Emakumeak protagonistak 2017ko telesailetan?

Atalak: Albisteak, Gomendioak, Telesailak

New Yorkeko Film Akademiak Genero berdintasunik eza zineman izenburuko txostenean 2007tik 2012ra bitartean diru gehien bildu duten Hollywoodeko 500 filmetan oinarrituta, emakumezko rolak aztertu zituen zinemaren barruan orain urte batzuk. Bertan irakur daiteke, testua duten rol guztien %30,8 besterik ez direla emakumeentzat eta horien artean, %15 baino ez direla protagonistak. Ameriketako pantaila txikira salto eginez gero, panorama apur bat aldatzen da, 2013-2014ko datuen arabera, prime time barruan azaltzen diren pertsonaien %42 emakumezkoak baitira, baina portzentaje eskasak eta lotsagarriak dira oraindik ere.
Txosten hori argitaratu zutela hiru urte pasa dira jada, aldatu al da panorama? Emakumeen presentzia areagotu al da pantaila txikiaren arloan? Oraindik eskasa den arren -kontuan izanik ehunka estreinatzen dituztela-, aurten estreinatuko diren ekoizpenak aztertuz gero,  tendentzia negatibo horrek aldaketa txiki bat jasango duela dirudi,  hementxe emakumeak protagonistak izango dituzten 2017ko telesailak:
 

Big Little Lies

(HBO)

Protagonista (k):  Reese Witherspoon, Nicole Kidman eta Shailene Woodley

Jean-Marc Vallée (Dallas Buyers Club) kamera atzean jarriko da,  David E. Kelley sorturiko drama hau pantailaratzeko. Bertan hiru emakume desberdinen istorioak ikusteko aukera izango dugu:  Madeleine, Celeste eta Jane (Reese Witherspoon, Nicole Kidman eta Shailene Woodley)

Noiz estreinatzen da?

Otsailak 20

Las chicas del cable

(Netflix)

Protagonista (k): Blanca Suarez, , Maggie Civantos, Ana Polvorosa, Ana Fernández,Concha Velasco

Netlfix plataformak ekoizten duen lehen telesail Espainiarra izango da. Madrilen 20. hamarkada amaieran kokatua egongo da eta lehen telefono konpainia nazionalari buruz arituko da.  Operadore izateko ehunka emakume pasa zituzten lan-elkarrizketei buruzkoa konkretuki.

Noiz estreinatzen da?

2017ko lehen hiruhilabetea

Doubt  

(CBS)

Protagonista (k): Katherine Heigl

Katherine Heigl aktore ezaguna, abokatu arrakastatsu baten paperean murgilduko da, Sadie .

Noiz estreinatzen da?

Otsailak 15

Britannia

(Sky, Amazon)

Protagonista (k): Kelly Reilly, Liana Cornell

Emakume gerlari talde bat ardatz duen telesaila,  K.O 43 urtean, Erromatarrek Britainia inbaditu zuten kontakizunaren testuinguruan.

Noiz estreinatzen da?

2017 udara baino lehen

To Walk Invisible:  The Bronte Sisters

(BBC)

Protagonista (k): Finn Atkins, Charlie Murphy eta Chloe Pirrie

 Oztopo eta traba guztien gainetik, nobelagile bikainak bihurtzera lortu zuten Brontë ahizpei buruzko telefilma.

Noiz estreinatzen da?

Tvmovie-a (Abenduan estreinatu zen)

The Good Fight

(CBS)

Protagonista (k):  Christine Baranski

The Goof Wife telesail bikainaren “spin off-a”. Istorioa, telesail originala eta urte bete beranduago kokatuko da. Oraingoan Diane Lockhart eta bere “begiko berria” Maia Rindell, abokatu-langela utzi eta Chicago hiriko bufete garrantzitsuenetarikora joateko erabakia hartuko dute.

Noiz estreinatzen da?

Otsailak 19

 Santa Clarita Diet

(Netflix)

Protagonista (k): Drew Barrymore

Santa Clarita herrian bizi den Sheila Hammond izango da protagonista. Higiezin- agente bezala lan egiten du bikotekidearekin batera, bizitza nahiko aspergarria eramanaz. Baina bat-batean, erabateko aldaketa jasango du…

Noiz estreinatzen da?

