#30egun30film erronka: emaitzak eta ondorioak

Atalak: Albisteak, Pelikulak, Telesailak

Euskal zinezale komunitatearen tamaina ezagutu eta hura iratzartzeko bokazioz bota nuen orain hilabete  #30egun30film erronka.  Traola horren magalean, hilabete batez 30 film —eta aktore, zuzendari...— proposatzea zen helburua.
Egunero, baina, irizpide zehatz bati erantzunez, gida txiki moduan, irudi hau ere zabaldu nuen. Bertan egun bakoitzean egin beharreko aipamen zehatza ageri da. Hori kontuan izanik, aitortu behar dizuet erabat harrituta eta eskertuta nagoela.

Umap.eus-en arabera, 30 egunetan zehar, egunero-egunero  #30egun30film traola aipatuenen artean agertu baita.
Baina zinezale komunitatea esnatzeaz gainera, erronka honetan azaldu diren datu, proposamen eta informazioak biltzea ere helburu garrantzitsua zen niretzat. Horiek aztertzeko, erronka eragiten ari den iruzkin guztiak fitxategi batean bildu ditut egun guzti hauetan zehar. Txio guztiak zerrendatu eta hauek izan dira egun bakoitzean aipamen gehien jaso dituzten izenak:

1.eguna

Film Gustukoena

1- The Godfather II

2- The Godfather

3- The Shawshank Redemption

Sorpresa gutxi sailkapen honetan. Historiako film onenen zerrendatan ohikoak izaten diren izenak agertu baitira. Horretan euskaldunak eta gainerakoak, bat.

---

 

2.eguna

Ikusitako azken filma (orokorrean)

Izen desberdin ugari azaldu zirenez, ezinezkoa izan zait bakar bat goraipatzea. Baina atera daitekeen ondorioa nabarmena da: jendeak pelikula ugari etxean ikusten dituela. Gomendio guztien artean lauzpabost baino ez baitziren zinema areto batean ikusitakoak. Gainerakoak zaharragoak edo plataforma digitalen bitartez kontsumiturikoak.

---

 

3.eguna

Euskal Film gustukoena

1- Loreak

2- Urte berri on amona

3- Amama

Arlo honetan badirudi azken urteetako euskal ekoizpenak direla gure kuttunenak. Aurrekoak ikusi ez ditugulako, azken ureetan film hobeak egiten direlako edo hauek freskoago ditugulako agian. Dena dela, hiru izen horiek izan dira gehien agertu direnak.

---

 

4.eguna

Beldurrezko film gustukoena

1- The Shinning

2- A Nightmare on Elm Street

3- The Exorcist

Film onenaren aukeraketan bezala, hemen ere, generoaren hiru ezinbesteko klasiko aukeratu dituzue.  Hori bai, 70-80ko hamarkadetakoak dira aipatuenak.

---

 

5.eguna

Barrez lehertzeko film aproposena

1- Life of Brian

2- The Big Lebowski

3- Young Frankestein,  Top Secret

Umorearen arloan beste lau klasiko. Hori bai aukeraketa hau ikusita, badirudi umore absurdoa dela gure kuttuna. Umore absurdoak, normalean, egoera ulergaitzak edo zentzugabeak hartzen ditu ikuslearen barreak eragiteko. Errealitatetik guztiz aldendua dagoen umore mota dela esan daiteke, baina islatu nahi duen horren funtsean murgiltzen gaituena. Beste ezaugarri tipiko bat sekuentzien arteko inkoherentzia izaten da; eraikin bat, eszena baten amaieran suntsitua izatea eta hurrengoan berriz zutik azaltzea adibidez.  Marx anaiak, Mel Brooks, Monty Phyton edo Zucker anaiak izan litezke ziurrenik erreferente nagusiak. 80ko hamarkada oparoena eta Leslie Nielsen umore mota honen ikono moduko bilakatu dena.

---

 

6.eguna

Zoriontsu egiten zaituen filma

1- Little miss sunshine

2- Monsters Inc

3- Intouchables eta Shrek

Oso sailkapen bitxia. Animazioa, drama eta umorea uztartzen dituzten filmak ageri baitira. Badirudi genero horien nahasketak zoriontsu egiten gaituela, edo behintzat oso gustura ikusten ditugun izenburuak izaten direla.

