Istorio txikien handitasuna

Atalak: Albisteak, Dokumentalak, Euskal Zinema, Gomendioak

Barkamena lehenik, hilabete asko igaro ditudalako blog kuttun honetan idatzi gabe. Itzulera hau aprobetxatuz, pasa den astean Euskal Herriko areto desberdinetan estreinatu zen dokumental bati buruz idatzi nahiko nuke.  Tira, kontatzen duen istorioari buruz zehatzago izateko.

2001eko urrian,7.161 metroko altuera duen Pumori mendia igotzeko intentzioz, 10 gazte euskaldunez osaturiko espedizio bat antolatu zuten.Zoritxarrez elur-jauste baten erruz,10 horietatik 5ek bizia galdu zuten: Beñat Arrue,Iñaki Aiertza,Aritz Artieda,Javi Arkauz eta Cesar Nietok.Gainerako bostak gertatukoaren abisuaren berri emateaz gain, ezer gutxi egin izan zuten eta ezinezko erreskate baten ondoren, itzultzeko erabakia hartu zuten.

Hilabete batzuk beranduago, Iñakiren bikotekideak, argazki bat entregatu zuen. Bertan,Beñat ikus zitekeen.Bere ondoan nepaldar ume txiki bat.Argazki hori, ezbeharra gertatu zen tokian aurkitu zuen,bere txamarraren poltsiko barruan zegoen argazki kamerako irudiak errebelatu ostean.

Urte bete beranduago, Beñaten gurasoak Nepalera bidaiatzea erabaki zuten, alde batetik gertatutako guztiaren tokia ezagutu eta hildakoei omenaldia eskaintzeko, eta bide batez, neska gazte hura nor zen jakiteko.
Bilaketa, 3.500 metroko altueran dagoen Thame herrixkan amaitu zuten;argazki horretan azaltzen zen neska hura bertan ezagutu baitzuten: Suku. Zergatia oso ongi ulertu gabe ere, bidaia hau, bizpahiru urtez behin neskatxa bisitatzeko tradizioan bilakatu zen.

Baina 2016an zerbait gaizki zihoala ohartu ziren: Suku gaixorik zegoen. Hortik aurrera -ez dizuet gehiago kontatuko-, ezbehar batek, bizitza bat nola salbatu dezakeenaren inguruko istorioa hasiko da… “PUMORI: Mendiaren alaba”
Hemen dokumentala non eta noiz ikusi dezakezuen:

Zin dagizuet, pixkanaka, blog honek merezi duen martxari berriro ekingo diodala!