Otsailak 3

 The Crown

(Netflix)

Protagonista (k): Claire Foy

Isabel II Ingalaterrako erreginan zentratzen den telesaila. Bizitza pertsonala erakusteaz gain, gerraosteko mundu hori ere irudikatzen du ekoizpen honek.

Noiz estreinatzen da?

2. denboradia. 2017 Azaroa.

Insecure

(HBO)

Protagonista (k): Issa Rae

Emakume afroamerikar “moderno” bati buruzko umorezko telesaila.

Noiz estreinatzen da?

2. denboradia. 2017 Azaroa.

 Better Things

(FX)

Protagonista (k): Pamela Adlon

Louie-ren jarraitzaileok jada ezagutzen dugu Pamela Adlon, protagonistaren maitasun platonikoa izan zena. Ba Louis C.K. eta Adlon-ek, Better things telesaila sortu dute hain zuzen. Kasu honetan, ezkongabe dagoen emakume baten istorioa azalduz; lana, hiru seme alabekin duen erlazio konplikatuarekin batera tartekatzen duen bitartean.

Noiz estreinatzen da?

2. denboradia. 2017 Udara

Girlboss

(Netflix)

Protagonista (k): Britt Robertson eta Ellie Reed

Modaren munduan kokatua, Girlboss “bestseller”-ean oinarritua eta Britt Robertson protagonista duen Netflix-en telesaila.  Sophia Amoruso-ren bizitzan oinarrituriko ekoizpen hau, “Sex and the city” berria izango dela diote..

Noiz estreinatzen da?

2017, Apirila

Powerless

(NBC)

Protagonista (k): Vanessa Hudgens

DC komikietan oinarrituriko telesaila. Vanessa Hudgens, superheroien ekintzek eragiten dituzten istripuak babesten dituen peritua izango da.

Noiz estreinatzen da?

Otsailak 2

 The Girlfriend Experience

(Starz)

Protagonista (k): Riley Keough

Steven Soderbergh-ek zuzenduriko “The Girlfriend Experience” filmean oinarrituriko telesaila. Bertan, Chicago hirian maila altuko prostituta bezala lanean dabilen Christine-en istorioa ikusteko aukera izango dugu.

Noiz estreinatzen da?

2. denboralida, 2017 amaieran.

Feud

(FX)

Protagonista (k):  Jessica Lange eta Susan Sarandon

What Ever Happened to Baby Jane? film ezagunaren errodajean, Joan Crawford (Jessica Lange) eta Bette Davis-en (Susan Sarandon) arteko erlazio konplikatuari buruzko kontakizuna.

Noiz estreinatzen da?

Martxoak 5

Gypsy

(Netflix)

Protagonista (k):  Naomi Watts

10 atalez osaturiko miniserie hau,  Jean Holloway (Naomi Watts) terapeutan zentraturiko thriller psikologiko bat izango da.

Noiz estreinatzen da?

2017

Maniac

(Netflix)

Protagonista (k):  Emma Stone

Cary Fukunaga-ren  (True Detective) telesail berria. Paziente baten abentura fantastikoak (Jonah Hill)  kontatuko dizkiguna, bere buru barnean sorturiko mundu fantastikoen bitartez, bere bizitza errealetik ihes egiten duen tipoa.

Noiz estreinatzen da?

2017

Sharp Objects

(HBO)

Protagonista (k): Amy Adams

Ospitale psikiatriko batetik pasa ostean, Camille Parker kazetaria, bere herrira itzuliko da,  bi umeen hilketari buruzko jarraipena egiteko.

Noiz estreinatzen da?

2017

Top of the lake: China Girl

(BBC/Sundance)

Protagonista (k): Elisabeth Moss

Neska baten desagerpena ikertuko duen Robin (Elisabeth Moss) detektibeari buruzko telesaila.

Noiz estreinatzen da?

2017

Homeland

(Showtime)

Protagonista (k): Claire Danes

6 denboraldiren ostean aurkezpenik behar ez duen telesaila. Ezkutuko inteligentziaren eta boterearen korapiloetan sartuko gaituena. Protagonista nagusia, Claire Danes aktoreak gorpuzten duen Carrie Mathison. 

Noiz estreinatzen da?

6. denboraldia, Urtarrilak 14