzalo Arijon, 2007)

 
 
 
 
 
 
 
 
 
 
 
 
 
Sekula izan den superbibentzi istoriorik izugarrienetarikoa. Gazte talde batek, Andes mendikatearen bihotzean, bere hegazkina erori eta gero, 72 egun bizi iraun zuten 4000 metrotara.
Dokumental bikaina eta hasieratik bukaeraraino harrapatuko zaituena. “Viven” pelikula famatuan kontatutakoa modu desberdin batean irudikatua, protagonisten testigantza,  argazki, bideo eta dokumentuekin osaturikoa. 8/10
 
 
 
*Pena handiz, dokumental ugari baztertu behar izan ditut, beraz aurrerago beste artikulu batean aipatuko ditut modu orokorrago batean.