“God save the show 2”: Azken urteetan, derrigorrez ikusi beharreko telesail Britainiarrak

Atalak: Gomendioak, Telesailak

2013ko Uztailan argitaratu nuen “God save the show”: Azken urteetan, derrigorrez ikusi beharreko telesail Britaniarrak” artikulua, beraz gure goiko bizilagunek egiten dituzten ekoizpenei buruzko nire iritzia zein den badakizue . Geroztik telesail ugari ikusteko aukera izan dut (orokorrean ari naiz, ez Britaniarrak soilik), baina konkretuki herrialde honetakoak izan dira, beste bigarren zati hau egitera bultzarazi nautenak. Errepaso azkar bat eginez, post hartan Black mirror, Sherlock, The Fall, Accused, Utopia, Hit and Miss, The shadow line, Inside men, Luther, In the flesh, Mayday, Broadchurch,Secret state, The syndicate, Dead set eta The Fear aipatu nituen. Oraingoan, azken urte honetan zehar gehien markatu nautenak ekarri dizkizuet, hementxe doa beraz, “God save the show 2”: Azken urteetan, derrigorrez ikusi beharreko telesail Britaniarrak:

THE MISSING (2014)

(Tom Shankland)

Zeri buruzkoa da?
2006ko Udara. Aita, ama eta semea Frantziako herrixka txiki batera doaz oporrak igarotzera. Mundialeko finala dela eta, Ama hotelean geratzen den bitartean, Aita eta semea partida telebistaz ikustera doaz taberna batera. Bapatean umea desagertu egiten da…
Zergatik ikusi?

Lehenik eta behin esan behar dut, artikulu hau idazten ari naizen bitartean 3 atal soilik igorri dituztela. Lehen begiradan, mila aldiz ikusi dugun istorioa dirudien arren, kontatzeko moduan telesail desberdin batean bilakatzen du. Bi denbora-momenturen artean salto eginez azaltzen digute istorioa, umea desagertu eta 8 urte beranduago eta justu desagertzen den momentua. Lehen minututik harrapatzen duen telesail horietakoa. Mundu guztia susmagarritzat hartzen dugun gidoi aldakor eta aurretik asmaezina. Nabarmentzekoa James Nesbitt aktorearen lana.

8 atal/denboraldi 1

HAPPY VALLEY (2014)

( Euros Lyn, Tim Fywell, Sally Wainwright)

Zeri buruzkoa da?
Bahiketa baten inguruko drama bortitza.
Zergatik ikusi?
Telesai ingeles askok bezala gidoi borobila duelako eta 6 ataletan soilik istorio bortitz bat kontatzeko ahalmena. Aktore guztiak bikain batez ere Sarah Lancashire. Petsonaia konplexu eta sakonez osaturiko drama milimetrikoa. 2014ko estreinuen artean aipagarrienetariko bat.

6 atal/denboraldi 1

SOUTHCLIFFE (2013)

(Sean Durkin)

Zeri buruzkoa da?
Ezbehar baten ondorioz, herrixka bateko biztanleen egunerokoa astindua izango da.
Zergatik ikusi?
Krudela, bikaina eta ikusi beharrekoa. Oso interesgarria denborarekin nola egiten duen jolas (batez ere lehen 3 ataletan) ikuslea istorioan guztiz murgilduz. Ukalbildaka bat sabelera. Geldotasunez errodaturikoa, baina eztarrian sortzen duen korapilo hori, pixkanaka estutuz doana.

4 atal / denboraldi 1

INSIDE No. 9 (2014)

( Reece Shearsmith )

Zeri buruzkoa da?
6 atalez osaturiko antologia bat, humore beltz, thriller, beldur klaustrofobiko eta gidoi aldetik biraketa harrigarriekin.
Zergatik ikusi?
Oso serie originala eta ikusteko erraza. Atal bakoitza independientea bestearekiko eta bi protagonista nagusiak paper ezerberdinen artean mugitzen direlarik. Nabarmentzekoa inongo momentuan espero ez dituzun gidoi biraketak eta genero aldaketarekin nola egiten duen jolas. Izugarria batez ere bigarren atala “A quiet night in” Buster keaton eta Chaplinen filmei homenaldi bat.

6 atal / denboraldi 1

PREY (2014)

( Nick Murphy )

Zeri buruzkoa da?
Marcus Farrow da istorio honen protagonista. Burutu ez duen krimen bat leporatu zaion Manchesterreko polizia bat eta justiziarengandik ihesean dabilena.
Zergatik ikusi?
3 ataleko telesail-motza. Ez da ingeles drama polizial tipiko horietako bat, egikera motel eta zaindua duena, baizkik eta akzioz eta erritmoz jositako ekoizpena baizik.