---

 

7.eguna

Triste jartzen zaituen filma

1-Leolo

2-Amour

3-Dancer in the Dark 

Hiru maisulan eta bai, normala triste jartzea,  hauek ikusten ditugun bakoitzean.

---

 

8.eguna

Zuzendari gogokoena

1-Billy Wilder

2-David Fincher, Coen Anaiak, Scorsese, Kubick, Spielberg, Hitchcock

3-Woody Allen, Clint Eastwood

Izen mitikoak eta zuzendari erraldoiak guztiak. Hori bai, txio guztien artean emakumerik ez.

---

 

9.eguna

Nerabezaroko ezinbesteko filma

1- The Goonies

2- Grease

3-Indiana Jones, Die Hard, Terminator

 
25-40 bitarteko adina duzuenok, zer sentitzen duzue Indiana Jones, Zaparro, Elliot, Sloth edo Marty McFly bezalako pertsonaien izenak entzutean? Edo The Goonies, E.T., Willow edo Back to the future bezalako filmak gogoratzean? Deskribaezina ezta? Ziur nago gaur egungo umeak gose direla horrelako abenturak irensteko, behin helduak direnean oroitzapen berdinak eduki eta beraien Delorean partikularrean iraganera bidaia egiteko.
Hemen 80ko hamarkadako ume guztien ikur bilakatu den Gooniak aukeratu dituzue. Bigarren postuan Grease filma ikusteak ordea, asko harritu nau.

---

 

10.eguna

Komedia erromantiko onena

1-The Apartment, Groundhog Day

2-High Fidelity

3-Love Actually

---

 

11.eguna

Zinema areto batean ikusitako lehen filma

1-E.T

2-The Liong King

3-The Little Mermaid 

---

 

12.eguna

Azken urteetako film onena

1- Boyhood, Her

2- The Grand Budapest Hotel, La grande bellezza

3- Zodiac

 

---

 

13.eguna

Pertsonaia gogokoenak ( gizonezko bat eta emakumezko bat)

Emakumezkoa

Ellen Ripley (Alien),Olive Hoover (Little Miss sunshine), Amelie, Selma (Dancer in the dark)

Gizonezkoa

The Dude (Lebowski), Indiana Jones, Walter Sobchak (Lebowski), Alfredo (Cinema Paradiso)

 

---

 

14.eguna

Ikusitako film txarrena

14. egunean ez zen film bakar bat errepikatu.  Baina zerrendako izen hauek irakurriz gero: Los Amantes pasajeros, El Lobo, Negociador, Torrente, Fin, Bracula, Off… Ez al zaizue zerbait deigarria egiten? Bai, txarrenen artean, film espainiar mordoa aukeratu dituzuela.

---

 

15.eguna

Emakumezko akore onena

1- Isabelle Huppert, Julianne Moore

2-Kathy Bates, Marion Cotillard, Juliette Binoche

3-, Meryl Streep, Bette Davis

---

 

16.eguna

Gizonezko aktore onena

1- Joaquin Phoenix , Kevin Spacey, Marlon Brando

2- Michael Fassbender, Philip Seymour Hoffman, Gary Oldman

3-Sean Penn, Daniel Day-Lewis

---

 

17.eguna

Sekula ikusitako dokumental onena

1- Searching for Sugar Man

2- Bowling for Columbine

3-Barrura begiratzeko leihoak, Jai Alai Blues

Bi datu nabarmentzeko: lehenengoa oso dokumental gutxi ikusten dugula. Aurreko eguneko erantzunekin alderatuz gero, askoz proposamen gutxiago zabaldu zenituztelako. Eta bigarrena, lau aipatuenen artean, bi euskal ekoizpen ageri direla.

---

 

18.eguna

Gustuko duzun filma, baina esatea lotsarazten zaituena

Hemen ere ez da film bakar bat errepikatu. Grease, The Expendables, Family man, Con Air, Ttanic, Austin Powers, The Da Vinci code… bezalako izenak azaldu dira baina, nire buruari (eta zuei) galdera bat: zergatik lotsa ala beldur hori film bat gustuko dugula esateko?

