Maiatzeko telesailen gida azkarra
Apirila amaitu da. Atzean, ziurrenik urteko estreinaldi potoloenak bildu dituen hilabetea utzi dugu. Udako bidea hartzen ari garen honetan, telesail izarren itzulerak eta berri-garrantzitsuenen estreinu kopurua pixkanaka jaisten joango da. Maiatza, denboraldi-amaieren garaia izateaz gain, upfronts-en unea ere izaten da. Telebista kate ugari hurrengo urterako programazioa antolatzen hasten diren unea alegia.
Dena den, badira hilabete honetan nabarmentzeko moduko ekoizpen batzuk; gorriz markatzeko data garrantzitsuena, Maiatzaren 21a, Twin Peaks telesail mitikoaren itzulera izango baita:
American Gods
(Telesail berria. Maiatzak 1)
Sortzailea: Bryan Fuller
Aktoreak: Ricky Whittle, Ian McShane, Emily Browning, Pablo Schreiber, Cloris Leachman, Yetide Badaki, Crispin Glover, Peter Stormare, Jonathan Tucker, Bruce Langley, Mousa Kraish, Chris Obi
Atal kopurua: 8
Zer buruzkoa da?
Igandean izan zen lehen atalaren aurre-estreinaldia. Neil Gaiman idazlearen eleberrian oinarrituriko telesaila. Kontakizuna, Shadow Moon izeneko gizon misteriotsu batean zentratuko da. Kartzelatik irteten den unean, emaztea auto istripu batean galtzen duen tipoa. Hileta elizkizunean eta Mr. Wednesday izeneko tipo bitxi bat ezagutu ostean, jainko-jainkosa guztiak gure artean bizi direla ohartuko da.
Little Boy Blue
(Telesail berria. Maiatzak 1)
Sortzailea: Paul Whittington
Aktoreak: Michael Baker, Stephen Graham, Derek Barr, Elizabeth Berrington
Atal kopurua: 3
Zer buruzkoa da?
2007 urtean, Liverpool hiriko Croxteth aldirian, 11 urteko ume baten hilketa eta kasu honen inguruan gertaturiko guztia aztertuko duen telesaila.
Sense8
(2. denboraldia, Maiatzak 5)
Sortzailea: Wachowski ahizpak
Aktoreak: Jamie Clayton, Naveen Andrews, Miguel Ángel Silvestre, Brian J. Smith,Terrence Mann, Daryl Hannah, Tuppence Middleton, Doona Bae,Freema Agyeman, Alfonso Herrera
Atal kopurua: 10
Zer buruzkoa da?
Wachowski ahizpen ekoizpen honek, mundu osoko 8 ezezagun, bat-batean, mentalki – eta zerbait gehiago– konektaturik daudela ohartuko direla kontatuko digu. San frantzisko, Nairobi, Chicago, London, Berlin, Mumbai eta Seoul-en hain zuzen ere.
Kokaleku eta irudi ikusgarriekin soilik, izugarri gozatzen den telesaila. Baina horrezgain noski, askoz gehiago eskaini digu. Soinu banda ikaragarria, interpretazio bikainak eta gidoi harrapakorra. Baina batez ere emozioz eta sentimenduz josiriko sekuentzia ugari. Hilabete honetan lehen zatiaren jarraipena ikusteko aukera izango dugu.
Riviera
(Telesail berria. Maiatzak 5)
Sortzailea: Neil Jordan
Aktoreak: Julia Stiles, Monica Bellucci, Lena Olin, Iwan Rheon, Amr Waked
Atal kopurua: 10
Zer buruzkoa da?
Gizon aberats batekin ezkontzen den Georgina protagonistak, gutxi iraungo duen istorio zoragarri bat biziko du. Urte bete ezkonduak egon ostean, errusiar arma trafikante baten yatean zihoala, eztanda misteriotsu batean hiltzen baita senarra.
Master of None
(2. denboraldia, Maiatzak 12)
Sortzailea: Aziz Ansari
Aktoreak: Aziz Ansari, Noël Wells, Lena Waithe, Eric Wareheim, Kelvin Yu, Todd Barry,Shoukath Ansari, H. Jon Benjamin
Atal kopurua: 10
Zer buruzkoa da?