3 atal / denboraldi 1

THE HONOURABLE WOMAN (2014)

( Hugo Blick )

Zeri buruzkoa da?
Hugo Blick , 2011 urtean ”The shadow line” telesail bikaina zuzendu zuen, aurten berriz ”The honorauble Woman” ekoizpenarekin datorkigu. Nessa Stein da protagonista, arma enpresa bateko arduradun ospetsua. Ekialde hurbileko bake prozesuen barneko makinariaren parte dena.
Zergatik ikusi?
Intriga eta tentsioa nahasten dituen thriller labirintiko aparta. Tekniko bikaina. Pertsonaia sakonez beterikoa eta interpretazio bikainez osturikoa. Gidoi konplexua eta oso landua era berean. Pixkanaka harrapatuko zaituena, baina konturatu orduko askatuko ez zaituena.

8 atal/ denboraldi 1

DATES (2013)

(Bryan Elsley (Creator), John Maybury)

Zeri buruzkoa da?
Interneten bidez eta maitasuna bilatzeko asmoz, pertsona ezezagunek nola jokatzen duten beraien artean.
Zergatik ikusi?
Hasiera batean dirudiena baina askoz originalagoa eta eraginkorragoa. Gidoi bikainekoa eta atal guztietan azaltzen diren aktoreak ezinhobeto aukeratuak. Begiradak,isiltasunak, azalean ez dauden istorio ezkutu horiek eta limurtze edo sedukzio jokoak izugarri laguntzen dute, telesail hau dirudiena baino askoz borobilagoa eta erakargarriagoa bihurtzen.
 

9 atal/ denboraldi 1

LAST TANGO IN HALIFAX (2012)

(Sally Wainwright (Creator), Samuel Donovan, Euros Lyn)

 
Zeri buruzkoa da?
Bigarren aukerei buruzko telesaila. Celia eta Alan, alabekin bizi diren 70 urte inguruko alargunak dira. Bakoitzaren bilobek, Facebook-eko profil bat sortzean, berraurkitu egingo dira. Nerabezaroan maiteminduak egon ziren, orain 50 urte beranduago, merezitako bigarren aukera hori izango dute.
Zergatik ikusi?
Telesail ikusezina bezala izendatu dute batzuk, Zergatik? Zonbi, heroi edo leherketa ikusgarriz beteriko telesailak ikusten ohituak gauden gizarte honetan, bapatean bihotzetik irtendako istorio sinple, samur eta atsegin bat kontatzen digutelako. Pertsonaiek, ikuslea hasieratik harrapatzeko ahalmena dute eta lehen ataletik oso gertu sentitzen ditugu. Gidoiaren eraginez ezarritako konplexutasun psikologiko hori, oso errealak bilakatzen ditu, oso gertukoak.

12 atal (guztira) / 2 denboraldi

THE ESCAPE ARTIST (2013)

(Brian Welsh)

Zeri buruzkoa da?
Will Burton da istorio honen protagonista. Bezeroak kartzelatik libratzeko, edozein tranpa, akats edo trikimailu egiteko prest dagoen abokatua.
Zergatik ikusi?
Oso ongi buruturiko katua eta saguaren arteko joko horrek, suspensez beteriko telesaila bilakatzen du. Britainia handiko justiziaren mundu korapilotsuan barneratzen gaituena. Tentsioz beterikoa eta gidoi aldetik hainbat biraketa harrigarriz josia.

3 atal / denboraldi 1

PEAKY BLINDERS(2013)

(Steven Knight (Creator), Otto Bathurst, Tom Harper)

Zeri buruzkoa da?
Lehen mundu gerraren ostean, Birmingham hirian bizi den gangster familia batek, zaldi-apustu etxe bat zuzentzen du.
Zergatik ikusi?
Hasteko musika bikaina duelako, paregabea. -Naiz eta momentu askotan musika hori, tranposo xamarra iruditzen zaidan, ikusten ditugun irudiek, eragina bortitzagoa izan dezaten itsasten baitute-. Estetikoki eta teknikoki zoragarria. Lehen denboraldiaren gidoia ahul xamarra iruditu arren, bigarrenak gorantz bultzatzen du telesaila. Aktoreak bikain, Cillian Murphy ezaguna esaterako edo bigarren denboraldian Tom Hardy. Oso gomendagarria eta zerrenda osotik desberdinena.

12 atal (guztira) / 2 denboraldi

UNCLE (2013)

( Oliver Refson )

Zeri buruzkoa da?
12 urteko ilobaren ardurapean geratzen den musikari galtzaile, patetiko eta desastre baten istorioa.
Zergatik ikusi?
Humore beltzez zipriztinduriko istorio dibertigarri baten aurrean gaudelako. Gidoi sinplea, baina bere funtzioa ezinhobeto betetzen duena. Sinopsi sinple horretatik urruntzean hasten da topiko guztietatik aldentzen. Zakarra, baldarra eta bihozbera era berean. Flight of the Conchords telesail bikainaren ukitu musikalekin. Nick Helm (enuen ezagutzen) ezinhobeto, ez galdu bere youtube-eko kontua. Alde negatiboena, lehen denboraldia oso motz geratzen dela. 22 minutuko 6 atal besterik ez.

6 atal / denboraldi 1