---

 

19.eguna

Jatorrizko hizkuntzan ala bikoiztua?

Bikoiztua: % 34

Jatorriko Hizkuntzan: % 66

Zinezaleon artean klasikoa bihurtu den lehia honen datuak desberdinak izango zirela uste nuen. Azkenean Jatorrizko hizkuntzan aukera atera da garaile, baina uste nuen abantaila handiagoa aterako ziola. Esaten dena eta benetan egiten dena gauza bera diren ordea,  hori norberaren esku.

---

 

20.eguna

Film klasiko gustukoena

1- The Third Man

2- Casablanca, Psycho

3- North by Northwest, Witness for the Prosecution

 

---

 

21.eguna

Soinu banda onena duen filma

1- Tarantino-ren filmetakoak (orokorrean)

2- Paris, Texas, Cabaret, Barry Lyndon

3- Amelie, 2046, Once Upon a Time in America

Tarantino zine zuzendaria zerbaitegatik nabarmentzen bada,  bere lan guztietan %100ean zaintzen dituela xehetasun guztiak. Baina, “zainketa” horren barruan, soinu banda izan liteke maitasun handiena eskaintzen dion arloa eta hori, ikus daitekeenez, euskaldunoi asko gustatzen zaigun zerbait dela dirudi.

---

 

22.eguna

Ikusi duzun film aspergarriena

1- The Tree of Life

2- Dancing with wolves

3- Eyes Wide Shut, Boyhood

Oso bitxia eta harrigarria, zazpigarren artearen film garrantzitsuenetarikoak izan daitezkeenak “film aspergarrienen” artean sartu dituzuela. Eta beste datu are bitxiagoa: Boyhood bi sailkapen zeharo desberdinetan aukeratu duzuela: azken urteetako film onena, baina baita aspergarrienetarikoa ere. 

---

 

23.eguna

Zinema areto batean ikusitako azkena

23. eguneko datuak ikusita, zinema aretoetara gutxi joaten garela nabarmenduko nuke. Proposamen gutxi, guztiak desberdinak eta, orokorrean, karteldegian aste asko —edo jada kendu dituzten— izenburuak izan baitira.

---

 

24.eguna

Filmak ala telesailak? (edo biak)

Filmak: % 66

Telesailak: % 20

Biak: % 14

Filmak garaile telesailen aurrean. Espero nuen, egian esan. Baina baita biak kontsumitzen dituztenen portzentajea altuagoa izango zela. Datu hauekin, gutxiengoen artean kokatzen naizela ohartu naiz.

---

 

25.eguna

Akziozko film gustukoena

1- The Dark Knight

2- Kill Bill, Bourne

3- Mad Max, Matrix

---

 

26.eguna

Mundu guztiak gustuko duen filma, baina nik gorroto

1- Star Wars

2- Amelie, Titanic

3- Avatar, The Lord of the Rings

Asko harritu naiz izen hauek ikustean egia esan. Avatar, Titanic agian, baina benetan Star Wars gorroto duzuela? Jendeak duen miresmen mailarekin bat ez etortzea, ados —niretzako ere ez da hainbesterako—. Baina gorrotatzea…?

---

 

27.eguna

Gehien harritu zaituen filmea

1- Blue Velvet

2- Joxean´s Hil Eben, The Room

3 The Sixth Sense, Dogville

---

 

28.eguna

Gorroto duzun aktorea

1- Tom Cruise

2- Nicolas Cage , Tom Hanks, Imanol Arias

3-Jackie Chan

Diferentzia nahiko handiarekin Tom Cruise jauna garaile.

---

 

29.eguna

Gorroto duzun zuzendaria

1- Pedro Almodovar

2- J. L. Garci

3- Ronald Emmerich, Santiago Segura, Alejandro Amenábar

 
Hemen, “ikusitako film txarrena” traolarekin gertatu bezala, badirudi espainiar zinema ez dugula gehiegi maite, ezta?

---

 

30.eguna

Nahi duzuna gomendatu