2015eko sorpresa horietako bat izan zena, umorearen arloan, azken urteetako telesail bitxi eta berritzaileena dela esango nuke. Bere bizitzarekin zer egin ez dakien, Dev izeneko tipo baten istorioa kontatuko digu ekoizpen honek. New York hirian bizi den 30 urte inguruko aktore bat. Atal bakoitza bere bizitzaren pasarte konkretu batean zentratuko da, beti ere, umore beltz-garratzez bustirik.
I Love Dick
(Telesail berria. Maiatzak 12)
Sortzailea: Jill Soloway
Aktoreak: Kevin Bacon, Kathryn Hahn, Griffin Dunne, Roberta Colindrez, Adhir Kalyan,Phoebe Robinson, India Menuez, Robin Lambaria, Pat Towne, Adam Walton
Atal kopurua: 8
Zer buruzkoa da?
Kevin Bacon aktore ezaguna protagonista duen telesail berria. Texas hirian kokatua, krisian dagoen senar-emazte baten ingurukoa. Emaztea, Chris (Kathryn Hahn) zinema zuzendaria eta Sylvere senarra, Dick izeneko maisu karismatiko batekin obsesionatuko dira. Obsesio horren barruan harrapaturik, Chris, auto-aurkikuntza bidaia batean murgilduko da.
Twin Peaks II
( Jarraipena, Maiatzak 21)
Sortzailea: David Lynch
Aktoreak: Kyle MacLachlan, Monica Bellucci, David Duchovny, Laura Dern, Hailey Gates,Balthazar Getty, Ernie Hudson, Ashley Judd
Atal kopurua: 18
Zer buruzkoa da?
Orain 27 urte, David Lynch zine zuzendariak, kultuzkoa bilakatu zuen telesailaren jarraipena. Antzezle gehienak errepikatu egingo dute baina fitxaketa berriak ere gehitu dituzte. Tramari buruz ez dute oraindik ezer zehaztu.
Bloodline
(3. denboraldia, Maiatzak 26)
Sortzailea: Glenn Kessler, Todd A. Kessler
Aktoreak: Kyle Chandler, Ben Mendelsohn, Sissy Spacek, Sam Shepard, Linda Cardellini, Michelle Rose Domb, Brandon Larracuente, Nevy Rey, Jeremy Hale, Jamie McShane, Taylor Rouviere
Atal kopurua: 10
Zer buruzkoa da?
Rayburnd familia eta lagunak gurasoak omentzeko batuko dira hotsandiko ospakizun batean. Tartean izango da aspaldi ikusten ez duten Danny seme zaharrena, familiako ardi beltza. Istorioak ezer gutxi du berritik, baina zineman beti gertatzen den bezala, garrantzitsuena ez da zer kontatzen den, nola kontatzen den baizik. Horixe da telesail honetan ere interesgarriena. Lehen denboraldian gertaturiko pasarte konkretu bat, bigarren denboraldiarekin lotu zuten, ea hirugarren hau nola amaitzen den.
House of Cards
(5. denboraldia, Maiatzak 30)
Sortzailea: David Fincher, Beau Willimon
Aktoreak: Kevin Spacey, Robin Wright, Michael Kelly, Kate Mara, Molly Parker, Mahershala Ali, Corey Stoll, Michael Gill, Derek Cecil, Rachel Brosnaha
Atal kopurua: 13
Zer buruzkoa da?
Washington Hirian, Frank Underwoodek (Kevin Spacey), Hego Carolinako ordezkari demokrata, estatu-idazkari izateko baztertua izan ondoren, boterea bereganatzeko plana prestatuko du. Horretarako Claire Underwood (Robin Wright) emaztearen laguntza izango du. Plan horretan bikotearen pragmatismo,manipulazioa eta botere grina azalduko dira. Argumentu politiko bikaina, maila teknikoari eta gidoiari dagokienez batez ere.
Iruzkinik ez
Trackbacks/Pingbacks